الخلا عندي زبادٍ ونفحت ياسمين
خير من ترحيب ناس ماغير يجاملون
اتلذذ بالخلا من عداة الغايبين
واجتماع اللي يقولون مالا يفعلون
مرخصين انفوسهم وبخلا مستكبرين
دايمٍ من دون في دون حتى ينفدون:
ما دكّ "ذود المشاعر" من مفاليها
إلا طواري؛ (هنوف) دكت حصوني
إن همت؛ ما لي هيام .. إلا بواديها
وإن ضعت ما ودي إن الناس يلقوني
حتى الحياء اللي عن الأنظار مخفيها
ما قد منعها ولا "مرة" عن جفوني
ما أخذت عيون القصايد واكتفت فيها
أخذت عيون القصايد وأخذت عيوني
بعت الرخيص رخيص والحمد لله
حصلّت لي في السوق لاشً يسومه
لاشً شرى له لاش مثله وشرواه
الله يلوم اللايم اللي يلومه
علقه وأكلناها و درس وفهمناه
ما فات مات ولانجدد رسومه
-
لله درك ياوصل 🚶🏻♀️
لا تبتلش في كل هامـل وسايـب
ترك وضيع الشـان لاتبتلـي به
خل العفـون السافلين الزلايب
والـلاش لاتقرب جوانب شعيبه
أبعد عن الأنذال لو هم قرايب
ترى الزلايب قربهم له ضريبه
عليك بالشجعان حصن الطلايب
فرحت ضميرك بالسنين العصيبه
-
#عبدالله_بن_عبار
ما للنشايب ، غير فكاك الأنشاب
برقع ( قرانيسك ) و نوّخ ركايبـك
حول عن الطاره و خلك على الباب
جا راعي المركاض يا راعي الدبك
أنا صريح ، و ذا بلا أبوك يا عقاب
ناسبك وضعي عاد ، و إلا ما ناسبك
جاين ، تبي تطلق بـ وقفتك الأرقاب
و وقفتك ، ما تطلق طليّين من شبك
ماذاق شي من الترف والتدلاع
على التعب والهم يرقد وياعي
وضعه مع الدنيا معاناه وصراع
قسوه ماهو حوار عشب ورضاعي
نومه ليا منه نوى له بمرماع
غفوات شاويٍ تحوفه سباعي
يعم الهدوء ويستثير السكون الصوت
وأنا بين صوت العقل واحساسي الجايش
ما ضيعني وذوقني الموت قبل أموت
الا عقلي المتحرص وقلبي الطايش
أشوف الحياة جنازة في بطن تابوت
لكني رغم كل الصعوبات متعايش
ترا ما أصعب من الموت واللي خلاف الموت
إلا الفترة اللي لا أنت ميت ولا عايش
شد شوف العين للخير براق يلوح
صوب ديره داعج العين براقه سرا
ودي اسميك يابرق نقاض الجروح
نوض برقك جر ذكرى وجرح مابرا
احسبً نفسي عن الحب توبتها نصوح
لين ردتني بعد شافت البرق جهرا
للعيوف اللي هواها غذاء شاعر وروح
ام عينن تكتب الشعر من غير شعرا