᷂كرار

- بالاًخير ڪلنه سالفـه نصير ⠀

[᷂كرار @h1bk_]

اذكِر مرة گتلي
الليل وي غيرَك ذَنِب
ومَرة گتلي الليل وحشة
بعين كُل واحد مُحب
ومرة گتلي ، ومرة گتلي
وهواي گتليّ
وطلع كُل حَچيك جذب .

[᷂كرار @h1bk_]

وضَل گلبِي بأمَل
ترِجع وَألاگيك
وگلِت خلِه بأمَل مِا أحچَي خلِه
محظرلك لحِن مَا سامعِة العُود
مثَل الرِيح تعزَف
علىٰ الگذِلة
وطَلع كُل الرسمتِة
اوهام
باوهام ارسم عالضلام
بقلم كحلة …

[᷂كرار @h1bk_]

ما تَجيّن ؟
شظَل بَعد و المَن بعَد تَتأمليّن
انتَحرت النَجمة بسَمانا
و انذَبح زاجَل هَوانا
و اعلَن البُلبُل حَدادهَ
و طائر النَورس حَزين
ما تَجيّن ؟

[᷂كرار @h1bk_]

شَغرد والغُصن
مَبيوع
والشجرة الأحبها
سولفت سري !
صَياح براسي ضجه وصوت
مره يغني مره ينوح
أرق وأفكار ماتنطاق
خلتني أحسد المذبوح ..

[᷂كرار @h1bk_]

جَبار رَشيد:

تعَال أمسح دموعَك
وأرسِم أفراح
على عَيونك وخَدك
والشفايّف ..
ومعَليك ؟
بحَزن ذيچ المواضيع
راح أخَتارلك أحلى السوالِف .

[᷂كرار @h1bk_]

جِبت خشبات بيدّي
وگلت ذني احَلام
ُوطفت نارّ الشتاء
مادبرتها تنام
حَرگت أحلامي بيدَي
وگتلك ادفة
شسَويلك بعد كِل
هذا ماكفة
وتلاكينه وبچيت
وعينكُم صلفة …

[᷂كرار @h1bk_]

جُِيتكَ بليلةَ شتِةَ
ظلمةَ ومِطُرهاَ رشگَ
وشبِعْدة صِارَ ألدِربَ
خَِوف٫ وِرعُِيد٫ وِثلچَ
وچُِفَوفَ أدِيةَ زرِگَ
باِبكَ طُِحتَ هِا گمُِتَ
ضِمُِيت أيِدُيةَ ورِدتَ عِالباب
بألِروحَ أدِكَ
بِسَ گُِالوا ألِمّنَ تِدكَ
كُِلمنَ مشِة لحِالتةَ
وأحِد سكُِن بالِغُربَ
وأحِد سكُِنَ بالِشرقَ .

[᷂كرار @h1bk_]

چنت اودهم
چنت اظن سِدرة بـ ظهَاري الصيف
تچويني الشَمس واگعد بـ سدهُم !

كاظم إسماعيل الگاطع…

[᷂كرار @h1bk_]

جنح بيه أنكسر والثاني مخلوع
وطرّت گوه على عناد الـ يكرهون!

[᷂كرار @h1bk_]

امس بالليل
طيفك مر بالعيون
وگعدت وياك ساعه
وعاتبيتك
فجأه وراح طيفك
وفزت الروح
كلبت الليل كله وما لكيتك ….

[᷂كرار @h1bk_]

باچِر ترِدني لغِناي،
لواهسِي، و بيك استرَاح
و لِيك أخضّر سالفَة و گاعِين
و چفوف و وَطن
مِن تجيني اتلگاك بـ احلام الصِغار
و بفِطرة السبعين
بعيوني الـ على فراگك گِضن
باچر متانيك مو تنسى شگلتلك
" حَتى لو ميّت تَعال …

[᷂كرار @h1bk_]

ورجع طيري حزين وجنحه مايل
اضنك شاكها كباله الرسايل …

[᷂كرار @h1bk_]

أني هَم
متعوب مثلَك
هاك مَتني
وخلي أدينك
هاك خَل
نروح نفتر
كل درابين المدينة ،
حَتى أگلك
ذَني كلهن
فِدوه يرحن يَم حَنينك .

[᷂كرار @h1bk_]

فقره احنه مـا بينه ربح
بــس جرب ومرنه بصبح
تلڪـه النحل لازم سره
يصبلك عسل بريوكنه
بينه سواد بلا حقد
بيت اللـه لو عايز سكف
چان انبنه بطابوكنه …..

[᷂كرار @h1bk_]

وآنا بروحي
حِزن ديرة
ومَلامح خوف
وحَرب چذبة ، وحِلم تايه
ونَهر ثالث حُفر خَدي
غَريب بكاع مَتلمني
چم ليلة
اذب دموعي ع المامِش
ولا ادري .

[᷂كرار @h1bk_]

حَيل بينه
احنا ضيعنه العُمر
من بين آيدينه
و احنا تانينه القِطار
و مَامشينه
بلكي شي منكُم يجينهَ
رِدنه ننسَى ومانِسينه
رِدنه نبچي ومَابچينا
ونِعتب ونحچي وعليمَن
ويّاهو يسمع لو حچينه
تاكل الحَسرات بينه ومَابچينه
كِلها من گلوبنه العَمت عَلينا

[᷂كرار @h1bk_]

لگيناگم
سِفر نچَمه تطيح
اشِما چفنَ يعثر
وحچَيناگم
سَوالفَ ماي
حسِبنه گلوبگم عنَبر
يلـ مَوش اعلى گدگم ليش ؟
گدرتو الشِمس
بالگاع، خافَ افيايگم
يصغَر واهي الدنيّا
عطشِ ليله
شِراع الماتضوگه
الريح مَايگبر

[᷂كرار @h1bk_]

ضَيعتني
بكيفّك ورديت تآلي
تريد تلگاني
وحِزن روحَي تلمّه ؟
غَربتني
وچفن مارَف لك يَخايب
لا رچف گلبك واگول شويه همّه
غَيرتني
وبهَت كُل لون بخضاريّ
وآه ياذاك الربِيع الضاع حِلمه

[᷂كرار @h1bk_]

بَاچر
مِن تِرد ماتَلگه
شي مَوجوّد ،
تلگه الوَرد ذابِل
والأرضِ صَحرة
تِلگاني مَدينة مِسدده
البَيبان بَيه
الگمر مَيت والشمِس
حَمرة .

[᷂كرار @h1bk_]

اجيك من المرض
مهزوم
واشوف العافيه
بلونك
عليه مبين الخذلان
بس ما خيب
ظنونك
انـي الماعشت وياك
واني الميت
بدونك ..