عبدالله

ما تجده هنا جزءٌ مني، وما أخفيه هو الجزء الأكبر.

[عبدالله @grayman1330]

يوم جمعه وحداني دون رفقه بس الجيد بالموضوع ماراح استمع لحلطمة احد بخصوص اني دايم اقترح مطعم ايطالي

[عبدالله @grayman1330]

صحيح اني مو من محبين هذا البودكاست تحديدا لكن الحلقه هذي جميله جدا وتتكلم عن مشكله متاكد كل شخص يعاني منها ، لذلك انصح فيها جدا

[عبدالله @grayman1330]

@ndeb40 @Batrelkhawater عاد شخصيته قبل مختلفه جدا عن الان لو تشوف اخر مقابلات سواها شخص ثاني تماما الشيء هذا يعكس لك تاثير العمر والنضج فعلا

[عبدالله @grayman1330]

في منتصف جمعه عائلية ولد خالي قرر يرمي معلومه من الكيس .. بس في شايب عمره بالسبعين والله طلع جواله سأل شات جي بي تي وصحح المعلومه 😂ياشيخ ادق لك تحية 🫡

[عبدالله @grayman1330]

يكرهون كونك رجل مثقف✋🏻

[عبدالله @grayman1330]

شعرك الي ماخذ لونه من سواد الليل وظلامه
لا انسدل على كتفك تعذر القمر عن ظهوره

ولا على القمر من عقب طلتك شرهات وملامه
جمالك يطغى في كل مره عليه في حضوره

[عبدالله @grayman1330]

اعتقد اني الوحيد الي ماعندي لاصديقات طفوله ولا حب طفوله السبب اني كنت مستحيل ادخل عند الحريم كانو الشياب يقولون بكراا تندم واقول ليه بندم؟ … ما ادركت الا يوم الوقت تاخر

[عبدالله @grayman1330]

@whateverhelpyou والله ذا قادح مره😂😂

[عبدالله @grayman1330]

انا من الناس الي مستحيل يجامل واي مدير اشتغل تحته احط حدود ولا احاول اكسب رضاه بمجاملات او هدايا او اي نوع من هالامور بس اليوم داخل الدوام معي عطرين هديه واحد للتي بوي وواحد للعامل الي ينظف المكتب وهذا من اكثر الاستثمارات الناجحه بالعلاقات صدقوني😂

[عبدالله @grayman1330]

@Smathrhpg والله بعضهم يستحق مديري السابق يوم استقال وراح وظيفه ثانيه جبت له هدايا بمبلغ وقدره لانه كان مدير رائع جدا وقبل كل شيء انسان اروع كنت احترمه جدا لدرجة مره جتني مقابلة بمدينه ثانيه واحتجت اخذ اجازه رحت قلت اسمع ترى عندي مقابله وماودي اكذب عليك واقول عندي ظرف😂

[عبدالله @grayman1330]

فيه موظف ناقل عندي قبل فتره وتوهم يعدلون راتبه على الوظيفه الجديده وفرق مره بالراتب و جبته عندي المكتب عشان اعلمه وينبسط تدرون ايش صار .. عيونه صارت حمرا وشوي ويدمع الموقف اثر فيني جدا لاني اعرف ظروفه صعبه وهو يعيل اسرته

[عبدالله @grayman1330]

تذكرت ايام الجامعه موقف شبيه كان في دكتور عراقي وقح جدا في مره يسولفون لي الشباب انه مسك واحد سفل فيه قدام كل الشعبه عشان الولد كان يطبع السلايدات اكثر من وحده في نفس الورقه وقاله يالبخيل واشياء كذا والولد انحرج جدا ،خصوصا ان الولد حالته الماديه سيئة مره ، عاد الحمدلله بعد كم سنه من تخرجنا سمعنا انه الجامعه طردو ذا الدكتور

[عبدالله @grayman1330]

طلعت من البيت ومسكت الشارع العام،بس فجأة قرصني قلبي، قلت على طول: بسم الله توكلت على الله ولا حول ولا قوة إلا بالله.
والله ما كملت دقيقة إلا واحد غشيم طالع بوجهه كيس ومن الخوف لف علي لفه قوية. كسرت عنه عشان أبعد وحاست فيني السيارة، بس سيطرت على الوضع الحمدلله.
للحين مستغرب كيف ما صدمت أحد ولا أحد صدمني. سبحان الله، ثم الحمد لله على لطفه وحفظه. والله إنها نعمة ما يحس فيها إلا اللي يمر بموقف زي كذا.

[عبدالله @grayman1330]

والله يا فيه شايب من اهل سدير معانا بالدوام ماخذني جدول كل مره يجي يعطيني كلمات من لهجتهم وانا .. وشوو؟ مافهمت معليش؟ ويموت ضحك

[عبدالله @grayman1330]

ما ماتَ مَن زَرَعَ الفضائلَ في الوَرى
بَل عاشَ عُمراً ثانياً تحتَ الثَّرى

فالذِّكْرُ يُحيي مَيِّتاً… ولَرُبَّما
ماتَ الَّذي ما زالَ يَسْمَعُ أو يَرى

الابيات ذي تختصر واقع نشوفه دايم.. فيه ناس راحو عن الدنيا بس سيرتهم الطيبة تخليهم عايشين بقلوبنا ومجالسنا ولا نسيناهم. وبالمقابل، فيه ناس عايشين وموجودين بس مالهم أي حس ولا أحد يذكرهم أو يدري عنهم وكأن ماهم على قيد الحياة.

اعتقد الأثر الطيب هو مايطيل العمر الحقيقي للإنسان.

[عبدالله @grayman1330]

معاي واحد بالدوام عازمني على زواجه بس محتار اروح ولا علما ان علاقتنا بس مزح وسواليف داخل العمل مدري هو عزمني مجامله ولا 🤔

[عبدالله @grayman1330]

@iwe2w ابشرك الارقام عندي كاني مقاول تلقى سباك كهربائي حق بويه وش تبي بس موجود

[عبدالله @grayman1330]

من ذكريات التحضيري وأول غدرة جامعية
كان الانجليزي وقتها يادوبك، وفي ورقة الميدتيرم سألت اخوياي وش نختار بالـ (Gender) قالوا لي Female. ولما طلعنا يطالعوني ويضحكوون المشكلة مو هنا، المشكلة الخوف حق المستجدين خلاني أروح للدكتور وأنا قد الثور ودقني بوجهي أبرر له ليش اخترت Female عشان خفت ورقتي تروح مع البنات ولاتتصحح ومابيه يشك اني قي 😂

[عبدالله @grayman1330]

ماكنت اصدق ذي الاشياء لين اشتغلت في اماكن فيها ناس كذا والصدمه الكبرى لما يوم سالت واحد من اقاربي مع مين كنت طالع وقالي زملاء وزميلات العمل القديمين ، كلهم صارو يشتغلون باماكن مختلفه بس يتقابلون كل فتره😀