هاوي القمرا

[هاوي القمرا @hawe5552]

كنت ابيك اقوى من ظروف الزمان

والزمان بسطوته صار القوي!؟

[هاوي القمرا @hawe5552]

@mmmj999 صح بدنك ياحبيب أخوك🙏

[هاوي القمرا @hawe5552]

ودعتك الله ،،، وأنكسر شي فيني
حسيت به وقت المفارق وَلاَ بحت
.
.
بس أستر اللي صار بينك وبيني
والله يسمّح وجّهتك وين ما رحت

[هاوي القمرا @hawe5552]

للسنين اللي مضت مني سلام
علمتني في حياتي ... انها

يوم ً أسمع منها حلو الكلام
ويوم تغرس في خفوقي سنها

وأنت يا أجمل محطات الغرام
دنيتي والله بدونك .... كنها

ليل ما يصبح أبد كله ظلام
والأسى والحزن ينبع منها

[هاوي القمرا @hawe5552]

والله أني من أسباب الهجر والغياب
من ذهولي يضيق البال لا من طريت
.
.
كل ماجيت أبكتب لك قصيدة عتاب
يسري الليل كله ما أنكتب فيك بيت!

[هاوي القمرا @hawe5552]

البارحة ما بين حاضر وغايب
غنيت في روس الجبال الشواهيق
.
.
جريت صوتي مع نسيم الهبايب
عل وعسى ينزاح عن قلبي الضيق

[هاوي القمرا @hawe5552]

القاك مشتاق ً ،، وودعّك مشتاق
ماقد سريت وخاطري منك طايب
.
.
واليوم ودعّتك ،، ومن حر الأشواق
أشتقت لك كنّك لك سنين غايب

[هاوي القمرا @hawe5552]

يا كثرهم حولك من إيسار ويِمين
لكن هدفهم ما تضمّه عباتك
.
.
عيشي حياتك بس صعبة تلاقين
قلب ً مثل قلبي يحبك لذاتك

[هاوي القمرا @hawe5552]

ما علي خلاف يا جرحي الندي
كلها يومين والثالث تطيب
.
.
بس ليتك جيت من واحد ردي
المصيبة جيت قلبي من حبيب!

[هاوي القمرا @hawe5552]

أنا يوم بدّيتك على الناس ما ظنيت
تضيع الهقاوي فيك يا عز خلاني
.
.
خذاك الفراق اللي جرح خافقي واقفيت
وأنا مستحيل أنساك ..وشلون تنساني!!

[هاوي القمرا @hawe5552]

ليتك تجين لخافقي تسألينه
كم مرةً جيته أبي منه ينساك
.
.
حاولت ،،، لكنّه غلبني حنينه
وبدال ماياقف معي صار وياك!!

[هاوي القمرا @hawe5552]

ياسنين العمر حلمي كيف ضاع!
وين ابلقى لحلمي الضايع عمر؟

والله أني ما ذخرت المستطاع
لكن الله دون تحقيقه أمر

كانت الآمال في عيني وساع
بآصله لو كان في سطح القمر

فالنهاية قلت يا حلمي وداع
ماتت الآمال ،، والدمع أنهمر!!

[هاوي القمرا @hawe5552]

إيه أنتي أعنيك ياللي ماخذه قلبي
خليه عندك ترى مانيب محتاجه
.
.
مادام رحتي وعزمتي على سلبي
مصير الأيام تجمعنا ونتواجه

[هاوي القمرا @hawe5552]

خليتني في جحيم الحب بلحالي؟
واقفيت عني بلا عذر ً وَلاَ سبّه !
.
.
مدري وش اللي يجيبك دوم في بالي
وأنا الذي ما أطرد المقفي وَلا َ أحبّه!!

[هاوي القمرا @hawe5552]

مع السلامه،،حان وقت الفراقي
والمعذره،، كانه بدر أي تقصير

وأن كان ربي كاتب إلنا تلاقي
نبي انتلاقى يا حبيبي على خير

أبذكرك ما دام فـ العمر باقي
لاهب نسناس الهوى تالي عصّير

بضم طيفك لين زاد أشتياقي
وأنتي اذكريني (كل ماغرد الطير)

[هاوي القمرا @hawe5552]

ياليل ما عينت لي من فقدته؟
لاهو وصلني وأنت ماجبت طاريه!

ياليل ،، لولا لهفتي مـ أنتظرته
وَلاَ سهرتك سامر ً في حراويه

الهم من طول البعاد احتضنته
وأنا عليه اشعب هجوسي واناديه

[هاوي القمرا @hawe5552]

تدرين ؟ كل الناس عادي يمرون
فالبال ،، بس أنتي مرورك لحالك
.
.
أحس كني مالك ً كل هالكون
وشلون أجل لاصرت جالس قبالك!

[هاوي القمرا @hawe5552]

@mmmj999 صحت روحك لا عدمتك🌹

[هاوي القمرا @hawe5552]

@mmmj999 الله الله
صح لساااانك أبو منصور
أبدعت🌹👍