Top Tweets for #StopJetFuelSalesAndShipmentInsuranceToMM

အီရန်အာဏာရှင်မှသည် မြန်မာအာဏာရှင်ဆီသို့ နိုင်ငံတနိုင်ငံမှာ ပြည်သူတွေကို အကြမ်းဖက် ဖိနှိပ် သ_တ်ဖြ_တ်ခြင်းကို အာဏာရှင်တွေက ပြုလုပ်ကြသည်။ ထို့အပြင် ၎င်းတို့ အာဏာဆက် တည်မြဲစေရန်လည်း အာဏာရှင်အချင်းချင်း လက်ဝါးချင်းရိုက် အထောက်အပံ့ ပြုကြသည်။ အီရန်နိုင်ငံမှ မြန်မာနိုင်ငံသို့ ခြေရာဖျောက်ထားပြီးလေယာဉ်ဆီ မက်ထရစ်တန်ချိန် ၁ သိန်းကျော် ပို့ဆောင်ခဲ့သည် ကို အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့ (Amnesty International - AI) နဲ့ ရိုက်တာ သတင်းဌာနတို့က စုံစမ်းစစ်ဆေးရှာဖွေတွေ့ရှိထားသည်။ မြန်မာနိုင်ငံသို့ ရောက်ရှိသည့် လေယာဉ်ဆီများသည် နိုင်ငံတော် အာဏာကို မတရားလုယူထားသော စစ်အုပ်စု၏ စိတ်ကြိုက် ခြယ်လှယ်သုံးစွဲခွင့် ရရှိနေပြီး နိုင်ငံတဝှမ်းရှိ ပြည်သူများအပေါ် အစုလိုက်အပြုံလိုက် သေဆုံးစေနိုင်သည့် လေကြောင်းဗုံးကြဲ တိုက်ခိုက်မှုများတွင် အသုံးပြုနေခြင်းဖြစ်သည်။ ၂၀၂၆ ဇန်နဝါရီ ၂၅ ရက်တွင် AI နှင့် ရိုက်တာ၏ သတင်းထုတ်ပြန်ချက်များအရ အရေးယူပိတ်ဆို့ခံရမှုကို ရှောင်ရှားရန် ခြေရာဖျောက်စနစ် အသုံးပြုထားသော Ghost Ships (တစ္ဆေ သင်္ဘော) များဖြင့် အီရန်မှ မြန်မာသို့ တနှစ်ခွဲကာလအတွင်း အနည်းဆုံး လေယာဉ်ဆီ (၉) ကြိမ် ပေးပို့ခဲ့ကြောင်း သိရသည်။ အကြမ်းဖက် စစ်အုပ်စုသည် ရုရှား၊ အီရန်နှင့် မြောက်ကိုရီးယားကဲ့သို့ နိုင်ငံတကာ ပိတ်ဆို့အရေးယူမှုများကို ရှောင်ရှားသည့် နည်းလမ်းကို အသုံးပြုကြသည်။ ခြေရာခံစနစ် Automatic Identification System (AIS) ရေဒါကို ပိတ်ပြီး တည်နေရာအမှားများပြပြီး တစ္ဆေ သင်္ဘောများ ဖြင့် လေယာဉ်ဆီ သယ်ယူပို့ဆောင်ကြသည်။ ၂၀၂၄ နှစ်လယ်မှ ၂၀၂၅ နှစ်ကုန်အထိ မြန်မာနိုင်ငံသို့ ပေးပို့ခဲ့သော လေယာဉ်ဆီ အနည်းဆုံးပမာဏမှာ မက်ထရစ်တန်ချိန် ၁၀၉,၆၀၄ ထိ ရှိခဲ့ပြီး ၂၀၂၁ ခုနှစ် စစ်အာဏာလုယူပြီးနောက် အများဆုံး တင်ပို့ခြင်းလည်း ဖြစ်သည်။ ထိုလေယာဉ်ဆီများ ရရှိနေခြင်းကြောင့် အာဏာလု စစ်အုပ်စုသည် နိုင်ငံတဝှမ်း လေကြောင်းဗုံးကြဲမှုများ စိတ်ကြိုက်ပြုလုပ်နိုင်ခဲ့ပြီး ၂၀၂၅ ခုနှစ်သည် လေကြောင်းတိုက်ခိုက်မှုကြောင့် ထိခိုက်သေဆုံးမှု အရေအတွက်လည်း မြင့်တက်ခဲ့သည်။ လက်တလောကာလတွင် အာဏာရှင် အီရန်အစိုးရသည်လည်း အီရန်ပြည်သူလူထု၏ အာဏာရှင် ဆန့်ကျင်ရေး လှုပ်ရှားမှုများကို ရင်ဆိုင်နေရပြီး အာဏာရှင်တို့ ပြုလုပ်သည့် အကြမ်းဖက် ဖြိုခွင်းမှုများကြောင့် အီရန်ပြည်သူ ထောင်နဲ့ချီ အသက်ဆုံးရှုံးခဲ့ရသည်။ အာဏာရှင် အချင်းချင်း ကူညီ ပံ့ပိုးနေကြပြီး ရာဇဝတ်မှုများကို စိတ်ကြိုက်လွတ်လပ်စွာ ကျူးလွန်ခွင့်ကို ကုလသမဂ္ဂအပါအဝင် နိုင်ငံတကာအစိုးရအားလုံးက ပံ့ပိုး ခွင့်ပြုထားကြသည်။ ယူကေ အစိုးရအပါအဝင် အီးယူ ဥရောပ သမဂ္ဂအနေဖြင့် လေယာဉ်ဆီ ကို အရပ်ဘက်သုံး - စစ်ဘက်သုံး (dual use goods) အနေဖြင့် အမြန်ဆုံးသတ်မှတ်ရမည်ဖြစ်ပြီး မြန်မာနိုင်ငံတွင်းသို့ နိုင်ငံတကာ ကုမ္ပဏီများမှ တင်ပို့ ရောင်းချနေမှုများကို ဒဏ်ခတ်ပိတ်ဆို့ အရေးယူရမည်။ ထို့အပြင် နိုင်ငံတကာ မှ ရေကြောင်းအာမခံပေးမှု ကိုလည်း အမြန်ဆုံး ပိတ်ဆို့ ရပ်တန့်ရမည်။ #SanctionAviationFuel #StopJetFuelSalesAndShipmentInsuranceToMM #GhostShips #Iran #Myanmar #JetFuel #WhatsHappeninglnMyanmar #BloodMoneyCampaignMM