Top Tweets for #9desember

Breaking News: Mwenyekiti wa Chama cha Demokrasia na Maendeleo (CHADEMA) Kanda ya Pwani na Mjumbe wa Kamati Kuu ya chama hicho Boniface Jacob (Boni Yai) muda mfupi uliopita leo, Jumamosi Novemba 08.2025 amekamatwa na Jeshi la Polisi Goba, jijini Dar es Salaam akiwa njiani kwenda kuripoti kituoni Wakili Hekima Mwasipu ameithibitishia Jambo TV kuhusu kukamatwa kwa kiongozi huyo wa upinzani ambaye pia ni Meya wa zamani Manispaa za Kinondoni na Ubungo, Dar es Salaam Itakumbukwa kuwa, usiku wa kuamkia leo Jeshi la Polisi kupitia kwa Msemaji wake lilitoa orodha ya watu 10 linaowasaka kufuatia uchunguzi na ushahidi uliokusanywa na Jeshi hilo kutokana na matukio ya vurugu, uporaji wa mali na uvunjifu wa amani yaliyotokea Oktoba 29.2025 katika maeneo mbalimbali nchini Katika orodha hiyo wapo viongozi waandamizi wa CHADEMA akiwemo Katibu Mkuu John Mnyika, Naibu Katibu Mkuu Tanzania Bara Amani Golugwa (ambaye amekamatwa na Polisi asubuhi ya leo), Mkurugenzi wa Mawasiliano na Uenezi Brenda Rupia Brenda Jonas Rupia, Mjumbe wa Kamati Kuu Godbless Jonathan Lema, Mwenyekiti wa BAVICHA Taifa Wakili Deogratias Mahinyila na Mjumbe wa Baraza Kuu Hilda Newton Wengine walioko kwenye orodha hiyo ni pamoja na Naibu Katibu Mkuu wa Kanisa la Ufufuo na Uzima ambaye pia ni Kada wa CHADEMA Askofu Machumu Maximilian Kadutu (Askofu Mwanamapinduzi), na Mkuu wa Kanisa la Ufufuo na Uzima ambaye pia ni Mjumbe wa Halmashauri Kuu ya CCM Taifa (MNEC) Askofu Josephat Gwajima, ambapo taarifa ya Jeshi la Polisi ilieleza kuwa inawasaka vigogo hao, lakini pia wakapewa tahadhari ya kujisalimisha kwenye Vituo vya Polisi mara moja pindi waonapo taarifa hiyo. Jambo TV inaendelea kufuatilia na itakuletea undani zaidi wa taarifa zinazowahusu vigogo hao.