Top Tweets for #German_technology

almost 3 years ago

#German_Technology இருபது ஆண்டுகளுக்கு முன்னர், திருவல்லிக்கேணி மேன்சஷனில் எனக்கு பக்கத்து அறையில் தென்னக ரயில்வேயில் சிவில் எஞ்சினியராக பணிபுரியும் அன்பர் ஒருவர் தங்கியிருந்தார். ஆரம்பத் தயக்கங்கள் மறைந்து அவருடன் சகஜமாக பேசத் தொடங்கியிருந்தபோது ஒரு நாள் அவரிடம் “ஏன் சார், இப்போது தமிழ்நாட்டில் அடிக்கடி பாலம் பழுதடைந்தது, உடைந்தது என்றெல்லாம் செய்திகள் வருகிறதே?. ஆனால் ரயில்வே பாலம் உடைந்ததுன்னு என்று செய்தி எதுவும் வரமேட்டேங்குதே” ஏன் எப்படி என்று கேட்டேன். ஆனா, ட்ரைன் நேருக்கு நேர் மோதல், சிக்னல் பெயிலியர் என்றெல்லாம் செய்திகள் வருது” எப்படி ரயில்வே பாலம் மட்டும் ட்ரைன் ஓடுற அதிர்ச்சிய தாங்கிக்கிட்டு நல்லா இருக்கு? அதற்கு அவர் சொன்னார், நாங்க பாலம் டிசைன் செய்யும்போதே, பாக்டர் ஆப் சேப்டி ஐந்தில் இருந்து பத்து வரைக்கும் வச்சுத்தான் டிசைன் செய்வோம். என்றார். அதாவது ஒரு பாலத்தில், 1000 டன் எடையுள்ள புகைவண்டி, 100கி மீ வேகத்தில் ஒரு நாளுக்கு 10 முறை சென்று வருகிறது என்று வைத்துக் கொள்வோம். இந்த நிலையில் நூறாண்டுக்கு இந்த பாலம் நல்ல முறையில் இருக்க, என்னென்ன தேவை என்று கணித்துக் கொள்வார்கள். பின்னர் அதைப்போல ஐந்திலிருந்து பத்து மடங்கு ஸ்ட்ராங்காக டிசைனை செய்து விடுவார்கள். பின்னர் டெண்டர் விடுவார்கள். அமைச்சர், அதிகாரி என அனைவருக்கும் அவர்களுக்கு தக்க கமிஷன் கொடுத்தது போக, அந்த காண்டிராக்டர் எவ்வளவு மட்டமாக கட்டினாலும், அந்தப் பாலம் தேவையை பூர்த்தி செய்து விடும். என்றார். இதே போல ராணுவத்திலும் பேக்டர் ஆப் சேப்டி என்பது, குறைந்தது ஐந்துக்கு மேல் இருக்கும். அதை மில் (mil standard) ஸ்டேண்டர்ட் என்றும் சொல்வார்கள். ஏனென்றால் எந்த சூழ்நிலையிலும் அந்த உபகரணம் 100% திறனுடன் செயல்பட வேண்டும் என்பதால். இந்திய ராணுவத்தில் வில்லிஸ் (WILLYS) என்ற ஜீப் முன்னர் இருந்தது. (அமெரிக்கத் தயாரிப்பு) தன்னுடைய பணிக்காலம் முடிந்ததும், அது ஏலத்துக்கு வரும். மக்கள் அதனை போட்டி போட்டு வாங்குவார்கள். கோவை உட்பகுதி கிராமங்கள், பொள்ளாச்சி மற்றும் அதன் உட்பகுதி கிராமங்களில் பண்ணையார்கள் இந்த வில்லிஸ் ஜீப்பைத்தான் முன் பயன்படுத்துவார்கள். அதே போல ஆந்திரா ஜமீந்தார்கள், நிலச்சுவான்தார்கள் எல்லாம் இந்த ஜீப்பைத்தான் பயன்படுத்துவார்கள். போலவே, வடமாநில கிராமங்களிலும் இந்த ஜீப்புக்கு பெரும் மவுசு உண்டு. பீகார் மாநில உயர்த்தப்பட்ட ஜாதியினர் தாங்கள் வைத்திருக்கும் பிரத்யேக படைகளுக்கு (ரன்வீர் சேனா போல) இந்த வாகனத்தைத் தான் பயன்படுத்துவார்கள். தங்கள் ஜாதிக்குரிய அடையாளம் அல்லது அரிவாள், கோடாலி, துப்பாக்கி போன்ற மாடல்களுடன் இந்த ஜீப்பை