مو كل مرة يتغاضى الشخص عن غلطك يعني إنه ما انتبه، أحيانًا يسكت من باب المعزة، لكن ليه تتمادى وأنت عارف إنه يتجاوز لك؟ لا تخلط بين طيبة الشخص وضمان سكوته، لأن كثرة التجاوز مو معناها إن الغلط صار عادي
اللي يغيّر شعورك تجاه شخص مو موقف كبير، قد تكون تفاصيل صغيرة تتكرر وأنت كل مرة تتجاوزها وتبررها لين يجي يوم تكتشف إنك ما عاد تتأثر ولا تنتظر ولا يهمك تفهم مو لأنك نسيت، لكن لأنك استهلكت شعورك وأنت تحاول تحافظ على شيء ما كان يحافظ عليك بنفس القدر
مستغربة من هالنوع اللي يبررون لأنفسهم الخيانة بحجة نقص الاهتمام مو كل تقصير يبرر إنك تميلين لشخص ثاني وإذا علاقتك ما عاد تعطيك اللي تحتاجينه تقدرين تتكلمين أو تنسحبين لكن مو تخونين ثقة شخص فيك وتبحثين عن أعذار تبررين فيها تصرفك
وش يبي الإنسان أكثر من علاقة يحس فيها إنه مرغوب ومفهوم ومحتوى؟ علاقة ما يضطر فيها يخمّن مشاعر الطرف الثاني ولا يراقب تغيّر أسلوبه عشان يعرف وش اللي صار، ما أبي قرب يتبعه بُعد ولا اهتمام يخليني أتساءل إذا كان حقيقي أو مجرد لحظة، أبي وضوح يريح القلب وأمان ما يتغير حسب المزاج