Top Tweets for #bugandaover1000yrs

OMULANGIRA KALEMEERA MWETIKKIZANKUMBI. Omulangira Kalemeera yawaayirizibwa nti yali azizza omusango mu Lubiri. Katikkiro Walusimbi n’amasalira okuleeta olufuubanja oba olukoni okusobola okumusonyiwa. Ebintu ebyasalwa byali bingi nnyo, ng’ekigendererwa kumulemesa adduke, aleme kudda ku Bwakabaka. Kalemeera yasindikibwa e Bunyolo ewa Omukama Winyi. Okumanya nga kyali kitegeke, bwe yali agenda baamuwa abantu bangi ab’okumuwerekerako. Abataka abaalondebwa baali bataano. Bano be baalondebwa okuwerekera Omulangira:- i) Mulegeya oluvannyuma eyafuuka Kamulegeya, ii) Kakebe mutabani wa Nnaabugwamu, iii) Mazige, Sebatta ne Mpinga. Nnaabugwamu e Ssambwe Bulemeezi, nga akyayitibwa Kakebe, yasanga Kabaka ne Mugema ne Mbajja nga boota omuliro ogwali gwaka nga bakozesa nsimbi. Kakebe n’alowoza nti baali boonoona okwokya ensimbi. Bwatyo yagugwamu n’aguzikiza. Kye yava atuumibwa erya Nnaabugwamu. Ate eyo e Bunyolo nayo Kalemeera yaddukayo n’abakungu be Kakebe, Sebatta ne Mpinga, ng’asobezza ku Nabidondoli muka kitaawe omuto Winyi, ng’amufunisizza olubuto. Omulangira bwe yazaalibwa, baamukweka. Mulegeya baamulekayo olw’ensonga, nti ye yalonda Kimera n’amuwa mukazi we Wannyana n’amuyonsa ne Katumba. Wano Mulegeya w’afuukira Mugema Omukulu w’Ekika ky’Enkima olw’okugema okuseerera kwa Kimera. Era wano w’aggy’ekitiibwa eky’okuzala Kimera, n’afuuka Jjajja w'Obuganda. Okuva olwo, Omuzaana buli lw’abeera olubuto, tumugamba nti alina ettu lya Mugema. Ne Kabaka buli lw’abeera ayogera ku kitaawe, amuyita Mugema. Okuva ku olwo, Kabaka tawasa wa Nkima. #BugandaYiyo_BugandaYange

BAKABAKA BA BUGANDA 2. CCWANNABAKKA: Nnaalinnya we ayitibwa Batenga. Yamufuna agenda Bukasa kufuna luzaalo. Omulongo we ayitibwa Lukungo. Ennyumba ye eyitibwa Batandabeezaala. Ejjемbe lye liyitibwa Kasajja. Bakatikkiro be, be baali Walusimbi eyeddira Effumbe, ne Ssebwana eyeddira Olugave. Bakadde be, be ba Kimaleempaka, ne Namukana Owengeye. Emyaka gye yafugiramu 1187-1217 okusinziira ku Dr. Adam Kimala, ne 1230-1274 okusinziira ku Dr. Kiwanuka . Amasiro ge gali Bugumya mu Busiro. Abazaana be, be ba: - i) Nakiwala wa Nnóŋŋe- ye yazaala Kalemeera omutikkizankumbi. ii) Nnakku wa Ffumbe- teyazaala. Yali wa mukolo. iii) Najjuka e Kireka. Wa Butiko. 🔵 Lindirira ekitundu ekiddako 👌 #BugandaYiyo_BugandaYange

