عندي ان اللي يكرر زلّته ماهو بغالي
خُص لا حاول يبرهنها وحاول يعتمدها
يارفيقي لاتقول ادمح وصُد ولاتبالي
قد دمحت الاوله والثانيه ؛ واللي بعدها
راحت وتكرم بها لكن على قول الشمالي
كان فأمك خير والا انك ولد رجال عدها
طيفك هو المرحبا والمسهلا والسرور
وشوفك هي المنوه اللي صعب تحقيقها
لك الغلا والتفاني والشعر والشعور
وروحٍ تشوف ان وجودك ضمن توفيقها
وقّفت بين احتياجي لك وبين العبور
وما بين شرهات الاحباب ومواثيقها
من كثر ما اشوف وجهك في وجيه الحضور
صرت اقبل وجيه ناسٍ كنت ما اطيقها