هزاع بن حمود

تعاملي بـ الصدق يعطيني أحساس// إني وفيت بـ حق وجهي وجاهي// إنسان صادق في شعوري مع الناس// لكن شعور الناس / وشهو تجاهي

[المُقتضَب @3sa__s]

يامسلمين الله يرضى عليكم
اعدّو العدّة ليوم القيامة

صومو وصلّو وبرُّ بوالديكم
وصونو جوارحكم يامال السلامة

و تصدقو على المساكين فيكم
من فرّج على مسلم عدتْه الملامه

وان كان شحت بالدراهم يديكم
فلا تشحّ وْجيهكم بابتسامه

هادي بن زابن الودعاني
@H_alwad3ani

[سلطان بن عباس @su_abbas]

ماهو بحقي عليك تغيب من لازمي
ياذخر من تاقف الدنيا على صيتها

يالـيتني مثـل طـير حبيّب العازمي
لابـارت الارض ولا الناس خـليتهـا

[هزاع بن حمود @hazad8]

@al_nwf82505 بسم الله توكلنا على الله

[ظافر بن فرحان @zafr_frhan]

يا مدوّر الإعلام رايح على وين
الشهره اللي ما تجمّل فضيحه

الساحه تعاني من أسلوبك الشين
والمستمع و الذايقه و القريحه

والله ما ربّوني هل المذهب الزين
على الدناعه و الهروج القبيحه

يردّني من طعن الأعراض ثنتين
مخافة الله و السلوم الصحيحه

[سداح العتيبي @saddahalotaibi]

نحب الخليج بكافة شعوبه
هو بيتنا الكبير الذي نتمنى تماسكه ونرجو له الخير والعز دائما .. و #السعودية هي عمود هذا البيت
والعمق الذي تصب فيه محبة قلوبنا 💙💚

[سلمان بن زاهر @salmanzaahir]

يا سمي المصطفى صلى الله وسلم عليه
ويا مهابة هيبة الفاروق رضي الله عنه

يا الجناب الي ليا شفناه شفنا العز فيه
ما يضام الي تعزوا به وجاله وازْبنه

والله ان مالك يا ابو سلمان فالدنيا شبيه
كل مجد تبتغيه الناس جودت ارْسنه

قو باسك يردع العدوان ويعقل السفيه
ومجدك الظافي عدود المجد منبعها منه

[مزيد الوسمي @mzed_9]

يا نجد مازال الرجا فيك معقود
سليلة المجد و وريثة الأئمه

من لاحفظ ودّك من البيض والسود
جعله مراح مقيط وابوه وامه

والله مايلحق عاصب الراي منقود
دام العروق الخضر تنضح بدمّه

من شاف ضلع طويق فالأرض موجود 🇸🇦
ماهوب شايف قمة ايڤرست قمه

[سداح العتيبي @saddahalotaibi]

يا الله ثبـّتنا .. بعد غيّنا زاد
وإهدْ القلوب السالمه والجريحه

اجعل بصايرنا على الحقّ تنقاد
وعطنا الهدايه للدروب الصحيحه

العولمه طارت من بلاد لبلاد
والانفتاح العالمي هبّ ريحه

حريّة التفكير في روس الأوغاد
خلت مفاهيم التحرّر فضيحه

ما للكرسمس عندنا شجرة اعياد
الدين واضح والشريعه صريحه

جونا بني علمان بعلوم ٍ جداد
من وقعها ضاقت صدورٍ فسيحه

على المنابر بين صنعاء وبغداد
تعبث بدين المسلم وتستبيحه

[خالد العصيمي @khaled_aloseimi]

ياشين وجهك لاتقاعدت شيناه
اللي مهو وجه السعد مايساعد
'
اسمك على راس العمل ماعرفناه
وشلون بنعرفه عقب ما تقاعد !؟
'
#سلطان_الهاجري

[المحاورات 🇰🇼 @almhawrat]

قصيده عملاقه

[قصايد @hnoof_x]

كبار الهقاوي ماتعلق على البيبان
والامجاد من يتعب لها تحفظ سجله

ياراعى الجناب الدمث والمحزم المليان
اعرف آن طيبك فطره ولينك جبله

احدٍ وقفته لا شح وجه الزمان تبان
واحدٍ لا اصطفق موج الدهر بان به خله

الله يقطع اللي مثل ماقال ابن جدلان
لو الناس تصفي كلها ماصفى كله

[Ali.7 @yam7088]

يالله ياللي عليك من الامل ماعليك
في أيامي المقبله وأيامي الراحله

كرامتي في يدي وحاجتي في يديك
واللي يجي من يدين الناس ما ارتاح له..

[نوير @305ise]

يالله و أنا عبدك اللي طامعً في رضاك
و أحيان أضيّع دروب الحق و أدلها

لا جيتك بـ دعوةً فيها شعور إرتباك
أفتح لها أبوابك اللي فـ السماء كلها
——صالح النشيرا

[سلطان الحوالي @sultan_alhawali]

والله يا لولا رحمة الله تعالى
ما يدخل الجنة من أبنا آدم إنسان

[قصايد @hnoof_x]

والله اني ما اغبط الا جموع الساجدين
لا استلذوا بالذكر و الشكر و الادعيه

اللهم كن بـ عوني على طاعتك .. لين
التقي بك في نهار العدل و التسويه

فيك اعلق هقوتي يا ملاذ الخايفين
لا انقلب حالي على الحزن عقب التسليه

جعلني من ذكرك اروى يا خير الذاكرين
مثل ما الحُجاج تروى بيوم الترويه"

[جرّاح العتيبي @AL___9999]

يارب أنا مذنب و تايـب و ندمـان
و رضاك لـ المخلوق تامين شامل

عذني من الغفله و من قل الإيمان
و هزالة المنطق و شين التعامل

قصّرت و التقصير من طبع الإنسان
وادري مافيه احد ٍ على الأرض كامل

النفس اجاهدها وهي بعض الأحيان
مثل الونيت اللي ما يمسك فرامل :)

[Ali.7 @yam7088]

تمنيت شيء وقدّر الله شيء وصار
ولا لي سوى وجه الرضى لو تصنّعته

أنا كنت أحسب راحة العبد فيما أختار
أثر خيرة المولى لعبده مسنّعته

"الخيرة فيما أختاره الله"

[محمد ابن هرشان @mas_f16]

سعينا ورا بقعاء و بقعاء طويلة بال
عساها تزين و تنصف اللي لهم عاده

ندور بياض الوجه مع طيّبين الفال
وبطون الشدايد لآهل المجد ولّاده

مرار العوايز في يدين الكريم أغلال
ليا جاه متهقوي .. ولا حقق مراده !

عطونا النعم - جدّاننا -ما عطونا المال
و عيّب علينا اللي ما يدري من أجداده ):

[محمد بن نعمي @mohdnemi]

العقم عقم الفكر والموت موت الضمير
والفقد فقد الأخو والضيق ضيق القبر

والشوق عقب البطى مثل العصى للضرير
ألذ منه الأمل .. و أمر منه الصبر