منصور العجمي

[منصور العجمي @gl5ii]

اللهم صل وسلم على نبينا محمد 🤍

[منصور العجمي @gl5ii]

يقول مزيّد الوسمي -

"وشلون أمل المكابر فـ الأمور الكبار
و الكبرياء جزء من نفسي و تكوينها

عجزت لا أناظر الدنيا بعين إعتبار
أدعس على غارب الأيام و اهينها

ما يعتذر بالظروف الا عديم القرار
ولا يبكي من الحياة الا مساكينها.."

[منصور العجمي @gl5ii]

الهنوف الي خذت تاج الحلا راسه وساسه
زينها الغض الطبيعي والنعومه تكتسيها

ناعمه ..لو كان في يدينها .حطيت ..كاسه
من نعومتها تطيح الكاسه اللي في يديها

من صفاوة خدها اللي فيه لمعه وانعكاسه
تقدر تعدل شماغك لا لمحت العين فيها

[منصور العجمي @gl5ii]

صاحبي دنياك حظوظ ومقادير
تضحك معك والله يعينك عليها

ناسٍ بقوه" حظها يطرح الطير "
وناسٍ تطير طيورها من يديها .

[منصور العجمي @gl5ii]

من تغير يجيب الله ألف غيره
ومن نسى ماني بحاجته لا ذكر

يمكن في غيابه ألف خيره
والعمر ما يوقف على غيبة بشر

[منصور العجمي @gl5ii]

ولو مهما يدور الوقت ما أطري بك العذروب
بموت وشرك أخصه وخيرك دايم أعمه

مثل روما تودي لك طروق القلب ولدروب
لك الوجهات الأربع كلها والشط واليمه

ومثل ما تحتمي لأرض الوطن بين البلاد شعوب
تحت سمعًا وطاعه تحتميك بصدري الأمه

[منصور العجمي @gl5ii]

لا مات الشغف فالأدمي..كل شيٍ مات
حتى اغلاء طموحاته مع الوقت يهملها

[منصور العجمي @gl5ii]

مساء الخير، ومسانا عمسٍ
وعن ترجمانٍ ، الشّعور :
«ودي أغسل ، شعوري وأرده نظيف
بس البلا عاد ، من يقدر يغسل الوسم ؟»

[منصور العجمي @gl5ii]

ما وقف في وجه طوفان الشعور الا عنادي
وقفة اللي راهنٍ عمره على غارب ذلوله

معك ما ترضى لي الهقوات بالدور الحيادي
كل ما مالت بك الدنيا لقى قلبي ميوله

ما عرفتك عادي شلون أتخلى عنك عادي
ما يجي بالتضحيه ما يتخلى بالسهوله

[منصور العجمي @gl5ii]

على طاري الذكرى ونور القمر والليل
يحن الخفوق اللي ما وده على صدك

تراخصه عشرتنا وأنا بين حط وشيل
وأقول أنت من جدك تقول إيه من جدك

ميلاد المحبه والغلا عيدهم ذا الليل
أمانه ما ذكرك الهوى وباح في سدك

تصد ان صدفتك صده ما وراها ميل
وأنا ودي بشوفك لو ان ماهو بودك

[منصور العجمي @gl5ii]

- حمد السعيد ايقونة الشعر النبطي خصوصاً
يوم قال /

- إما غلا بيّن أو فضها سيرة -
يعني يا اسود يا ابيض غيره مانبي !

[منصور العجمي @gl5ii]

فتحت لك باب عن الناس سكرته
وحطيتك بقلبي وعطيتك الغلا كله

لا شفت كسر بيسار صدرك جبرته
ولا ضاع قلبك بهالدنيا بيديني ادله

عوضتك وكل شي انهدم بك عمرته
ماهقيتك في يوم تخذل قلبي وتمله

[منصور العجمي @gl5ii]

مانيب قايل وش غيرك وش جاك
ما جاك غير ابشر و سمعٍ و طاعه
.
غرك غلاك . . و كثر لبيه خلاك
تحسب قلوب الناس عندك بضاعه
.
تذكرني اتذكرك و تنساني انساك؟
للوصل وصل و للقطاعه قطاعه

[منصور العجمي @gl5ii]

في عيونك تبتدي رحلة ضياعي
وكل ما دليت رحت أضيع فيها

وفي وجودك مالها هالناس داعي
يا بعد هالأرض ومن يمشي عليها

وضحكتك قدام عيني هي متاعي
بعتها الدنيا عشانك و أشتريها

لا تودعني ولا تطلب وداعي
الليالي دون وصلك ما أبيها

[منصور العجمي @gl5ii]

جعل السنين اللي مضت دفعة بلا
وعسى السنين المقبلة كلها خير

[منصور العجمي @gl5ii]

تمرين و يصير السماء خيرها صباب
و تزين الأراضـي كل ما انتي تزينـتي

فداك الشعر و الناس و الحلم و الأحباب
و انا والسنين المقبـله وين ما كنتـي.

[منصور العجمي @gl5ii]

زاهدٍ برغبات العمر واحارب الظلمة بـ نور
كريم نفس يجمّل أيامه وهي ما تجمّله

فريد لو ما ألاقي إنصافي ولا أحب الظهور
إلا بسحرٍ إن مرّ من حول الجمال يكمله

ما أعرف أتوسط ولو أتوسط في بعض الأمور
تبطي الليالي ولا توجّهني على أرضٍ ممحله

[منصور العجمي @gl5ii]

حمد السعيد ب أول أبياتة يقول :

ياحمامه قبل شمس العصر لاتغيب
عرضّت للهوى الغربي مناكيبها

إلى أن ختمها بـ :

ياحمامه هنيّك كل غصنٍ رطيب
مدهلك وان طرت الأشواق طرتي بها

جارك الله من كفوف الوحش والربيب
وجعل مابي من اللوعات .. ما انتي بها

[منصور العجمي @gl5ii]

مروعني الوقت لو ياخذ طموحاتي
وتروعني الناس في صدمة مباديها

بارد ولا شيء يلفت انتباهاتي
تمرني أشياء ماتمشي وأمشيها

مسكر اذني ومقلل علاقاتي
تتساقط الناس من عيني وأخليها

[منصور العجمي @gl5ii]

أسافر من محطات الخيال لـ وقفة التفكير
وأغنّي باللحون اللي صداها يطرب أسماعي

جناحي ذكرياتي والسما فكرة وأحب أطير
كرهت الواقع اللي يحبس أفكاري في قاعي

كثر ما كنت أخاف المفارق صرت أشوفه خير
مثل ما كنت أخاف البحر قبل أطلق شراعي

[منصور العجمي @gl5ii]

عيـدكم مبـارك
وتقبل الله طاعتكم 💐