அலங்கரிப்பார்கள். பல திரைப்படங்களிலும் நாம் இதனைக் காணலாம். தயாரிப்பாளர் நிர்ணயித்த ஆயுட்காலம் முடிந்து பல ஆண்டு கழித்தும் சிங்கம் போல் கர்ஜிக்கும் திறன் கொண்டவை இவை. இந்த ஜீப் வாங்கும் போதே, டெண்டருக்கு இன்னொரு ஜெர்மன் ஜீப்பும் வந்தது. வில்லிஸை விட பெர்பார்மன்ஸ் அதிகம் கொண்ட ஜீப். ஆனால் அப்பேர்பட்ட ஜீப்பின் மைனஸ் எரிபொருள் சிக்கனம். வெயிலில் களைப்படைந்து வந்தவன் மண்பானைத்தண்ணீரை மடக் மடக் என்று குடிப்பதைப் போல எரிபொருளை விழுங்கும் இது. இதற்கு காரணம் இந்த ஜீப்பின் எடை என்பதால், இந்திய ராணுவத்தினர் இதன் எடையைக் குறைத்து தங்களுக்கு வழங்குமாறு அதன் ஜெர்மானியத் தயாரிப்பாளரிடம் கோரிக்கை வைத்தார்கள். அதிகம் இல்லை ஜெண்டில்மேன், இந்த ஜீப்புக்கு ஐந்து கோட்டிங் பெயிண்ட் அவர்கள் அடிப்பார்கள். அதைக் குறைத்து ஒரு கோட்டிங் அடித்தாலே பல கிலோ வரை எடை குறையும். ஆனால் அந்தக் கம்பெனி அதற்கு மறுத்துவிட்டது. இந்த தகவலை நான் கேட்டபோது, எனக்கு ஹென்றி போர்டின் ஞாபகம் வந்தது. ஆட்டோமொபைல் துறையின் மறுமலர்ச்சிக்கு காரணமான ட்ரான்ஸ்பர் லைன் தொழில்நுட்பத்தை கண்டுபிடித்த அவர் சொல்லுவார். “மக்கள் எந்த நிறத்தை வேண்டுமானாலும் விரும்பலாம், ஆனால் நான் கறுப்பு நிறத்தைத் தான் அவர்களுக்கு கொடுப்பேன்” என்று. காரணம், தொடர்ச்சியான ஆய்வுகளின் மூலம் அவர்கள் கண்டறிந்தது, கறுப்பு நிறம் மற்ற நிறங்களை விட விரைவில் காயும் என்பதே. பெயிண்ட் காய்வதற்காக நான் அதிக நேரம் என்னுடைய காரை தொழிற்சாலையில் நிறுத்தினால் அதன் விலை கூடிவிடும். பின் எப்படி சாமானியனும் வாங்கும் விலையில் அதைத் தர முடியும் என்பார்? இரண்டு கொள்கைகளுக்கும் உள்ள வேறுபாட்டை பாருங்கள். பள்ளி, கல்லூரிகளில் படிக்கும் போது ஜெர்மன் என்றாலே எனக்கு அலர்ஜி. ஏனென்றால் ஹிட்லர். ஆனால் ஒரு பொறியாளனாக என்னை ஜெர்மனி ஈர்த்தது என்றே சொல்லலாம். நாம் இந்திய, சீன, கொரிய, ஜப்பானிய, அமெரிக்க, ரஷ்ய மற்றும் ஜெர்மானிய பொருட்களை நம் வாழ்வில் பயன்படுத்துகிறோம். ஒவ்வொரு நாடும், தங்களுக்குரிய ஐடியாலஜி படி தங்கள் பொருளைத் தயாரிக்கின்றன. சீனா – உபகரணம் கொடுத்த காசுக்கேற்ப அந்த வேலையை செய்து விடும், குறைவாக காசு கொடுத்தால், தவறி விழுந்தால் கேட்கக் கூடாது. நீடித்து உழைக்குமா என்றெல்லாம் கேட்கக் கூடாது.மாவுக்கேற்ற பனியாரம் தான் அவர்கள் கொள்கை. நிறைய காசு கொடுத்தால் அதற்கேற்ப பொருளின் தரம் கூடும். ஜப்பான் – இதை விட அதிக தரம் இந்த வேலைக்குத் தேவையில்லை (ஆப்டிமைசேஷன்). (குறிப்பிட்ட அளவு கேரண்டி) அமெரிக்கா – வேலை செய்யும். தப்பு பண்ணினா வேற தர்றோம். ஜெர்மன் – இதுக்கு மேல தரம் இந்தப் பொருளில் கொண்டு வர முடியாது. இந்த கொள்கைதான் அவர்கள் அடிநாதம். எல்லோருக்கும் தெரிந்த காரை