Top Tweets for #PakAwam

طلباء سیاست میں قدم رکھنے سے پہلے میں تقریری مقابلوں میں حصہ لیتا تھا۔ بہت سےچہرے جو آج اپنے اپنے شعبوں میں اچھا نام بنا کر آپ کی ٹی وی سکرینز کی زینت بنتے ہیں ان سے اس زمانے کی واقفیت ہے جب میں پورے پاکستان میں تقریری مقابلوں میں حصہ لیتا تھا۔ ان میں سے بہت سے میرے عقائد اور نظریات سے بخوبی واقف ہیں۔ انصاف سٹوڈنٹ فیڈریشن کی بنیاد رکھنے کے بعد دو مرتبہ جیل کی ہوا کھائ۔ طلباء سیاست میں جیلیں، مار کٹائ، دنگے فساد پاکستان میں ایک معمول کی بات ہے۔ لیکن روایت کی متضاد میرے جیل جانے کا سبب کوئ تنظیمی دنگا فساد نہیں تھا۔ پہلی م��تبہ وجہ عدلیہ بحالی تحریک اور دوسری مرتبہ ریمنڈ ڈیوس کے خلاف احتجاج بنا۔ یعنی ایک مرتبہ پاکستان میں انصاف کی بالادستی اور دوسری مرتبہ پاکستان کی خوداری کے لیے جیل گیا۔ ایک اور سبب بھی بن سکتا تھا میرے جیل جانے کا۔۔ جب میرا آدھا گاؤں مٹی کا ڈھیر بن گیا تھا اور میری ماں گوشت کے ایک لوتھڑے جیسی اس ڈھیر پر پڑی تھی میں اسی ڈھیر پر کھڑے ہوکر اپنا درد بیان کرتا میرے جیسے بہت سوں کا خون کھول رہا تھا اس وقت۔ زبان تو تب بھی میرے پاس تھی، تنظیم بھی تھی ریاست مخالف بیانیہ بِک بھی بہت اچھی قیمت پر رہا تھا۔ دہشتگردی کا جو الزام مجھ پر آج لگ رہا ہے میں تب اس کو بنیاد فراہم کرسکتا تھا۔ مگر میں نے جو راتیں اپنی بیمار ماں کے سرہانے گزاریں ان کی شامیں میں نے آئ ڈی پی کیمپوں میں راشن فراہم کرتے اور دن زخمیوں کے لیے خون کا بندوبست کرتے گزارے۔ احسان نہیں جتا رہا بس یاد دِلا رہا ہوں کہ وطن سے محبت کی ہم نے قیمت صرف ادا کی ہے، وصولی کہ توقع نہیں رکھی ورنہ چار سال کی وزارت میں میرے کھاتے میں صرف وزیراعظم کے ساتھ دو دن کا ایک عمرہ نا لکھا ہوتا کسی کو شک ہو تو افسران دونوں وزارتوں میں آج بھی وہی بیٹھے ہیں پوچھ لیں، میں شاید پاکستان کی تاریخ میں اکلوتا وزیر ہونگا جس کے خلاف آرمی چیف وزیر اعظم کے پاس شکایت لے کر گیا کہ بہت احتساب شروع کر رکھا ہے تھوڑا ہاتھ ہولا رکھے۔ میں نے تو وزارت بھی ایسے کی ہے جیسے کوئ فوجی اپنے ملک کے لیے جنگ میں مورچہ سنبھالتا ہے۔ آج اگر کسی فرد نے خود کو ریاست سمجھ لیا ہے اور خود کو آئین اور قانون سے بالاتر قرار دے کر ملک کی ۲۵ کروڑ عوام کی غیرت کی بولی لگا آیا ہے تو میں اس کو اپنی زندگی کی قیمت پر بھی غلط کہونگا۔ آج اگر دو چار غنڈے اونچی کرسیوں پر بیٹھ کر خود کو خدا سمجھ بیٹھے ہیں اور لوگوں کی زندگی اور موت کے فیصلے کررہے ہیں تو میں تو اس کی خدائ کے خلاف علم بلند کرونگا۔ آج اگر کسی وطن فروش کی انا کی تسکین کے لیے میرے ہم وطنوں کے لیے زمین تنگ کی جارہی ہے، حب الوطنوں کو قید اور قتل کیا جارہا ہے تو مجھ سے تسلیم کی توقع عبث ہے۔ ہاں اگر بات “ریاستِ پاکستان” کی ہورہی ہے تو مجھے یہ لفظوں میں ثابت کرنے کی ضرورت نہیں ہے کہ میرا ملک میرے لوگ میرے لیے اپنی جان سے بڑھ کر ہیں۔ میں نے جب اس سے وفاداری کا حلف نہیں بھی اٹھایا تھا ��ب بھی میں نے اپنی سسکتی ماں کے سرہانے سے اٹھ کر اس کے زخموں پر پاہے رکھے تھے۔ میرے کاندھے پہ جب اس کی حمیت کا بار نہیں بھی تھا میں نے تب بھی اس کی غیرت کے لیے صعوبتیں جھیلیں تھیں۔ آج تمہارا سودا نہیں بِک رہا تو مجھے دشمن ممالک کی ایجنسیوں سے جوڑ رہے ہو۔ میں نے را کی ایجنٹی کرنی ہوتی تو این ڈی ایس کے ٹاؤٹ مجھے آٹھ سال سے گالیاں نا دے رہے ہوتے۔ ۹ مئی سے پہلے کئ بار ریکارڈ پر لا چکا ہوں کہ دہشت گردی کی واپسی کے حوالے سے قوم کو خبردار کرنے۔ ارشد شریف کے قتل اور عمران خان پر قاتلانہ حملے کے کرداروں کا پردہ فاش کرنے کی پاداش میں زیرِ اعتاب ہوں۔ ۹ مئی کو تو پانچ ماہ ہونےکو ہیں لیکن میں تو ڈیڑھ سال سے دربدر ہوں کیونکہ میرے جرائم کی فہرست میں پاکستانی قوم کے پیسے کا احتساب، عمران خان سے وفاداری اور پاکستان کی خوداری کا سودا کرنے والوں سے سوال کرنے کا جرم ۹ مئی سے پہلے سے شامل تھا۔ آج اگر تم ہر بے کس مجبور کی کنپٹی ہر بندوق رکھ کر میرا نام کہلوا رہے ہو۔ آج اگر تم باپوں کو اپنی اولادوں کے انجام کی فکر دِلا کر مجھ پر الزام لگوا رہے ہو تو میں تو پہلے ہی کہہ چکا ہوں کہ تمہیں صرف یہ سر چاہئیے باقی سب تو بہانے ہیں جن کے لیے تم اپنے ٹاؤٹس کو کہانیاں تو رٹوا دیتے ہو ان میں مطابقت رکھنا یاد نہیں رہتا کیونکہ “بیانیہ سچ ہر بنتا ہے” بتایا تھا نا اس نے تمہیں۔ جبر سے سر تو اتارے جا سکتے ہیں حق کو مٹایا نہیں جاسکتا، جیسے اسے نہیں مٹاسکے، جیسے ہمیں نہیں مٹا سکو گے۔