هواجـيـس

بخاطري قصيد ودي اهلّه

[هواجـيـس @hawajesi]

﴿ كلُّ نَفسٍ ذائقةُ المَوتْ ﴾
اللهم أرحمني حين ترفع روحي إليك
وسخر لي من يدعوا لي بعد موتي

[هواجـيـس @hawajesi]

مرحبا يا أغلى من الشوف لعيون الضرير
المشاعر في حضورك تبدي لك إعجابها
ㅤ
ما أنت عادي والذي حط لك رمشٍ غفير
أنت فرصة عمر يا سعد من يحظى بها
ㅤ
أخاف لا مريت قلبي من ضلوعي يطير
وأقوم أفتّش في زواياها وأقفّل بابها

[هواجـيـس @hawajesi]

لقيتك أمل من ضاع عمره ورى الحرمان
وبديتك وأنا اشوفك عوض ماضيّ أيامي

جمعني معاك اليسرّ عقب العسرّ سبحان
من يضحكّ الخافق بعد جرحه الدامي

تحضنت وصلك كنّي الضامي الهلكان
يالين ارتوى فـ مواصلك قلبي الضامي

عليك الغلا منساق والشوق شانه شان
وعليك الرِّضا يا واهِس الشعرّ وإلهامي

[هواجـيـس @hawajesi]

من يحط اذنه على كل سماعه
جاه فرقى م بعدها تجمّاعي

[هواجـيـس @hawajesi]

صوتك اللي عليه من المحاني سلام
يا كثر ما وحشني ، واستحيت اطلبه

من هنا . . لآخر أيامي عليك الملام
كثر ما لاح دمع ، واستحيت اسكبه

[هواجـيـس @hawajesi]

إن سلّمك للصبح خذلانك البارح
ما بين دمعة عزيز و كبريا ضحِكة

أضحك على الجرح حتى تقهر الجارح
وإلى تطرّفت وحدك في طريق .. أبكه

[هواجـيـس @hawajesi]

ياحبيبي بدون أدنى شكوك وطلايب
والله وبالله اللي كوَّن الكون كلّه

إنك الحاضر اللي كن ماهوب غايب
وإنك الغايب اللي ماتغير محلّه"

[هواجـيـس @hawajesi]

« وأنا أموت فيك وصال وأموت فيك غياب
و هي موتةٍ وحده .. مع فارق التشبيه »

- حمد السعيد

[هواجـيـس @hawajesi]

سنـيني تعـدّ و الايـام تطـويني
وين انت يا كسرة الخاطر و يا جبره

وين انت ياللي عليه الوقت حاديني
يا واحد فيه كل اعضاي منجبره

يا سرّي اللي كتمته بيني و بيني
محدٍ من الناس يدري به ولا يخبرّه

وان جيت بدعيه خفت الناس توحيني
الله على دعاي لا صوت ولا نبره

و شلون ابنساك ولا ويش ينسيني
ما دامك اللي من العربان معتبره

اغلا بشر فالبشر موتى و حييني
و يا كبر همي على فرقاه يا كبره

يا ماخذٍ كل ما مني و ما فيني
و يا مالك الصدر من شبره الى شبره

مليت لك خانتين في ضلاعيني
والله ما للعرب منها مغزّ ابره

[هواجـيـس @hawajesi]

"لا يغرك كان سجيت في يوم الربوع
قالطٍ بالبال في كل .. سجة وسهوه"

[هواجـيـس @hawajesi]

يا دمعتي إلى طغى الحزن و الياس
عطيني من ( جرعاتك ) أشدّ جرعه

أهم شي الناس ؟.. لا تدري الناس
تعالي بـ سرعه / و روحي بـ سرعه

[هواجـيـس @hawajesi]

“ عليك اللّٰه وأمان اللّٰه تودعني وداع حار “
قبل لا تشرع بقتلي وش المانع تحاضيني؟

تبسم لي قبل لا نتفرق ان كان لي مقدار
واخذني في يدي ل أخر حضن وأخر رمق فيني

ترى مابيني وبينك سوى خامه و كم ازرار
تغانمها لا تاكلك الحسايف . . ما تلاقيني

رح وعذرك سمين وفي دروبك يزهر النوار
مثل ما تذبل ان ماشافتك عيني بساتيني

يسمح دربك اللّه لا تحاتي من وراي اسرار
وعد ما أبوحها حتى لنفسي " لا توصيني "

[هواجـيـس @hawajesi]

فداك الشعر و الشاعر و قافٍ ما عليه خْلاف
و فداك القلب يوم إنّه .. لـ دربك صار متبوعي

أشوف بـ عينك اليمنى بلادٍ ممتلي بـ إنصاف
و أشوفك بين طيّات القصيد . . و لمة ربوعي

[هواجـيـس @hawajesi]

كل ما لديت فـ النايفات من الجبال
شفت جرّة شرهتي راقيه و محوّله !

_ سعد بن جدلان

[هواجـيـس @hawajesi]

واهنيك ترقد الليل وعيونك تنام
ولا انا يابري حالي وياكثر تعبي

كل ماواسدت راسي على ريش النعام
استباحتني همومي وثنيت ركبي

مضميٍ من هجعة الليل وعيوني حيام
والسهر يرعى عظامي ودمي وعصبي

كن صدري بطن بلجيك وهمومي حزام
والرجا شيبٍ له رسوم في وجه الصبي

والطموح اللي عسف هقوتي عشرين عام
اكبر من دبي والشارقه وابو ظبي

[هواجـيـس @hawajesi]

غشاك من الرّحَابه و الذرابه و الحِسن جِلباب
وزولٍ يخطف عيوُن القصّايد . . من مغنّيها

[هواجـيـس @hawajesi]

يوم شفنا الشك و الريبه وعوّدنا نكايف
والرجوع من الدروب العوج نوع من الشطاره

[هواجـيـس @hawajesi]

والله ان تبطي عيون القصيده ما نستني
لا بدا يومٍ يعزل الكديش من الاصايل

[هواجـيـس @hawajesi]

ترى شاعرك بالوصف مبدع ماهو ممقوت
على خصرك « يقيّس عقاله » و مسباحه

شموخ و دلال و قدرك ؛ أغلى من الياقوت
و فيك الجمال اليوسفي ؛ يلبس وشاحه

أنا اقول حبك فـالحقيقه سحر هاروت
تسلط على قلبي ،،، و بالقوه أجتاحه

[هواجـيـس @hawajesi]

«كن ورا صدري من الضيق، جمهورٍ غفير
لو سكتّ شوي —— يمكن تبين أصواتها»

[هواجـيـس @hawajesi]

إقبالها يشبه نسانيس الهبوب
حتى لو الموت الحمر ف أقبالها

لا جيت ادور في وصايفها عيوب
حصلتها بين الحلال الحـالها

والله ما يرسم زولها خياط ثوب
هذي ما يرسم زولها الا اظلالها