எடுத்துக் கொள்வோம். கார்களுக்கு உள்ளே ஓடும் வயர்களின் தூரம் குறைந்தது 5 கி மீ இருக்கும். இதற்கு டொயோட்டா போன்ற ஜப்பானிய கம்பெனிகள், 2 மிமீ தடிப்பான இன்சுலேசன் மற்றும் மேற்புற உரை போதுமென்று தீர்மானித்தால் (ஆப்டிமைசேஷன்), ஜெர்மானிய பென்ஸ்,ஆடி, ஸ்கோடா, பி எம் டபிள்யூ போன்றவை 6 மிமீ திக்கான வயராக அதை தயாரிப்பார்கள். இதனால் செலவு கூடும், காரின் எடை அதிகரிக்கும் அதனால் எரிபொருள் தேவை அதிகரிக்கும். ஆனாலும் அவர்கள் கவலைப்பட மாட்டார்கள். அதேபோல பெயிண்ட், முன்பு ஆர்மி டெண்டருக்கு வந்த ஜீப்புக்கு சொன்னது போலத்தான், தாராளமாகச் செய்வார்கள். அதனால் தான். ஸ்கிராட்ச் ஆனாலும் உள்ளிருக்கும் பெயிண்ட் மானம் காக்கும். நம் இந்தியத் தயாரிப்புகளில் இருக்கும் ஒரு குறைபாடு, அந்தப் பொருள் எல்லா காலநிலைக்கும் தாங்குமா என்று பார்க்கமாட்டார்கள். ஐடியா கிடைத்ததும், டிசைன் செய்து, தயாரிப்புக்கு அனுப்பி விடுவார்கள். ப்ராடக்ட் டெவலப்மெண்ட் சைக்கிள் கால அளவு மிக குறைவாகவே இருக்கும். ஆனால் ஜெர்மன் கம்பெனிகளில், தாங்கள் டிசைன் செய்த பாகங்களை புரோட்டோடைப் ரெடி செய்து கம்பெனியின் மேற்கூரையில் போட்டு விடுவார்கள். அது பனி, வெயில், மழை எல்லாவற்றையும் சமாளிக்க வேண்டும். நான்கு பருவங்களும் முடிந்த பின்னர், அதனை எடுத்து தரப் பரிசோதனைக்கு உட்படுத்துவார்கள். அது அக்செப்டபிள் லெவலில் இருந்தால் மட்டுமே, அதனை அப்ரூவ் செய்வார்கள். எனவே அந்தப் பொருள் எந்தச் சூழலையும் தாங்கும். இதைப் பற்றி ஒருமுறை பேசிக்கொண்டிருந்தபோது, அங்கே விண்டர்,ஆட்டமன், சம்மர், ஸ்ப்ரிங் என்று நான்கு காலநிலைகள் உள்ளன. ஆனால் நமது விருதுநகர் மாவட்டத்தில் இரண்டே காலநிலைகள் தானே உள்ளன. சம்மர் மற்றும் ஹாட்சம்மர். ஏப்ரல், மேயில் ஹாட் சம்மர் மற்ற மாதங்கள் சம்மர் என்று நண்பர்கள் கலாய்த்தார்கள். அதே போல பாக்டர் ஆப் சேப்டி. ஒருமுறை நான் உபயோகித்த லோட் செல் 400 டன் வரை உள்ள தாக்கும் எடையை (Impact load) அளக்கக்கூடிய கெப்பாசிட்டி கொண்டது. பொதுவாக மற்ற நாட்டு தயாரிப்புகள் 300 டன் வரையே தாக்கும் எடையை நன்கு அளக்கும். அதன்பின் அதன் லீனியாரிட்டி குறையும். 400டன்னுக்கு மேல் எடை தாக்கினால் செயல் இழந்து விடும். சரியாக கணக்கிடாமல், 600 டன் வரை அதில் வேகமான எடை விழும்படி தவறு செய்து விட்டேன். ஆனாலும் அது அசரவில்லை. விழுந்த எடை 600 டன் என காட்டியது. அடுத்தடுத்தும் நன்கு இயங்கியது. ஏனென்றால் அது ஜெர்மானிய தயாரிப்பு. சாதரணமான ஒரு டூல். ரின்ச்சஸ் (wrenches) எடுத்துக் கொள்ளுங்கள். நம் நாட்டில் எது பெஸ்ட் என்று கேட்டால் "டபாரியா" மேக் தான் பெஸ்ட் என்று சொல்லுவார்கள். ஆனால் ஒரு டபாரியா ரின்ச் வைத்துக்கொண்டு பத்தாவது மாடியில் ஸ்கஃபோல்டிங்கில் வேலை பார்க்கும் ஒருவர் அதை