_

[_ @gsalasy]

بتمرك الذكرى بطارف لياليك
وتعلمك معنى القلوب العظيمه

لحظه ما ادري تسعدك او تبكيك
بس الاكيد ان المشاعر آليمه

فرصه محبه يوم ضاعت من يديك
الحين تسال وينها دون قيمه

اصعب شعور ان تدعي الله ينسيك
من كنت تدعي ياعسى الله يديمه

[_ @gsalasy]

لو تشب الشوق فيني وتطرق كل باب
لو غلاك اليوم يرجع في ضميري وأذكره

والله لو تهل الدمع من كثر العذاب
وتكتب بحقي قصيد يعجز الناس تنثره

والله إني ما التفت عقب التجافي والغياب
وما حنيت الرأس للي ما قدرت أعذره

أنتهى ذاك الغلا والود والوصل المستجاب
و ماتت اللهفة بقلبٍٍ كثر ما تكسره

[_ @gsalasy]

ماجيتك ادور محبه وادور اهتمامك
وأنا الاهتمام ملتفت لي بين كل الحضور

انت الي وعدت وخبصتني بكثر كلامك
ولا أنا؟ الحمدلله ماعلي ادنى قصور

ابديت لي وجه كنك عالي بمقامك
وعقب ماعرفتك ادركت انه مجرد غرور

كان حاولت تتقن شوي شخصية أحلامك
لاتلمع نفسك بالكلام والأفعال بخور

[_ @gsalasy]

جلست تلقي التبارير وانا اكتفيت ابتسم
وهذي نتيجة سمعي لاعذارك ومعاذيرك

طاحت دموع عيني كل شي بي أنهزم
كملت تنظر لعيوني وتّفنن بتماثيلك

عجزت أجاوبك وارد صوتي ضاع وانكتم
جا اليوم الي اسمع من لسانك أكاذيبك

كنت خايف تقول وقلتها وقراري انحسم
وسلامي للي علمك كيف تدبر تدابيرك

[_ @gsalasy]

بين الرجوع و بين نسيان ماضيك
واقف على نص الطريق و حاير

ماني بقادر أرجع العمر و أجيك
ولاني بقادر أنسى كل الي صاير

أشتاق لك بس النفس ما تبيك
شفني معك مجبور بالبعد ساير

[_ @gsalasy]

من باع ودك ما على وده حسوفه
إياك و عتابه ترا الخير فرقاه

[_ @gsalasy]

على البال لو الله ما كتب لي معك وصال
اشيل لك في ضلوعي شيء ماهو على بالك

[_ @gsalasy]

ليتني ما عرفتك وابتليت بهواك
بس ما عاد ينفع ليتك و ليتني

غلطتي في حياتي يوم ابيّن غلاك
وغلطتك في حياتك يوم خليتني

كان قلبي ما يبي احدٍ سواك
ضيعت قلبي وفوقها ضيعتني

تعمقت فيك واثر عمقك هلاك
بحر وانت في بحر هجرك خليتني

[_ @gsalasy]

لا صار قلبك ماقدر يحتويني
حرام احبك واتبعك واتمناك

يكفيني من الصدق رعشه يديني
ويكفيني من الحب طيفك وذكراك

حتى لو ودك تجي لا تـجيـني
ضيعت م يكفي من العمر وياك

محتاج اعيش الي بقى من سنيني
م افكر بوصلك ولا اخاف فرقاك

[_ @gsalasy]

ماحفظت ايام عشرتنا من لسان الشماته
ولا انا حافظك حفظ دموع عيني لا تسيلك

[_ @gsalasy]

أدري وحشتك لو تكابر بصدك
وأدري خيالي ما يفارق خيالك

وأدري حنينك صوب قلبي يحدك
حتى في بعادي ما تركتك لحالك

[_ @gsalasy]

علميني يالقصايد هو خطأ وإلا صواب
لا رفضت أنسى عيونٍ عشتها شعر و شعور

[_ @gsalasy]

شوفتك ميلاد وشموع وحبايب
وغيبتك لا ملح ودموع وسحاايب

[_ @gsalasy]

واحاول اتناساك يمكن مع الوقت
انساك و اتقبل جفّاك و مغيبـك

ليت الأغاني ماتجيبك اذا اشتقت
حتى القصايد كلها من نصيبـك

وشلون بنسى وانت فيني تعلقت
حتى رسايلك القديمه تجيبـك

ياللي ذبحني الشوق لك كل ماضقت
انا حبيب الفقد ماني حبيبـك

[_ @gsalasy]

ولأول مره اتمنى اني اتخطى وأنساك
ويبدو اني وصلت لأقسى مراحل شعوري

أنا تعبت كثير باني اصحى ولا ألقاك
والكوابيس الي اشوفك بها سببت جنوني

واكتفيت من التعب ومن قسوة ذكراك
ومن زود شوقي قمت أتخيلك قدام عيوني

وآثاريني تحت تأثير السهر على امل.. ملقاك
قمت اصدق أوهامي وبدت تغابى ظنوني!

[_ @gsalasy]

ما كنت اقصّر فيك من كثر الأعجاب
يومك تسوى عندي الكون كله

كنت القريب وكلهم كانوا أغراب
حتى القمر لا غاب شفتك محله

خلاص لا ترجع ترا خاطري طاب
الخاطر اللي كنت عايش بظلّه

رح وأعتبرني واحدٍ أذنب وتاب
مانـي بثوبٍٍ تلبـسه ثـم تمـله

[_ @gsalasy]

https://t.co/YKaZwoGhPs

[_ @gsalasy]

أقرا رسايل ماضيه كنت وياك
و اتأمل اللى صار من ذكرياتي

و أراجع اللى فات من حلو ذكراك
و تضيق فيني كل الاربع جهاتي

هلت دموعي يا حبيبي بلياك
وانت الذي لا هل دمعي تحاتي

شف حالتي من يوم ماحان فرقاك
ضاعت مع فرقاك كل امنياتي

[_ @gsalasy]

خيبت ظن قلبٍ يحبك ويغليك
وخيبت ظني يوم أحسب أنك حبيبي
خابت عيون كانت تصونك وتداريك
وخاب قلبي يوم قال عنك طبيبي
كنت بالمحبه والغلا دايم مبديك
وكنت أحسب أنك غايتي والنصيبي

[_ @gsalasy]

عرفتك صدفهٍ بيوم من بين الأغراب
وغديت بكل يومٍ أدور عنك

قربت منك وقلبي من الحب مرتاب
بسبّه بقايا شين التجارب بذكرياتي

لكني فتحت للمحبه بصدري الباب
ولقيت فيك جميع اوصافي و رغباتي

أقول إني ما أحبك وأنا والله كذاب
ياشلون ما أحبك و أنت كل حاجاتي