هالة

ربِّ اغفر لي ولوالدَيّ🌱

I have a dream.

مَلِكٌ يتصرّف في مُلكِه حيثُ يشَاء..
Half Nurse Half DE

Ex-ITI
🇸🇦🇪🇬🇩🇪

[هالة @haladot1]

يارب اجعل سيرة امي الحسنة ممتدة الى يوم القيامة واجعل كل نسلها ولد(بنات ورجال) صالح مصلح يرجو رحمتك ويخاف عذابك ويحبك ويتقيك ويدعو الخلق اليك واجعلنا واياهم خير عبيدك وإمائك واجعل كل فريضة و حسنة و سنة تعلمناها من امي في ميزان حسناتها اضعاف مضاعفة وصدقة جارية لها وعلم ينتفع به 🤲🏻

[aya @ayoshaail13]

زمان كنت فاكرة إن الحُب لـ من يجرؤ .. بس كبرت و فهمت إن الحياة كُلها لـ من يجرؤ!
علشان نصيبك لو عدي قدام عينيك و ممدتش إيدك تاخده، مش هيبقي من نصيبك.

[هالة @haladot1]

💖🥰

[Hager @hager_mahm0oud]

لو فضلت الباقي من عمري بحمد ربنا إنه رزقني بزوج أكرمني وركبلي تكييف في المطبخ مش هيكفي والله، ربنا يبعد عنه نار جهنم زي ما بعد عني سخونية المطبخ.

[هالة @haladot1]

قلبي الصغير لايتحمل من كتر الحماس 😂😂🔥

[Nirmeen 🇵🇸 @NirmenLghrabawy]

موضوع الأذكار دا واقعي اوي عشان انت حرفيا ممكن تعيش ( اسعد / اوحش ) يوم في حياتك
والفرق هيبقى ال ١٠ دقايق الي قريت فيهم الأذكار وانت نازل
You do the math

[هالة @haladot1]

اقسم بالله انا ف كمية توهان وتشتت تكفي قارات وقرات مجاورة
يارب دلني 💖

[هالة @haladot1]

انا بحب علم الفراسة اوي اوي بجد💖🥰

[هالة @haladot1]

هي الولاد هتبطل تستخدم كلمة ناشز عمال ع بطال امتى؟

شوية تثقيف ي اخوانا

[Aya ElGebeely 👩🏻‍💻 @ayaelgebeely]

لو مش لاقي شغل، ما ينفعش تسيب يومك يفرط منك

لأن أسوأ حاجة ممكن تحصل في الفترة دي إنك تصحى كل يوم متأخر، تقدم على كام وظيفة عشوائي، تفضل مستني رد، تكتئب شوية، وبعدين تنام حاسس إن الدنيا وقفت

هي الدنيا ما وقفتش

أنت بس في مرحلة انتقال، والمرحلة دي محتاجة منك تدير يومك كأن عندك شغل

وشغلك الحالي هو إنك تلاقي فرصة، تخلق دخل، تطور نفسك، وتحافظ على روحك

قسم يومك لأربع أجزاء:

أولًا: تدوّر على شغل بجد

مش تقدم على ١٠٠ وظيفة وأنت مش عارف قدمت فين ولا الوظيفة أصلًا مناسبة ليك ولا لأ

ظبط الـCV و LinkedIn حدد الشركات والوظائف اللي مناسبة ليك
قدم كل يوم على عدد معقول من الفرص، بس قدم بشكل محترم ومخصص لكل وظيفة

وخلي الناس تعرف إنك متاح

ابعت لزمايلك القدام، مديريك، عملائك، وأي حد في مجالك:

“أنا متاح حاليًا لفرص جديدة، ولو عندكم احتياج أو تعرفوا حد محتاج خبرتي، أكون ممتن جدًا.”

ما تتكسفش.. أنت مش بتشحت شغل لا مؤاخذة
أنت بتعرّف السوق إن عندك قيمة و وقت متاحين

ثانيًا: ما تستناش الفرصة… اخلق واحدة

مش لازم رزقك الجاي ينزل عليك في صورة وظيفة ومرتب وتأمين طبي ولابتوب جديد

ممكن ييجي في صورة استشارات .. تعمل تدريب او تدريس حتى لو لطلبة مدارس .. مشروع صغير مضمون..

أي عمل حر شريف يجيب دخل و يقلل الضغط من عليكم

و ابدأ بحاجة بسيطة و عشان خاطري ما تستناش المشروع اللي هيغير التاريخ… و نروح تصرف باقي الفلوس اللي معاك تفتح بيها مشروع تربية كتاكيت و تنستناها تبقى فرخة و تبيض..

إحنا بس عايزين مشروع يدفع الفواتير و الاقساط الأول، وبعدها نبقى نغير التاريخ براحتنا مفيش استعجال

ثالثًا: اتعلم حاجة تزود قيمتك

برضه مش وقت إنك تفتح ١٧ كورس وتخلص منهم المقدمة

اختار مهارة واحدة مطلوبة في مجالك او حاجة محتاج تتقنها و اتعلمها كويس و طبقها
لأن السوق دلوقتي مش مهتم قوي بعدد الشهادات اللي على LinkedIn

السوق مهتم يعرف:
أنت تقدر تعمل إيه دلوقتي؟
وإيه المشكلة اللي تقدر تحلها؟ و هل عندك سابقة اعمال تثبت ده و لا لا؟

رابعًا: حافظ على علاقتك بربنا

صلاتك في وقتها.. ورد قرآن ولو قليل… دعاء…استغفار.. صدقة ولو بسيطة.

