شَخَصَ .

لكل تغريدة شعُور .

[شَخَصَ . @gn4_gl]

أستلذيتي بطعناتي وأخذتيها هوايه
كن مالك حربةٍ توجع وطعناتك أليمه

[شَخَصَ . @gn4_gl]

لاتتناقش معى احد حتى تتأكد من مكان ' عقله ' .

[شَخَصَ . @gn4_gl]

ألا ياغزالٍ في عيونك سهوم الموت
وفي مبسمك جنه وفي شوفتك راحه

ياحلو المعنق والسوالف وحلو الصوت
لو أن السوالف بالتغناج ذبااحه

تغار البني من طلتك والقمر والتوت
يا مياسة الحسن الطبيعي ومصباحه

زما صدرك اللي لا لبستي عليه الكوت
تضايق من الملبوس خوخه وتفاحه :)

[شَخَصَ . @gn4_gl]

الرخص ف البضائع يجذب الناس
والرخص فالاشخاص مُقرف ولا يُطاغ :)

[شَخَصَ . @gn4_gl]

حي ذا الصوت ياصوتٍ ملكني بحبه
قبل لا يمتلكني حبه الي غزاني

حطني وسط سجنٍ من سجون المحبه
وقّفل الباب من دوني وراح ونساني

حي بيتٍ سكنته خابره وسط قلبه
انهدم بيتي المبني خلاف المحاني

وقدني اليوم ذكرا زايله والعجب به
كيف ينساني وطيفه معي في مكاني ؟

[شَخَصَ . @gn4_gl]

تناوشي من خلاقينش ماعينتي
' فوق الحلا ياغناتي لاتحليني '

لو تلبسين الخياش الغبر ماشنتي
لا والذي نزل الكوثر وياسيني

يطري علي بيت ابن عون اللي بنتي
كن العتيبي على مدحش يلاحيني

ياكثر زينش لو انش ماتزينتي
' مدري مزينش رب البيت ف عيني '

[شَخَصَ . @gn4_gl]

يانور عيني يعود العيد ماحزنتي
ولا افقدش ياغلاي ولا فقدتيني

الى اقبل العيد غنيتي وهيجنتي
ما انتي فالخضب والمولات تلهيني

خلي البني تبرم المولات بالسنتي
وانتي حرامٍ عليها انش تمريني

ياسيدة الحسن لو انش ماتحسنتي
وياباشة الغيد كانش ماتعرفيني

[شَخَصَ . @gn4_gl]

ياحفيدة من يقود الجمع لو انك رقيقه
اسم ابوك يعدل المايل ومزبن كل جاني

افخريبه وافخريبي والمعاني مستسيقه
رغم ثورات القبايل انا وانتي وضع ثاني !

[شَخَصَ . @gn4_gl]

صامدٍ رغم القسى ويش الذهب لولا بريقه
عظم راسي قاسيٍ للجور وصكات الزماني

كيف تزهر وردة البُستان وهي برا الحديقه
جف ساقيها وذبلت لاوصال ولا حناني

ياعيون موحشٍ شاف الحباري في طريقه
ليه تقسى وانته الين من عويد الخيزراني

[شَخَصَ . @gn4_gl]

من ليلة البارح وأنا صمت محراب
بعد الخلود وقبل فجر المدينة

على طرَف كنّي دمع "مذنب" وتابّ
ناطر متى ترميني جْفون عينه

أقرا الليالي كنّي أقرا لي كتاب
حتى تجيني في خبرها جهينة

الله يزول أسباب ويهيأ أسباب
ومن يستعن به جلَّ شانه يعينه

[شَخَصَ . @gn4_gl]

إذا انك بخير .. انا بعد ماعليّ خلاف
تخطيت مرحلة الجفا الإنتقاليه

ياحيّ الفراق وقسوة الظلم والإجحاف
ولا وصل .. من شاف أوله عاف تاليّه

لا تفرح بكسر الخاطر اللي عليك يخاف
ترى احيان كسر الشي .. يزيده جماليه

انا من تعودت اسمع اسمي بصوتك حاف
وانا داري إن حبك على اخر لياليّه

[شَخَصَ . @gn4_gl]

اخوظ معها معارك دايماً وانتصر
الا اذا حاربت عيني بعينينها

الزبده انها لا طال الهرج ولا قصر
اسطورة الارض واستاذة مزايينها

[شَخَصَ . @gn4_gl]

ما عاد ألحّق يا سعد على جموع المعجبات
في كل يوم استقبل اكثر يا سعد من معجبه

بس العيوف معيّفتني فالبنات المترفات
يفدونها كل العذارى كاشفه ومحجبه :)

[شَخَصَ . @gn4_gl]

تحاول تسوّي من هروج السعه مشروع
لاتظلم رجالٍ قاسي الوقت ضالمها

ترا الطيب الي سمعته تنجز الموضوع
وبسمه بني عمه تخلص لوازمها .

[شَخَصَ . @gn4_gl]

وصلتنا علومك يوم جوك الرجال جموع
وعلومك اليا جتنا نحاول ندمدمها

ياكبر الهقاوي يوم جوك النشاما فزوع
بحور الكلام تغوص فيها وعايمها

وصارت بعد طول المدى مثل حب الكوع
لا لبيت رغبتها ولانته بمكرمها

يقولون خلق الله ماترغب سوى الممنوع
وانا اقول ماهو شرط وشلون اعلمها

[شَخَصَ . @gn4_gl]

سمحنَا وعفنا وأنثنينا عقب الإقبال
وذي عاده لا يمكن ان حن نخلييّها

إذا مالقينا من أهل الدار طيبة فال
نشوم ونخليها لـ من هو سكن فيها

صحيح الفُراق مضر لكن على ما قال
ماهي تحرق الجمره سوا رجلّ واطيها

عرفنَا بعز النفس .. من عادنا جهَـال
وكبرنا ومن له عادةٍ . . مايخلييّهاااا '

[شَخَصَ . @gn4_gl]

كل شيٍ له علاج في الحياة إلا .. الرخامة!
لو تطببّ في عديم المرجله ماهو بطايب

[شَخَصَ . @gn4_gl]

صباح الخير للمداومين والي مو مداوم مايشمله لا صباح ولا خير حتى :(

[شَخَصَ . @gn4_gl]

' مجاهيم هرجك مـالها عندنا ميراد
تحصل لها خبلٍ سواتك يوردها

خذينا مـن دلال التجارب عِبر و قناد
ولا عاد تجهلنا الضعوف و مقاصدها

على نيتينك عشت عمرك وخبثك زاد
ولا عاد تلقى سيرتك من يحمدها

هل الخبث والنمة تعيش الحياه جهاد
تدور بياض الوجه و الله يسودها '

[شَخَصَ . @gn4_gl]

سلاماً على منْ أبعدَ نفسه بِنفسه

[شَخَصَ . @gn4_gl]

' مزحنا عند النشاما على طيب ووقار
وكل هقوة طيب فينا نجي من فوقها

نتمارى فالقصايد وفالبل والمهار
ونعطي العالم مواجيبها وحقوقها

وفيه شي من السوالف هزيل وباختصار
من شرى الهزله بيبطي وهو في سوقها

وطمعت عيال الكراوين بعيال الحرار
هذي . اللي تصرم الكبد من معلوقها '