Top Tweets for #CHRISTMASRELEASE

மலையாளப்படங்கள் கொஞ்சம் சுமாராக, நடுவே இழுவையாக இருந்தாலும் இங்கு ஆஹா ஓஹோ என்போமே, காரணம் அதன் இயல்பான கதை மாந்தர்கள்,காட்டப்படும் வீடு, அந்த நிலம். இந்த 'சிறை' படமும் அப்படியான ஒன்று. ஓரளவு நல்ல என்று பேசப்பட்டிருக்க வேண்டியதை 'ஆகச்சிறந்த' என விமர்சகர்கள் கொண்டாடக் காரணம், கதாப்பாத்திரத் தேர்வும் உண்மைக்கு வெகு அருகில் நிகழ்த்திய காவல்,நீதிமன்றக் காட்சிகளும் அந்தக் கல்,மண் வீடுகளும் தான். மூணார் ரமேஷ் வரும் காட்சியை மையமாக வைத்துக்கொண்டு அதற்கு முன்னும் பின்னும் எழுதிய திரைக்கதை போல் இருந்தது, அவ்வளவு நேர்த்தி, அக்காட்சி. 'என்னயயும் சுட்றா' என name badgeக் காட்டித் துப்பாக்கியை நீட்டும் இடத்தில் பேசப்பட்ட அரசியல் தான் படம் சொல்ல வந்த செய்தி. இறுதிக்காட்சியில் சொல்லப்படும் ' குறைந்த பட்ச அதிகாரத்தைப் பயன்படுத்தி நல்லது செய்ய முடிந்தால் செய்யுங்கள்' என்பதை வசனமாக அல்லாமல் இன்னும் அழுத்தமானக் காட்சிகளாக சொல்லி இருக்கலாம். ஆனால் இயல்பில் காவலர்கள் எதைச் சந்திக்கிறார்களோ அதை மொழிப்படுத்தி இருக்கிறார், கதையாசிரியர்,தமிழ். காதலர்களாக வரும் இளம் ஜோடிகளின் நடிப்பும் அப்பாவித்தனமான முகங்களுமே படத்தின் அச்சு. இயல்பான மலையாளப்படங்களைப் போன்றதொரு நல்ல படம். இயக்குநர் சுரேஷ் ராஜ்குமாரி, நல்வரவு 💐