اطلب الرزق طبعًا، لكن اطلب كمان السكينة، القوة، البصيرة، وإن ربنا يبعد عنك فرصة شكلها حلو وهي شر ليك، ويقرب لك الخير حتى لو أنت مش شايفه

العبادة مش بديل للسعي

لكن السعي من غير قلب متوكل على ربنا بيستهلك الإنسان جدًا و تحس انك ريشة في هوا و الدنيا جاية عليك جامد

عدم وجود وظيفة حاليًا لا يعني إنك فاشل.. ولا يعني إن قيمتك قلت

ولا إن كل الناس سبقتك وأنت الوحيد اللي واقف

أنت في مرحلة صعبة، آه

لكنها مرحلة…
والباب اللي مكتوب لك هيفتح في وقته…

[هالة @haladot1]

مش بهتم بالكورة ف العموم بس ماتش النهاردة كان اون فاييرررررر💃🏻🔥🔥🔥

[هدير علاء. @hadeerralaa94]

يارب تقلب لي الموازين وترتب لي الأمور دي أحسن مما عقلي مصورها لي وتزيل خوفي وتجعل كل اللي خايف منه هو أسهل وأجمل حاجة هتحصلي

[هالة @haladot1]

جوايا كلام وحش كتير للكلية والجامعة

[هالة @haladot1]

المهم انهم صارفين ومكلفين
حقهم يعني ما دا يومهم .. وانا قاعدة مستنية في واحدة شافت بوكيهات عاملينها في ورود وفلوس وشوكوليت وكدا فبتقول لواحد تاني جنبها وبتستنكر دا وقالت كلام تاني مش لازم اقوله بس كنت عايزة اقولها بجد "واحنا مالنا"؟!
طب ادعيلهم بالبركة والفرحة!!
حاجة غريبة

[هالة @haladot1]

النهاردة كانت دفعة اصغر مني بتناقش مشروع تخرجها وشكلهم قمامير كلهم تبارك الله ..
رجعتوني لذكريات جميلة ي ولاد والله😭💖💖💖

[هالة @haladot1]

مبيغظنيش اد اللي بيكتب اسم مسلسل ف الكومنتس بالعربي .. ليه ي جماعة تخلونا نترجم ونسيرش وتتعبونا

[هالة @haladot1]

والله لولا اني هحتاج قفاهم تاني كنت قولت كلام تاني
جوايا كلام كتير والله

[هالة @haladot1]

يارب

[Kafrawy @kafrawyyyy]

في حديث عرفته مؤخرًا بحبه أوي..

قال صلي الله عليه وسلم: إن الله قسم بينكم أخلاقكم كما قسم بينكم أرزاقكم، وإن الله يعطي الدنيا من يحب ومن لا يحب، ولا يعطي الإيمان إلا من يحب.

[أسعد @Asaadaly20]

أنا والألماني لسنا بخير، علاقتنا متوترة، ومافيش تفاهم بينا مؤخرًا

مش فاضي من الشغل والجيم ومشاغل الحياة، والألماني بيلومني عايز اهتمام ووقت أكتر.

علاقة مرهقة بس أبدية
ياااااااااااااارب كرمك

[Mounir Salaymeh @mounir_homs]

إذا الشخص عم يتعلّم اللغة الألمانية فـ هالمواقف طبيعيّة.. بس بتصير القصة أصعب بمراحل لمّا تكون عايش بألمانيا وعم تتعامل يوميّاً باللغة بالمراسلات وعلى الواقع مع العالم؛ وتجي بيوم حابب تحكي انكليزي بسبب موقف صار معك. رح تتفاجأ إنّه الانكليزي صار مستواه سيّئ جداً عندك.

اللغة إذا ما مارستها بشكل منتظم فـ رح تبدأ تنسى كلمات ومصطلحات منها أكيد. ورح يوصل فيك الحال إنّه ما بقا تعرف كلمة friends مثلاً كيف بتنكتب، الـi قبل أو الـe؟ وهاد شي علمي ومُثبَت وبيحصل مع الكل.

كيف ممكن تحمي اللغة/اللغات اللي بتعرفها إنّك ما تفقد قدرتك بالتحدّث فيها؟ تسمع أخبار/بودكاست/ كتاب صوتي بـ هاللغة.. وتحكي كل يومين حتى لو مع حالك إذا ما لقيت حدا ع الواقع أو أون لاين. تقرأ لإنّه كتير مهم! تحاول تكتب كل أسبوع اللي صار معك بالأيام اللي راحت.

في استثناءات أكيد، مثلاً إذا كنت بألمانيا ودراستك بالجامعة كانت بالانكليزي أو اختصاصك هو الأدب الانكليزي نفسه (متل حالتي).. كمان لمّا تكون متأسّس بشكل قوي جداً بالانكليزي بالمدرسة والجامعة ببلدك؛ رح يعمل فرق كبير معك وما رح تنسى اللغة بسرعة بالعكس رح تبقى معك القدرة على التحدّث وفهم الانكليزي لفترة طويلة.

[Lolia awny🧜🏻‍♀️ @ElhabalAma48718]

ليه الطب النفسي متكلمش عن فوبيا غسل حلة الملوخية وحلة اللبن لحد دلوقتي ؟؟