Top Tweets for #Ndb

Commercial Bank of Ceylon PLC එකේ අලුත් "Preferred Browser" කියන ගොන් වැඩේ නම් ඇත්තටම masterpiece එකක්. මම එදා මෙදාතුර online banking වල දැකපු අතිශය මෝඩම system එක. මම හිතන්නේ නෑ ආයේ වෙන කිසිම බැංකුවකට පුළුවන් වේවි කියල ඊට වඩා ගොන් වැඩක් කරන්න. ඇයි මේ ක්‍රමය මෙච්චරම ගොන් සහ අසාර්ථක? 01. ඩිජිටල් බෑන්කින් පාවිච්චි කරන්නේ ඕනෑම තැනක ඉඳන්, ඕනෑම ඩිවයිස් එකකින්, හදිස්සියකදී තමන්ගේ එකවුන්ට් එකට ඇතුල් වෙන්න. දැන් ෆෝන් එකක් හෝ ලැප්ටොප් එකක් මාරු කරොත්, නැත්නම් බ්‍රවුසර් එකේ Cookies ක්ලියර් වුනොත් ලොග් වෙන්න බෑ! 02. Browser Fingerprint එක කියන්නේ ස්ථිර දෙයක් නෙවෙයි. Update එකක්, extension එකක්, privacy setting එකක් වෙනස් වුණ ගමන් ඒකත් වෙනස් වෙනවා. Research වලින් පෙන්නලා දීලා තියෙනවා 50%කට වඩා browser වල fingerprint එක දවස් 5ක් ඇතුළත සම්පූර්ණයෙන්ම වෙනස් වෙනවා කියලා. ඉතින් මේ වගේ අස්ථාවර දෙයක් උඩ access control හදන්න ඕන කියල බැංකුවට ප්‍රපෝස් කරපු කෙනාට සියවසේ සයිබර් සිකියුරිටි සම්මානයකින් දමල ගහන්න ඕන. 03. බ්‍රවුසර් එක වෙනස් වෙන හැම පාරම හොට්ලයින් එකට කෝල් කරලා ඒක රීසෙට් කරගන්න ඕන. ඒ කියන්නේ අනිවාර්යෙන් මාසෙකට දවසක් වගේ ටික වෙලාවක් හොට්ලයින් එකේ එල්ලිලා ඉන්න combank කස්ටමර්ස්ලට සිද්ධ වෙනවා කියන එක. ලංකාවෙන් පිට ඉන්න කෙනෙක්ට, නැත්නම් ට්‍රැවල් කරන කෙනෙක්ට මේ වගේ වෙලාවක් කියන්නේ සෑහෙන සනීපයක් දැනෙන දෙයක්. 04. ඒ වගේම privacy ගැන හිතන අයට private browsers පාවිච්චි කරලා බැංකු එකවුන්ට් එකට ලොග් වෙන්න බැරි වෙන එකෙන් ඒ අයගේ user credentials අනතුරේ දැමීමක් මේ කරන්නේ. උදාහරණයක් විදියට මට දැන් මගේ safari බ්‍රව්සර් එකේ Prevent cross-site tracking දාලා ලොග් වෙන්න බෑ. හරිම සතුටුයි 😌 05. නියම online Banking Security කියන්නේ MFA, OTP, Authenticator ඇප්ස්, නැත්නම් Passkeys වගේ ඒවට. මේ හැම එකකදීම වෙන්නේ අපිට විතරක් අයිති වෙනම දෙයක් පාවිච්චි වෙන එක. ඒ කියන්නේ හැකර් කෙනෙක් අපේ පාස්වර්ඩ් එක හොරකම් කරත්, එයාට අපේ අතේ තියෙන ෆෝන් එක වගේ වෙනම චැනල් එකක් හරහා එන දේවල් ගන්න අමාරුයි . හැබැයි මේ Browser Fingerprint කියන්නේ ඒ වගේ අපිට විතරක් අයිති දෙයක් නෙමෙයි. ඒක හැමෝටම පේන, යුසර්ගේ පැත්තෙන් ක්‍රියාත්මක වෙන, සරල JavaScript කෝඩ් කෑලි කිහිපයකින් ඕනම කෙනෙක්ට බොරුවට මවන්න (Spoof කරන්න) පුළුවන් මඟුලක්. ඒකෙන් එක හැකර් කෙනෙක්වවත් නවත්තන්න බැහැ. වෙන්නේ බ්‍රවුසර් එක සාමාන්‍ය විදිහට අප්ඩේට් වෙන හැම සැරේම බැංකුව පාවිච්චි කරන අහිංසක මිනිස්සුන්ට ලොග් වෙන්න බැරුව බ්ලොක් වෙන එක විතරයි. Cyber Security කියන්නේ පාවිච්චි කරන බ්‍රවුසර් එක මොකක්ද කියලා බලන එක නෙවෙයි, ලොග් වෙන කෙනාගේ අනන්‍යතාවය හරියටම තහවුරු කරගන්න එක. මේ වගේ පිස්සු ක්‍රමවලින් හොරුන්ව නවත්තන එක කෙසේවෙතත් ඉන්න කස්ටමර්ස්ලා ටික එලවගන්න වැඩේ නම් කොමර්ෂල් බැංකුවට බොහොම සාර්ථකව කරගන්න පුළුවන් වේවි . මට තියෙන ප්‍රශ්නේ මේ වගේ සිස්ටම් එකක් ප්‍රපෝස් කරපු කෙනාගෙ ඉදලා, ඒක accept කරපු අය, develop කරපු අය දක්වාම කිසිම කෙනෙකුට මේකේ තියෙන ප්‍රායෝගික නොවෙන බව තේරුනේ නැද්ද කියන එක. එහෙම නැත්නම් අඩුම තරමේ ලෝකේ වෙනත් බැංකු මේ වගේ වැඩක් කරනවද කියලවත් රිසර්ච් එකක් කරන්න ඕන කියල මේ අයට හිතුනෙම නැද්ද ?