Top Tweets for #6thSep

6 ستمبر یوم شہادت پاکستان کے قومی ہیرو سکواڈرن لیڈر سرفراز احمد رفیقی شہید (ہلال جرات)۔ 6 ستمبر 1965 کو اسکواڈرن لیڈر سرفراز احمد رفیقی نے تین F-86 طیاروں کی قیادت کرتے ہوئے ہلوارہ ایئر فیلڈ پہ حملہ کیا۔ ہندوستانی سرحد عبور کرنے کے فوراً بعد اسکواڈرن لیڈر رفیقی کو واپس آنے والی F-86 فارمیشن کے لیڈر نے دشمن کی بڑی تعداد میں انٹرسیپٹرز interceptors ( فضاء میں حملہ آور طیاروں کو روکنے والے دفاعی طیارے) کے فضا میں موجود ہونے کے بارے میں خبردار کیا تھا۔ تاہم رفیقی نے اپنے مشن کو جاری رکھا۔ ایئر فیلڈ پہ حملے سے واپسی پر انکی فارمیشن کو تقریباً دس ہنٹر طیاروں نے روکا جن میں سے اسکواڈرن لیڈر رفیقی نے ابتدائی چند سیکنڈوں میں ایک مارگرایا۔ لیکن فورآ ہی کسی خرابی کی وجہ سے انکے جہاز کی مشین گنیں جام ہوگئیں کسی جنگی پائلٹ کے لئے میدان جنگ میں یہ بدترین صورتحال ہوتی ہے کیوں کہ اسکا لڑاکا طیارہ یکدم نہتا ہوجاتا ہے ساتھیوں کو پتا چلا تو انہوں نے رفیقی کو میدان سے نکل جانے کا پیغام دیا کیوں کہ ایسا کرنا بالکل جائز تھا۔لیکن رفیقی نے اپنے نمبر 2 فلائٹ لیفٹیننٹ سیسل چوہدری کو حکم دیا کہ وہ کمان سنبھالیں اور دشمن کے ساتھ جھڑپ جاری رکھیں جبکہ رفیقی خود بھی فارمیشن میں دفاعی پوزیشن پہ موجود رہے اور رہنمائ کرتے رہے بار بار کہنے کے باوجود ساتھیوں کو چھوڑ کے جانا گوارا نہ کیا، اس جھڑپ میں مزید تین ہنٹر طیارے مار گرائے گئے۔ اسی دوران سرفراز رفیقی کا نہتا سیبر ہٹ ہوگیا رفیقی ایجیکٹ کرگئے یہ دشمن کی فضاء تھی اور لازمی انہوں نے قید ہو جانا تھا لیکن انہیں فضاء میں ہی نیچے سے فائرنگ کرکے شہید کردیا گیا یہ جنگی تاریخ میں ایک انوکھی واردات تھی ایجیکٹ کئے ہوئے پائلٹ کو زمین پہ پہنچنے سے پہلے کبھی نہیں مارا جاتا کیوں کہ اس نے ہر حال میں جنگی قیدی بننا ہوتا ہے، جولائ 1935 میں بنگال کے علاقے راج شاہی میں پیدا ہونے والے سرفراز رفیقی شہادت کے وقت 30سال کے تھے، انہیں بعد از مرگ ہلالِ جرات سے نوازا گیا۔ شور کوٹ ایئر بیس سرفراز رفیقی ایئر بیس کہلاتا ہے❤️