جرمان || ال سعد

[جرمان || ال سعد @grman24]

يامل قلبٍ يسج وفيه دولاجه
من هاجسٍ بالضماير قام يدرجها

في معزلٍ عن جميع الخلق وازعاجه
مسمع من الناس لو تكثر لجالجها

مغير أهوجس تقول مضيعٍ حاجه
وآخذ واسند على روحي وهرجها

[جرمان || ال سعد @grman24]

وش تسوي ضحكة السن في حزن القلوب
كنها ترنيمة الحزن في . . حفلة زفاف

لو تراف ثقوب الايام وثقوب العيوب
الثقوب اللي في الارواح لا يمكن تراف

[جرمان || ال سعد @grman24]

اعفوني من النشده وكثر الازعاج
انا ابخص بدرب السنع والمتاهه

احيان ما القى لي من الضيق مخراج
واحيان يضحكني كلام الفكاهه

انا بشر وأمر بظروف واحتاج
عن عالم الازعاج فترة نقاهه

[جرمان || ال سعد @grman24]

كل ماطاب جرح وطاح سكينه
جد جرحٍ جديد ولخبط اوراقه

يوجع الصبر لا اختلت موازينه
والوجع يظهر الدمعه من الناقه

[جرمان || ال سعد @grman24]

والله اني ضايقن من خلاي وفي خلاي
خاطري ماهو بوده ونفسي ودها

وعاصيٍ نفسي على شان ما أرخي مستواي
لو بطيع النفس بعدين كيف أردها

يافهد صرت اشرب الما ولا يقطع ضماي
لا تعاتبني ترا النفس وصلت حدها

كل ما شان الدهر ضاع ثلثين اخوياي
خربت الدنيا .. لابوها ولا ابو جدها !

[جرمان || ال سعد @grman24]

⏱️📵

[جرمان || ال سعد @grman24]

عادي يموت انسان في داخل انسان
يمكن سببها هذا العشم والتمادي

[جرمان || ال سعد @grman24]

ياليت الليالي الماضيه ترجع بريموت
مـا والله اقول ان عاد فالمقبله طمعه
-
عزاز النفوس تعيش لوهي بدون بخوت
ماهي تنحني للذل وتضيع السمعه .

[جرمان || ال سعد @grman24]

من واقع الصوره ومن نبرة الصوت
الحلم بعض احيان يرمز على شي

لقيت لي مبنى على شكل تابوت
في داخله ناسٍ لا هاذي ولا ذي

يستنطقون الميّـت اللي شبع موت
وفوق النعش شالوا لهم واحدٍ حي

[جرمان || ال سعد @grman24]

جربو غيري ويمكن تعرفون
قيمتي لاجات حزات اللقا

واللّٰه أني سقم خيبات الظنون
البقا ياطيب الراس البقا

[جرمان || ال سعد @grman24]

من ليلة البارح ماني بـ اخو شما
يجثم على الروح هاجوس يسريها

اقر علي الفلق والا جز .. عما
نفسي من الضيق فيها ما يكفيها

[جرمان || ال سعد @grman24]

الناس لاصارت تزاحم على القاع
افرد جناح العز وارقى السحايب

[جرمان || ال سعد @grman24]

الكرامه فرض يوم الحب سنه
نحشم أنفسنا و يعجبنا التغاضي

من جرحنا نعذره و نصدّ عنه
ما نضيّع وقتنا في شي فاضي

بعد ما نعطيه فوق اللي يظنّـه
نبعد و نكتب على صفحته ماضي

الحكي نرميه فـ الصدر و نكنّه
و الصدور تشيل ما شالت الأراضي

ما نقضي ليلنا ذكرى و ونـه
حنا مع سود الليالي في تراضي

[جرمان || ال سعد @grman24]

يسالني الوقت وانا اقدر ازعاجه
يشوفني في الطريق الصعب متعني

قال انت وجهك كانه ينتظر حاجه
قلت انتظر لي شعور وضايعٍ مني

[جرمان || ال سعد @grman24]

اصبر وعادك معا الايام بتواجه
ماكل حاجه تشابه ضنك وضني

ليه اتنازل وانا اللي يضحك حجاجه
وليه اتواضع وفعلي قد حكى عني

ماني بمحتاج والله يلعن الحاجه
والله مايفرح بها اللي كان متمني

القلب قفلت بعد الصبر مزلاجه
اربه يعيش باقي العمر متهني

[جرمان || ال سعد @grman24]

📵🔒

[جرمان || ال سعد @grman24]

كل مالديت فالناايفات من الجبال
شفت جرة شرهتي طالعه ومحوله

[جرمان || ال سعد @grman24]

لا تلوم الملتزم بـ الصمت لا شحّ بالكلام
وش يقول الساكت اللي كل مافيه يتكلم .

[جرمان || ال سعد @grman24]

كل ساقط له لاقط ؟ ..

[جرمان || ال سعد @grman24]

احب النادر الي محدٍ يطوله
و احب كل صعب لغيري ماتهيأ