Top Tweets for #HawkIII

بعيداً عن الشعبوية يللي بتميّز كل بيانات وزير الطاقة وخلوّها من اي معلومة او رقم او مستند، رح جاوب متل العادة بالوقايع الموثّقة: اولاً- تمّ فضح التزوير للشركة الموردة في ناقلات سابقة بتموز ٢٠٢٥، وبدل ما يوقّف الوزير صدّي التعامل مع الشركة المتّهمة او يفتح تحقيق، وقّع عقد جديد معها. تانياً- لما المهندس فوزي مشلب قدّم إخبار وتمّت مداهمة الناقلة HawkIII ب٢١ آب ٢٠٢٥ قامت اوساط بوزارة الطاقة بحملة تشهير بحق مشلب والجمارك. تالتاً- من بعد كل هالإجراءات اصبح وزير الطاقة محرج ومضطر يهرب من المسؤولية ويلحّق حالو فقام بتقديم إخبار بعد ٥ ايام من ضبط الناقلة وبدء التحقيقات باشراف النيابة العامة التمييزية.اي ان اخبارو لزوم ما لا يلزم . رابعاً- والفضيحة الكبرى انو الوزير وافق عتفريغ الباخرة تحت حجة مطابقتها للجودة، ولما انتهى التفريغ حاولت الباخرة الهرب واوقفها الجيش بعرض البحر. خامساً- بعد كل عالأحداث جرّب الوزير صدّي ومن حوله اعادة التعامل مع الشركة نفسها وتغطية قرارو برأي هيئة الشراء العام الانل لي طلع بناء لمعلومات ناقصة من الوزير بعدها وبعد كتاب من فوزي مشلب للشراء العام صدر قرار واضح بصلاحيات الوزير باقضاء الشركات المخالفة . ومع ذلك جرب الوزير يتابع التعامل بحجة انو قرار الهيئة غير واضح!! وبعت كتاب جديد لهيئة التشريع والاستشارات. بوضَع هالوقائع بتصرف الرأي العام وبتصرّف الوزير يللي الظاهر مساعدينو "ما خبّرو". واذا حبّ الوزير صدّي يعرف كيف عم بتصير الصفقات عندو ما عليه الا يسأل مساعدو بطرس حدشيتي بيخبرو كتير منيح…

شو رح يكون موقف وزارة الطاقة من شركة sahara energy لي ابلغتها رسميا ان ما فيها تبرز شهادات المنشأ الاصلية العائدة لناقلة minerva anna بسبب ان شركة alkagesta (الملاحقة اوروبيا بتزوير شهادات منشأ الفيول الروسي ). مين بيتحمل مسؤولية سرقة الدولة بي ٦ مليون دولار جديدة بالباخرة؟ مين ضغط لمنع توقيف الباخرة؟ . مين طلب من اعلى السلطات الضغط لعدم توقيف الناقلة؟ فساد ثم الفساد ثم الفساد فضيحة minerva anna ابشع من ناقلة hawk III

من شهرين سلمت الوزير صدي معلومات مدعمة بحركة تتبع السفن بتثبت تزوير شركة sahara energy لعدة بواخرة سنة ٢٠٢٤. الوزير بدل ما يبطل التعاقد معن حسب القانون ويلاحقن تستر عالملف وعطاهن عقد جديد. وقت بلشوا ينفذوا العقد جديد كملو بعادتن بالتزوير. الوزير ومستشاريه عملو حملة تضليل للقضاء والرأي العام ان الباخرة مطابقة للمواصفات رغم ان الموضوع تزوير المنشأ الروسي وسرقتنا بمئات الملايين سنويا.