கீழே தவறி போட்டுவிட்டால், அதுவும் அது ஒரு காண்ட்கிரீட் தரையில் விழுந்து விட்டால் டமால் தான். ஆனா அதே ஜெர்மானியின் USAG, UPAK பிராண்டு வாங்கி புர்ஜ் கலீஃபாவின் 160 வது மாடியில் இருந்து கீழே போட்டாலும், கீழே வந்து அவ்வை நெல்லிக்கனியை ஊதி எடுத்து சுருக்குப்பையிலே போட்டுக் கொண்டு போனது போல டூல் பாக்ஸ்ஸில் போட்டுக் கொண்டு நடையைக் கட்டலாம். காரணம் "பாக்டர் ஆஃப் சேஃப்டி". ஜெர்மானிய டூல்ஸ் எல்லாமே விற்பனையின் போதே இதன் காலிப்ரேஷன் பீரியட் 6 மாதம் அல்லது ஒரு வருஷம், ஆனால் 100 சதவிகிதம் யூஸ் பண்ணினால் மட்டுமே என்ற குறிப்போடு வரும். அப்படி 100 சதவிகிதம் நாம் அதை யூஸ் செய்தாலும் காலிப்ரேஷன் அனுப்பும் போது அதன் வேரியேஷன் என்பது 0.1 சதம் தான் இருக்கும் என்பது கண்கூடு. (மற்ற நாட்டு பொருட்கள் 1 முதல் அதிகபட்சம் 7 சதவிகிதம் வரை வேரியேஷன் இருக்கும்) அப்படியென்றால் அதன் தரம் எப்படி இருக்கும் என நினைத்துப் பாருங்கள். அதனால் தான் ஹை பிரிசிசன் மெசின் என்றாலே, உதாரணத்திற்கு ஒரு லெவல் மிஷின், அதாவது 100 மாடி, 150 மாடி கட்டிடம் கட்டும் லெவல் மிஷின் என்பது மிக மிக துல்லியமாக இருக்க வேண்டும். கொஞ்சம் தவறினால் கூட பில்டிங் பைசா நகரத்து சாய்ந்த கோபுரம் மாதிரி ஆகிவிடும். அப்படி இருக்கும் போது ஒரு கஸ்டமர் ஜெர்மன் மிஷின் வாங்குவாரா? அல்லது விலை குறைவாக இருக்கிறதென்று வேற மிஷின் வாங்குவாரா? அவர்கள் தரத்தில் நோ காம்ப்ரமைஸ் என்பதால் வியாபாரம் பற்றி அதிகம் கவலைப்படாமல் இருப்பார்கள். தானாக விற்பனை ஆகிவிடும். அதே போல ஜெர்மானியர்கள் ஒரு பொருளை தயாரிக்கும் போது தரம் என்பதை மட்டுமே கொள்கையாக வைத்திருப்பார்களே தவிர அது எங்கே தயாராகுது, எந்த நாடு, யார் அதை தயாரிக்கிறார்கள் என்று பார்ப்பதில்லை. உதாரணம், இப்போதும் பி எம் டபிள்யூ காருக்கு தேவையான ஒரு சின்ன ரப்பர் (சுண்டுவிரலில் மாட்டிக்கும் அளவிலான) ஓ ரிங் மாயவரத்தில் சுஜா ரப்பர் பேக்டரி என்னும் நிறுவனத்தில் இருந்து தான் போகிறது. சிவகாசி பிரிண்டிங் பிரஸ்களில் ஜெர்மன் மிசின்களுக்கு இருக்கும் மதிப்பே அலாதி. ஜெர்மனியின் ஹைடெல்பெர்க் மிசின்கள் தான் அங்கே பேவரைட். அதை செகண்ட் ஹேண்ட் என்ன போர்த் ஹேண்டில் கூட வாங்குவார்கள். ஆசையிருக்கு தாசில் பண்ண, அதிர்ஷ்டமிருக்கு கழுதை மேய்க்க என்பதைப் போல், ஜெர்மனியின் பென்ஸ்,ஆடி, பி எம் டபிள்யூ கார்களில் ஒன்றை வாங்க வேண்டும் என்று ஆசைப்பட்டேன். அட்லீஸ்ட் அதில் ஒரு பயணமாவது, ஏதாவது நண்பர்கள் தயவில் நடக்கும் என நினைக்கிறேன். என் அம்மா- தாத்தா வீட்டில் 65 ஆண்டுகளுக்கும் மேலாக இன்றும் பாடிக்கொண்டிருக்கும் ஜெய்கோ ஜெர்மன் வால்வ் ரேடியோவையாவது ஒரு அமவுண்ட் கொடுத்து மாமாவிடம் இருந்து வாங்கி விட வேண்டும். #Parcel_tea

