Top Tweets for #MOROGORO

WanaMorogoro: Haya Sasa Ni Zaidi ya Mahaba kwa Mgombea Urais wa CCM, Dkt. Samia Suluhu Hassan Katika hali ya kipekee na isiyo ya kawaida, maelfu ya wananchi wa Mkoa wa Morogoro wamejitokeza kwa wingi kumsikiliza Mgombea Urais kupitia Chama Cha Mapinduzi (CCM), Mama Samia Suluhu Hassan kwa idadi ambayo haijawahi kushuhudiwa katika historia. Ingawa ilitarajiwa kuwa na mapokezi makubwa, hamasa na shauku ya wananchi imevuka matarajio. Wengi wameeleza kuwa ni matokeo ya miradi mikubwa na yenye tija ambayo Rais Samia ameianzisha na kutekeleza ndani ya mkoa huo hasa katika sekta za afya, elimu, kilimo, miundombinu, pamoja na kuvutia wawekezaji. Kwa upekee, wananchi wameitaja SGR kama mradi unaobadili kabisa sura ya kiuchumi na kijamii ya Morogoro. Shangwe, bashasha na nyuso za furaha vilitawala mkutano huo mkubwa, huku wananchi wakisisitiza kuwa wana deni la kumrudishia Mama Samia kupitia kura nyingi ifikapo Oktoba 29. Wachambuzi wa masuala ya siasa wanasema kilichoshuhudiwa Morogoro ni somo kwa wanasiasa kuwa siasa za vitendo, siasa zinazogusa maisha ya watu moja kwa moja, ndizo zinazojenga uhalisia wa uongozi unaopendwa kwa dhati na wananchi.