Top Tweets for #FailureStalin

விளாத்திகுளத்தில் 17 வயது சிறுமி ஒருத்தி இயற்கை உபாதை கழிக்கச் சென்ற இடத்தில், உடல் துண்டு துண்டாக வெட்டப்பட்டு சடலமாக மீட்கப்பட்ட செய்தி நெஞ்சை உலுக்கச் செய்கிறது. ஒரு மனிதன் இவ்வளவு கொடூரமான நிலைக்குச் செல்லத் துணிந்திருக்கிறான் என்றால், அவனுக்குச் சட்டத்தின் மீதோ, காவல்துறையின் மீதோ எள்ளளவும் பயம் இல்லை என்பதே நிதர்சனம். தமிழகத்தின் அமைதிப் பூங்கா இன்று ரத்தக் காடாக மாறிக் கொண்டிருப்பதை இந்த அரசு வேடிக்கை பார்த்துக் கொண்டிருக்கிறது. அதேபோல், மதுராந்தகம் அருகே 14 வயது சிறுமி பாலியல் வன்கொடுமைக்கு உள்ளாக்கப்பட்டு, இரவு முழுவதும் காட்டுப்பகுதியில் தவித்து, காலையில் 10 கிலோமீட்டர் தூரம் நடந்து வந்து காவல் நிலையத்தை அடைந்திருக்கிறார். ஒரு சிறுமி பாதுகாப்பு கோரி இவ்வளவு தூரம் நடந்து வர வேண்டிய நிலையில் தான் தமிழகத்தின் பாதுகாப்பு கட்டமைப்பு இருக்கிறதா? ரோந்துப் பணிகளும், காவல்துறை கண்காணிப்பும் காகித அளவில் மட்டுமே இருப்பது இந்த அவல நிலைக்கு முக்கியக் காரணமாகும். தமிழகம் முழுவதும் கட்டுக்கடங்காமல் பெருகிக் கிடக்கும் போதைப் பொருட்களின் புழக்கமே இத்தகைய பாலியல் வெறிக்கும், கொலைக் குற்றங்களுக்கும் மூலகாரணமாக இருக்கிறது. "திராவிட மாடல்" என்று வெற்று முழக்கமிடும் இந்த அரசு, போதைப் பொருள் மாஃபியாக்களை ஒடுக்கத் தவறிவிட்டது. போதை ஆசாமிகளின் வேட்டைக்காடாகத் தமிழகம் மாறி வருவதால், இன்று பிஞ்சுயிர்கள் காவு கொடுக்கப்படுகின்றன. குற்றவாளிகளுக்குப் பாதுகாப்பாக இந்த அரசு செயல்படுகிறதோ என்ற அச்சம் பொதுமக்களிடையே எழுந்துள்ளது. பெண் குழந்தைகளின் பாதுகாப்பை உறுதி செய்யத் தவறிய திமுக அரசு முழு தோல்வி அடைந்துவிட்டது.