#شعر
لاتستحي ان كان انا منك استحيت
انا بعض الاحيان ما احب السحى
وانت الوحيد اللي على بالي طريت
وببطي وانا احبك وحبك من انمحى
وان كان انا على جمر حبك وطيت
غلاك عندي فوق،، فوق ولا انتحى
روّح زماني بين لو وبين ليت
ودارة سنين اعمارنا دور الرحى
#شعر
حاولت انسى ما مضى لي من سنين
وياكيف ابنسى من زمان ٍ مضى لي
ويسقى علينا يوم كنّا بزارين
يوم ان كان القلب والفكر خالي
اقلّب الجوال من حين الى حين
ويطري علي ربع ٍ عزاز ٍ غوالي
انجيب طرياهم وحنا حزينين
وعزي لمن هو فاقد ٍ شوف غالي
هونوا علي ترا الزمان القاسي
ما بقّى منّي من دموع و عبره
ومن قال كيف الحال اومي براسي
ما ابغي الحكي ثماً تبين النبره
مدري انا تعبان او حساسي
بس الوكاد انّه تعدا صبره
معاد انا ذاك الشديد الراسي
والصدر اضيق من مغز الابره
حتى الطموح اللي بنيت براسي
انا بديني قابره في قبره
حتى ولو انّه يطوّل سكاتي
باقي له بقلبي مراتع ومنزال
ياملحي وزادي ياسكّر نباتي
يافرحة الايام بالوان واشكال
انقذني بوصلك وجمّع شتاتي
ما تدري انّك كل يوم ٍ على البال؟
باقي من ايام المحبّه فتاتي
لكّنها بقلبي كما ابحور وجبال
حمد ابن غويّه
#شعر
روّح زماني و مابقى من حياتي
ذكرى جميله عشتها بضف الاطلال
ولا شفت وجهي في المرايه احاتي
مستقبل ايامي من الجال الى الجال
احن للماضي وانا في سباتي
ويطول صمت الليل وهلاله هلال
واللي بقى من حلمي وامنياتي
ذكرى لقانا يوم ليل الشتا طال
#رساله_من_القلب
لحظة عمر وانا احسب اللي مضى راح
واثرك معي باقي بكل الزوايا
ما اقول انا من غيبتك ماني مرتاح
لكن طيفك ليش يمشي ورايا
حبك فتح صندوق قلبي بمفتاح
من طيب قلبك وانت زين الحلايا
كنت احسب ان الحب طيش وتمزاح
واعروق قلبي من بعدكم عرايا
فديو من الزمن الجميل ، الشيخ/ زايد ابن نهيان في استقبال الشيخ/ عيسى ال خليفه وهنا عرض الهجن وهو من ابرز تراث الخليج العربي وكذالك الفنان القدير/ ميحد حمد يتغنّى بكلمات الشاعر الكبير/ بندر بن سرور (رحمهم الله جميعاً) ورحم الله ذاك الزمن الجميل
#مارب
من حدته سود الليالي على اقصاه
يصبر ويلقا له حياة ٍ كريمه
حلاوة الدنيا قبلها معاناه
ولا يناحرها ياكود الصتيمه
يصبر على الدنيا وياكل بيمناه
ويضحك لها ضحك الولي لليتيمه
ومن هو نوا بالشر نرثم ثناياه
الليّن يعرف ويش معنى الهزيمه
انا راضي باللي فات واللي علي مقسوم
لكن الامل موجود ياباقي ايامي
تذكّرت وقت ٍ فات بسنينها ورسوم
وتذكّرة يوم اقول لأخواني احلامي
مع كل بزغت شمس يوم اصحى من النوم
وانا اشوف حلمي هناك مرسوم قدّامي
كبرنّا معا الايام واثره عداني اللوم
ولا اتحققت الاحلام وباقي على اوهامي
ابن غويّه
#شعر
ابيات مهداه ل خوي الغالي/ محمد الكروين الأسلمي
ما يوجع الرجّال ويبحث خفاياه
الّا اذا زادت عليه الجماله
ومحمد اللي كل ما جيت ابنصاه
خل الدعاوي كل ابوها سهاله
ودّي ارد اللي من الطيب سوّاه
غير البحر ماهو يجي في البياله!
حمد ابن غويّه
#شعر
انا دريت ان الليالي مدابير
يوم اخضعت روس الرجال العريبه
انكابد الدنيا ويالله عسى خير
وماهي إبخليه من الفرح و المصيبه
وما يفرق الرجّال من المناعير
اكبار الدعاوي يحلّها باللي هي به
موكل ٍ امره لرب المقادير
وانوّخ اضروف الحياة الصعيبه
حمد ابن غويّه