GAVUMENTI YA KATO KINTU Kato Kintu bwe yava e Buddo, yagenda e Nnono mu Busujju. Eyo gye yakola gavumenti ye eyasooka wano mu Buganda. Yalimu abakulu b’ebika, Abakungu abaddduka, n’abo abatadduka abayitibwa Bannansangwa. Eno ye gavumenti y’Omugendo eyasooka wano. Gavumenti eno yagatta Obuganda bwonna ne butambulira wamu okutuukira ddala wano jjo ly’abalamu ng’Omuzungu azze okuggyaawo Obwakabaka, okunyaga ettaka lyaffe, okutwawulamu n’okutunafuya. Kintu ono ayitibwa Kabaka wa Buganda omuberyeberye olw’ensonga nti ye yasooka okufuga obulungi ennyo Obuganda. Yaleeta emirembe mu Buganda, entalo ezaali mu bika nga balwanira Obwakabaka ne zikoma. Kino yakikola ng’ayita mu kukola gavumenti ya Buganda eyasookera ddala. Eyo ye gavumenti eyaleetawo enfuga ey’omulembe. Bano be baali mu gavumenti ye e Nnono, Busujju: 1. Bwoya, Mugema. Wa Nkima, ng’atuula Malanga e Busujju. 2. Kayimbyobutego, Kibaale wa Buganda. Wa Mpeewo. Yadda kkungu. 3. Walusimbi, eyali akuuma ebika ebitadduka, kyokka nga nabyo byekweka Bbemba, ebiyitibwa Binnansangwa. 4. Muwanga ow’e Kaliggwa ne Kakulukuku, ba Ŋŋonge, be Bakatikkiro be abaaliko. 5. Mubiru Gabunga, wa Mmamba, Omudduumiizi omukulu. 6. Mukiibi Ssebuke, wa Lugave, Omudduumiizi addirira Gabunga. 7. Kayira, wa Mbogo. Ng’atuula Magonga Busujju. 8. Kalibbala, wa Nseenene. Musaale wa Buganda. Ng’atuula Nsisi, Nnono. Ono kwe baawetera emikwero gy’enju Buganda. 9. Kyeeya Muteesaasiira, wa Ngo. Ng’atuula Magonga Nnono Busujju. 10. Mutasingwa, wa Mbwa. Ng’atuula Kigwa Busujju. 11. Kiwutta Kyasooka, Nnankere wa Mmamba (Musiige). Ng’atuula Nnono Busujju. 12. Bakazirweendo Ssemmandwa, wa Ngeye. 13. Nsumba, wa Mpindi. 14. Mwanje, wa Ngo; Musiige. Ng’atuula Magonga, Nnono Busujju. 15. Mutaawe, wa Ngabi. Ng’atuula Nandwagudde, e Nnono Busujju. 16. Kalubuna, wa Nseenene. Ng’atuula Kibangulo Busujju. 17. Ssessaka Sekasamba. 18. Kitandwa, wa Njaza. 19. Kyaddondo, wa Nvuma, Ssaabaddu wa Buganda. 20. Kagobe, wa Ffumbe. 21. Nsereko Namwama, wa Kkobe. 22. Kyeyune, wa Nnyonyi. Musolooza, era Ssekiboobo. 23. Balaasi, wa Nkima. 24. Mulajje, Katikkiro w’e Magonga. 25. Kakooto Mbaziira, wa Nnyonyi. Ng’atuula Bulimo. 26. Kisenge, wa Njovu. 27. Kakoma, wa Nvuma. 28. Bukulu, yava Ssese era yaddayo oluvannyuma. 29. Nnyininsiko, wa Njovu. Kintu yaleetawo enkolagana mu bika nga buli kika akiwadde emirimu mu Bwakabaka, ne wataba wadde ekimu ekirekebwa ebweru (Laba Ssemateeka wa Buganda mu Kitabo Abaganda Ab’ Edda, olup. 110). Abalongo ba Kintu ono, baali mu lubiri e Bunnamwaya, oluvannyuma ne batwalibwa e Magonga eri Amasiro ge. Abantu kye bava balayira nti Kintu e Magonga. 🔵 Lindirira ekitundu ekiddako 👌 #BugandaYiyo_BugandaYange

Today, we celebrate not just a date but a legacy. Buganda’s Independence Day reminds us of a Kingdom built on deep roots of culture, pride and resilience. From the mighty Kabaka to every son and daughter of the land, may we continue to carry our identity with honor and unity. Long live Buganda Wangaala Ssabasajja Kabaka Muwenda Mutebi II