ابن جدلان

«تذكرني لا منها خابت أوهامك بمن وهمت، وعرفت الفرق في حب الخشوم وحب الاقدامي

[ابن جدلان @gjo3_]

عن المصداقية والنزاهة في الحب:

انا عاهدتها ما ابور فيها دامنا حييّن
لها وجهي لو تبور الولايف في ولايفها :(

[ابن جدلان @gjo3_]

معه نفس لا عافت تفارق معاد تشين
فلا تختبر صبره .. معك طالبك طلبه

ليا صد .. ماعاده مع الذكريات يلين
لو ان الهوى غلاب .. ماتقدر تغلبه

ولو حنّ له قلبه و رفّت عليك العين
يده سكّرت عينه .. و رجله وطت قلبه

[ابن جدلان @gjo3_]

والا صار به خطين والدرب واحد جيت
مع الصعب حيث انه يعرّض على بيته

امــيّل نظــر عيني لــزوله ولا لديت
و اعـــدّل عليه مــرايتي لا تعــديته .

[ابن جدلان @gjo3_]

من كثـر ما راسه على العـز مرفـوع
مافيه احد يقدر يقبل جبينه

حزمي سعد

[ابن جدلان @gjo3_]

حنا عيال اللي تسوق الرياجيل
من قبل جدانك تسوق البهايم

[ابن جدلان @gjo3_]

تنحيت من دربه وأنا عادتي شوام
وأنا لي هقاوي وأتعبتني هقاويي .

[ابن جدلان @gjo3_]

اليا عشقنا نعطي الحب مدبول
ولا نهين الحب ولا نذله

واليا انجرحنا مازعلنا على طول
واليا زعلنا نزعل العمر كله

[ابن جدلان @gjo3_]

ما ينافسني على صادق محبتك إلاّ
العقيم اللي تعلّق في عيال أخوانه :)

_عبدالعزيز العبلان

[ابن جدلان @gjo3_]

قلت : أنت دارك هنا واشِّر على صدري
قال : أنت دارك هنا واشَّر على عيونه "

[ابن جدلان @gjo3_]

مرطستني في حبك الله يمرطسك
مره تبي قربي .. و مرّ متشبّع

حسسّني بـ حبك علشان أحسسّك
انك هنا بين الضلوع .. متـربّع

- عبدالرحمن بن جزا

[ابن جدلان @gjo3_]

انا الفلك وانتي مثل نجمة سهيل
مهما حصل ما تطلعي من مجالي !!

[ابن جدلان @gjo3_]

من اعذب ماسمعت :

ماخاشرك فالحب من بد الحريم
إلا أمي اللي بـ الغلا متفانيه

أمي تحت رجليّها جنة نعيم
وأنتي بعد مفرعك جنة ثانيييه

[ابن جدلان @gjo3_]

حتى لو أن جداني هل الخيل
ما قد تذريت فالأسم الرباعي

ما أخذت حقي بفزعات الرياجيل
بـ ذراعي الله يخلي لي ذراعي

[ابن جدلان @gjo3_]

اول مواجيب الرجل مرضاة رب العالمين
طاعة رسوله واتباع الهدي خيره وحسنه

والزم مايلزم للرجل دينه وبر الوالدين
والمرجله ومناصرة حكامه وحب وطنه

[ابن جدلان @gjo3_]

جعل الغراب يحوم والذيب يعوي
الا على غـراتـنـا وعيـوبنـا

لـو تلـوي الدنيـا .. سواعـدنا لـوي
ما تدخل السكين بين جنوبنا

مدغم ابو شيبه

[ابن جدلان @gjo3_]

أحتاج وجه بسمته في محياه
حاجة فقير راس ماله حزامه

يقول يا ويلي على المال ويلاه
وأقول يا ويلي على الإبتسامه

[ابن جدلان @gjo3_]

لا تضيق و ينتثر دمعك و أنا فوق البسيطه
اذخره لا سمّعوك اسمي و أنا قدني تحتها
- جابر النشيرا

[ابن جدلان @gjo3_]

مرباي ماهو على الخذلان مبني
أنا جبيرة المكسور وانا معكازه

[ابن جدلان @gjo3_]

علموه ان شان وقتي و الليالي دارت
لا يحسب اني بسوي مثل ماسوى بي .

[ابن جدلان @gjo3_]

أنت حـب التوبه اللي طلع مـن مغربه
قفل أبواب المحبه و صار آغلى حبيب

[ابن جدلان @gjo3_]

عن الطله اللي تنتظرها جميع الناس
أنا ف أنتظار الطله ، الي على بالي ..