حمــد

متذوق للابــدآع

[حمــد @halmunkhas]

الله لا يجعل حضوري حضورٍ مايعد
والله لا يجعل غيابي غيابٍ ينبغى

[حمــد @halmunkhas]

الغريب ان رجع من بعد غربة طويلة
يمكن يٌـعيش غربة ثانيه فـي بلادة

[حمــد @halmunkhas]

للعمر تلويحة وللذنب غافر
ماتاقف الدنيا على لحظة الطيش

في نصل سيف وخف ناقه وحافر
معنى حديث المصطفى صفوة قريش

ياما ورى بيبان بعض المخافر
درويش ثاني غير محمود درويش

اغيب وابعد واتغرب واسافر
وتشيّب احلامي ورى لقمة العيش

ياللي تفرق بين مسلم وكافر
الطير ماثقل جناحينه الريش

[حمــد @halmunkhas]

السجود أجمل تواصل في الحياة
دعوةٍ فـ الأرض تسمعها السماء .

[حمــد @halmunkhas]

يا صاحبي طلتك من عيد لعيد
تنقض الجرح وتغير علينا

لو كان دارك بعيد وداري بعيد
اللي يقرب بعضنا في يدينا

اجيك مثل الظروف بلا مواعيد
لو ما نقول اقلطي تقلط علينا

[حمــد @halmunkhas]

الشر عنك خلاف والخير قدام
والصبر في وقت المعاناه سنه

[حمــد @halmunkhas]

تجارب الوقت . . مامرّت مرور الكرام
خلّت عقول الرجال اكبر من اعمارها

[حمــد @halmunkhas]

الإنسان لاقل حيله كثرت هروجه
والناس لايسمعون الهرج ماطاعوا

العقل والنفس مثل الزوج والزوجه
ان طاعته وفقوا وان طاعها ضاعوا

[حمــد @halmunkhas]

مايبرد الشوق لو نبطي من الثاني
الشوق لازال حي وجمرته حيه

شعري وشوقي وعاطفتي ووجداني
ماهزها الا محبتها الحقيقيه

طرقاً تغيب وتجي وان جات تلقاني
حبيبها اللي يحب بكل عفويه

من سلهمة رمشها الي ماتعداني
الى سوالف شفايفها الرمنسيه

ياماكله توت ولاشاربه شاني
مع ان حمرة شفايفها طبيعيه

[حمــد @halmunkhas]

الحياة أقصَر من التفكير فيها
خلها تمشي و ممّشاها على الله

[حمــد @halmunkhas]

مقتنع فالزمان ومستريح الضمير
القدر في يد الله والصبر في يدي ".

[حمــد @halmunkhas]

وليته لا رحل مثلك حفرنا بالسحاب قبور
وعشنا في رجا وسمٍ نشوفـك في مخايِيله

[حمــد @halmunkhas]

اللي معه تاثق وتامن وترتاح
احفظ جنابه مثل حفظ الوصيه

ما دام روحه تفهمك بين الارواح
عطه على كل البشر الاولويه

اللي مثل ذا النوع بالذات لا راح
ما عادك محصل مع الناس زيّه

[حمــد @halmunkhas]

يا فاتنة في كل يوم و في كل حال
يا أغلى ما في الدنيا و مفتونها

فيك الوصوف من الخيال إلى المحال
أبعد من أحلام البشر و ظنونها

يا شيخة الخفرات ربات الجمال
يا فارقة بحظورها و بدونها

تبينها من جد و لا من خيال
ملامحك ملح الحياة و لونها

خلي عيون الطير و عيون الغزال
عيونك اجمل من جمال عيونها

[حمــد @halmunkhas]

رفيقي اللي كل يومٍ يكلم
غير الكلام اللي من الراس لـ الراس

أعلمه ماقول له لا تعلم
هو يْعرف اللي مايعلم به الناس

[حمــد @halmunkhas]

يدور الشك بين الناس والاعمال بالنيات
ويمر الواثق بنفسه عليهم ، ويتعداهم

[حمــد @halmunkhas]

تعال يا اللي شي شي , وعال عال
عن الغنايم يكفي , اني كاسبك

مهما خذاك البعد وصدوف الليال
فـ الوصل ولا فـ المفارق حاسبك

جيتك وانا كلي شغف يا ابن الحلال
والله ما جيت اعاتبك واحاسبك

انا ما جيتك غير , ادور لـ الوصال
يناسبك ولا مهوب , يناسبك ؟

[حمــد @halmunkhas]

طاحت بشوت التغاضي عن متون الكلام
ومع بوادر نزعة الشك .. ياشين الثقه

عندي ان تحقيق حلمي على روس الأنام
مايساوي ربع همي .. قبل لا احققه

والنجاح اللي يوجهه عليه الأتهام
العقول الواعية .. مستحيل تصدقه

قانعً من طرد الأحلام وبروق الغمام
وميسً من غيب .. سود الليال المرهقة

قنعت اللي عن هواء الصيد يردعه النظام
وعود ببشته .. يلحف خشيبت بندقه

تسلب قلوب الأودام بلطف الأهتمام
حتى ولو من خلف عوج الظلوع المغلقة

انا من في راحته طاحت دموع الغرام
احتفظ فيها بـ كفه .. ولو انها تحرقه

من غلا عينً رمتها قبل خمسة اعوام
اعتنى في كل ذكرى .. ولو انها ترّقه

محترم حتى غيابك ياممشوق القوام
عنك ماعين دقيقه .. ولحظه تسرقه

قلبي اللي من جمالك تولاه الهيام
مره تخيط فتوقه .. ومره تفتقه

وكانك تميز كلامي ؟ وتعرفني تمام
انا من يعرف كلامك قبل .. لاتنطقه

يعتريني خوف حتى لو تقول السلام
والله ان حبال صوتك حبال .. المشنقة

اجتمع في وجهك النور كله والظلام
يوم تنثر في ليلك .. بوجه شمس مشرقه

غيرك من الغيد مهتم في سعر الجرام
مايزين الا ليا حط الذهب في .. معنقه

وانت تلبسك المراويح يابدر التمام
مع مرورك كل الأنظار فيك .. معلقه

اتصدق خلق ربي بـ كثر الأبتسام
وانت حتى لو تعقد حواجبك صدقه

[حمــد @halmunkhas]

اتعبو لأهدافكم ياهل الحلم الشغوف
عنفوان زهور الاعمار قافيها المراح
ㅤ
الضعافه ويش ودت وجابت للضعوف
غير صبرٍ مايواجر وهمٍ مايزاح

الفشل لا تجعلونه ذريعه للوقوف
هو تراه اول مراحل محطات النجاح

مايعديك المهونه ويلحقك الشفوف
غير ممشاك بشجاعه وعزمٍ من كفاح

[حمــد @halmunkhas]

ليت من يدري بحبه وياثق من غلاه
لا سعى فـ جروح قلبي سعى فـ اعلاجها

واحدٍ ربي من الزين والقبله عطاه
يستلم عرش المحبه ويلبس تاجها

مثل مايحتاج الانسان لـ الماء فـ الحياه
الدروب اللي تودي عليه .. احتاجها