أقولكم على حاجة؟ ساعات الاستمرار في السعي بيكون خوف مش عزيمة ولا شجاعة، انت خايف تواجه الحقيقة و مش عارف هتروح فين لو وقفت دلوقتي ف بتكمل في طريق انت عارف ان آخره سد عشان تأجل الصدمة شوية.
لولا اقتناعى التام ان كل ما يحدث خيرًا وإن ربنا له حكمة فى كل حاجة كان زمانى تعبت ورا كل حاجة كان نفسى فيها وبعدت عنى، وكل حاجة حصلت عكس اللى بتمناه وبدعى بيه وبسعاله، منكرش انى بحزن جدًا غصب عنى بس بفتكر ان لو عرضت الأقدار على الإنسان لاختار القدر الذي اختاره الله له.
اتمنى ان فكرة اي اتنين متجوزين يستنوا سنة على ما يقرروا يخلفوا تبدأ تبقى حاجة طبيعية والمعظم بيعملها عشان يقدروا يعرفوا بعض بشكل اوضح واوسع من فترة الخطوبة بدل ما يجيبوا عيّل علطول ويكتشفوا بعدين انهم غير بعض تماما وينفصلوا ويسيبوه يعاني فالدنيا بسبب استعجالهم!