Top Tweets for #PuneZP

एकल महिलांच्या हितासाठी विचारमंथन ! पुणे जिल्ह्यातील एकल महिलांच्या समस्या जाणून घेण्यासाठी व त्यांच्या हितासाठी विविध उपाययोजना राबवण्याबाबत विचारमंथन करण्यासाठी पुणे जिल्हा परिषदेच्या वतीने मुख्य कार्यकारी अधिकारी श्री. गजानन पाटील यांच्या प्रमुख उपस्थितीत ऑनलाईन शिबिराचे आयोजन करण्यात आले. या शिबिरास पुणे जिल्ह्यातील सर्व सरपंच, सर्व ग्रामपंचायत अधिकारी, बालविकास प्रकल्प अधिकारी व गटविकास अधिकारी उपस्थित होते. विशेषतः महिला सरपंचांनी एकल महिलांच्या हितासाठी अतिशय अभिनव सूचना मांडल्या. मुख्य कार्यकारी अधिकारी श्री. गजानन पाटील, प्रकल्प संचालक श्रीमती शालिनी कडू, उपमुख्य कार्यकारी अधिकारी श्री. श्रीकांत खरात, उपमुख्य कार्यकारी अधिकारी श्री. भूषण जोशी, जिल्हा कार्यक्रम अधिकारी श्री. जामसिंग गिरासे यांनी उपस्थितांना मार्गदर्शन केले.

एकल महिलांच्या उन्नतीसाठी पुणे जिल्हा परिषद प्रयत्नशील! पुणे जिल्ह्यातील एकल महिलांना आर्थिक स्थैर्य व समाजात सन्मान मिळवून देण्यासाठी पुणे जिल्हा परिषदेच्या वतीने नवीन योजनेची आखणी सुरू आहे. यासाठी प्रायोगिक तत्वावर खेड तालुक्यातील ३ गावांमध्ये सर्वेक्षण सुरू करण्यात आले आहे. या सर्वेक्षणातील विविध अनुभव विचारात घेऊन पुढील १५ दिवसांत संपूर्ण जिल्ह्यात सर्वेक्षण सुरू होणार आहे. जिल्ह्यातील सर्वेक्षणातून समोर आलेल्या माहितीच्या आधारे नवीन योजनेची आखणी करण्यात येणार आहे.