110

297

187

198K

Zirve Extrusion @ZirveExtrusion

over 4 years ago

Fully Automatic Corn Snacks Processing and Packaging Line https://t.co/xH4A8rvp52 https://t.co/wuTTi6KERX #chips_lines #chips_production_lines #corn_chips_packaging #german_technology #turkish_industry

Soenke Siemon @EmbZambia

over 8 years ago · Lusaka

Great honor to have welcomed H.E. Edgar C. Lungu, #President of Zambia in the #German Pavillion at @Agritech_Expo in Chisamba. H. E. got an insight and showed great interest in #German_technology in the #agricultural sector. We also talked about @AKTC_Zambia training center.

EmbZambia's tweet photo. Great honor to have welcomed H.E. Edgar C. Lungu, #President of Zambia in the #German Pavillion at @Agritech_Expo in Chisamba. H. E. got an insight and showed great interest in #German_technology in the #agricultural sector. We also talked about @AKTC_Zambia training center. https://t.co/NhPs2UFLDR

Soenke Siemon @EmbZambia

over 8 years ago

Opening #German_Chamber_Lusaka conference „Opportunities #Renewable #Energy in #Zambia - #Solar Energy Applications and Small #Hydro Power“: #German_Technology for #Zambian private sector renewable #off-grid solutions projects; perfect forum for #B2B networking. #AHK #GiZ #BMWI

Top Tweets for #German_technology

Last Seen Hashtags on Sotwe

Trends for you

Most Popular Users