حورآن

حس شاعر

[حورآن @haa_974]

@iranin_arabic عند خشمك

[حورآن @haa_974]

الوكاد أني سريـت العمر وأعلنت أرتحاليّ
وأسترحت بغربتي عن كل دربٍ كنت أهيمه

[حورآن @haa_974]

انت اللي اشوف انه اجمل واكمل انسان
وانت اللي احس بطعم حبه في ريقي

اتصدق ان من حبني لك بعض الاحيان
( احس بإنك منتب انسان حقيقي )

[حورآن @haa_974]

من صباحاتٍ قديمه لين صبحك يالجديد
هذا انا واقف تحت ظلك واحلامي شكثر

من ورا خيوط السهر مدري ورا خيوط الوريد
كل مافتشت في عمري .. الاقي لك اثر

#صباح_الخير

[حورآن @haa_974]

هو حبيبي بس حبيبي من بعيد
لاعناق ولا مواصل ولا حتى لقى

[حورآن @haa_974]

@majed_almhl والحمدلله والشكر له دايم
ماحن بمدات اليدين نباهي

نعطي عطايا كنها من فايض
وهي بعض الاحيان مابلا هي

فيصل العبيد المري

[حورآن @haa_974]

النفوس العظيمه تعرف اللّي تبيه
ما تدوّر رضا العالم .. وتركض وراه

من يجامل وجيهٍ ويستحي من وجيه
راح عمره .. وهو يمشي بدون إتجاه

إلبس اللي يعجبك .. واكل ماتشتهيه
دامك في طاعة الرحمن عيش الحياه

لا تروح لمكان .. إلا وراحتك فيه
ولا تجي من مكان إلا بـ سيره و جاه

[حورآن @haa_974]

خواطر الناس بحر وكل عاشق غريق
و انا غريق العيون اللي عليها الكلام

عيونك ان سلهمت لـ الحب تفتح طريق
ما كنها الا عصا موسى عليه السلام

[حورآن @haa_974]

إن رضيت بشيء .. ما أرضى مخافه
ما أقبل أنصاف الرضا في كل أموري

وإن رفض قلبي وعاف الدرب عافه
ما أجيه بنص خطوة .. من عبوري

الوداعة .. والسماحة .. واللطافة
هذه أصدق ما زرعته خلف سوري

والسكوت إن حمّل ضلوعي كلافه
بيض الله وجهه بغيبة حضوري

[حورآن @haa_974]

ماعاد يرضيني وفا .. ولا يزعلني جفى
متساويٍ في خاطري ظلم العرب وانصافها

ولا تاقف الدنيا على شمع الغرام اللي طفى
بعض الشموع أنا اتعمد كسرها واتلافها

[حورآن @haa_974]

عاد الوصل ذاك يلزم .. لزمة العاني
لا تحسب إنّ الجفى بيمس له هيبه

كنّ الغلا .. يوم جاه الموت؟ وصّاني
ما ينطحك في رجوعك كون ترحيبه

ترجع ( وأرحّب ) وتتركني وتنساني !
وصلك مصيبة غرام وبعدك مصيبه

على كثر من ( تركني ) قبلك وجاني
يبقى رجوعك رجوع وغيبتك غيبه !

[حورآن @haa_974]

كن رمش عيونها سيفٍ يشيله حاكم
ماخلق في وسط قلبه رحمه وماويّه

عنقها تضفي عليه بشعرها المتراكم
ولولها المنضود ، دونه جمرتينٍ حيّه

" يا عواذل حبّنا ، غنّوا على ليلاكم "
شحّت الدنيا عليّ ، وجادت بـ حوريّه

[حورآن @haa_974]

كثر ماسترت اسمك .. لاتدري به العذال
يطرّيك صمتي . . والجوارح . . تهذري بك
'
قد اصعب سؤال يمر الاسماع .. كيف الحال ؟
وقد اغلى الوسايل عندي . . اللي جمعني بك
'
ولاهوب محزنّني .. سوا ان شاشة الجوال
تجيب اتصالك . . بس ماتقدر تجيبك !

[حورآن @haa_974]

طهارة وجهك الراضي كأنه منخلق من لين
سحابٍ يروي أحساسي طهر ويلملم شتاتي

ذخرتك للشقى صدرٍ .. يكفيني عن الباقين
وذخرتك للمدى هقوه تشتت كل ضيقاتي

أنا ياضحكة سنين الزمان وكل علمٍ زيييين
تركت الناس متعمد وعليك أسوق هقواتي

[حورآن @haa_974]

فـ البساط الاحمدي ، لا حزين ولا غريب
اقربي يا ضحكه رضاي . . وابليس يهبا .

[حورآن @haa_974]

شفت النجوم اللي تخاوت مع الليل
أضرب عددها في عددها وزدها

احسب خطوط الطول والعرض والميل
واجمع شعوب الأرض وادبّل عددها

واحسب عدد ما سّبح العبد بالليل
بليار في بليار وادبل مددها

شوف النتيجة بعد هذي التحاليل
ذي قيمتك عندي وهذا عددها .

[حورآن @haa_974]

عبدك واناجيك يالاقرب لحبل الوريد
من ضنك دنيا الفنا للجنان دار البقا

واقسم لي الخير الخيره وعقلٍ رشيد
واغفر لي اللي مضى للعمر واللي بقا

انا من اللي خطاياهم تبيد الحديد
وانت اكرم الاكرمين وهقوة اللي هقا

اجعلني ووالديني يامغيث العبيد
الفايزين برضاك ومن لضاك اعتقا

#ليلة_القدر

[حورآن @haa_974]

وابا أخالف العالم واعايدك قبل العيد
مع العشر لك عندي معايَد وعيديه

إخذ عقد رسمي شاهده جرهديّ البيد
مورخ سنة سبعه وعشرين هجريه

بـ دين،ويمين وبند واحد بلا تفنيد
توقّع عليه .. وتحتري موعد الجيه

سفر_الدغيلبي

[حورآن @haa_974]

ولو تلمسين الغيم زادت رقته ..رقه
ولو تضحكين النور من مبسمك بّين

ولو تزهمين الريح جات الريح منطلقه
كن الهبايـب تباشر .. عـودك اللّيــن

لا تطلبين القلب و انتي حل لك سرقه
شوفي غرامك بـ وجهي فعله .. مّبـين

مدري من الورد و لا العطر مّنخلقه
بس الأكيد إن جمالك ما هو بـ هّين

[حورآن @haa_974]

مافيه أحد يبقى لأحد في حياته
تستقبل أصحاب وتودع لك أصحاب

كل ورى " مستقبله .. وأمنياته "
ومايبتعد عنك ترى غير الأقراب

تعود إن القلب يبقى " لذاته "
وتعيش باقي ذكرياتك بلا أحباب

ومااغلى من الغالي .. سوى ذكرياته
هي اللي بتبقى مع الوقت لا غاب :)