هداج

[هداج @hdajpo]

@rasees_net يالله برزقن مال احد فيه منه
ينسي المحتاج وش كان محتاج

[هداج @hdajpo]

5:41

يا المكان اللي على كثرة أدوارك
ضيق صدرك في وجيه اهلك بين
ما سمع من شوفتك غير زوارك
وقصراك الدين وغير متدين
والا أنا لا جيت ناظرت.. بسوارك
وبسمت وقلت لبيه.. عفوياً
ودي أقرب منك وأقبل جدارك
لو تقول الناس مختل عقلياً
من غلا اللي يسكنك نعنبو دارك
ما دريت إن الوفا فيك.. حالياً
أكثر الغالين في وسط مضمارك
يجرعون الهم والحزن.. يومياً
ليت قلبي ما مشى نصف مشوارك
لين قسيته عليهم.. وهو لين
يا رفيقي وش علومك وش أخبارك؟
يا عسا ما انته بتعبان نفسباً
، الله اللي حطك إنسان واختارك
للبلا والأجر والصبر فطرياً
، والله اللي حط يمناك في يسارك
من سنة سبعة وعشرين هجرياً
، ما سمعت المشعلي خالد مبارك
يوم غنى فيك الأبيات شخصياً
، نحفظ أسراري وأنا بحفظ
ما تهون العشرة الا على الهين
واحفظ أسراري وأنا بحفظ أسرارك
ما تهون العشرة الا على الهين

[هداج @hdajpo]

10:42

ياليل ياطول مسراك اسر يليل
ضيقَت صدري وزودت التياعي
عاقبتني بالهموم وبالغرابيل
وش داعي الحزن مال الحزن داعي
أرفق على الخاطر المكسور بالحيل
راعه مادام الأوادم ماتراعي
أنا سهرتك وشفت من الغرابيل
امور أكبر كثير من اطلاعي
وصمدت بإرادة الله رب جبريل
لكن فالناس غيرت انطباعي
الناس جاها مرض حب الت��اويل
ان كان ماهو مرض معدي مناعي
حتى اللي من أول أعرفهم حلايل
مسممه روسهم روس الافاعي
الزبده اني على أبطال الأباطيل
وعيت ياليتني ماصرت واعي
ماعاد أبلا القصائد والمواويل
هي لذتي في الحياة وهي متاعي
خلوني أضيع واكتب شي ما قيل
تراني أبدع أكثر في ضياعي
وان ذمني واحد مذموم وخبييل
شوموا عن علوم مذموم المساعي
والله ماني جبان ولاني بخيل
ولا طول لساني إلا طول باعي
حتى ولو ان جداني أهل الخيل
ما قد تذريت فالاسم الرباعي
دخلت فالساحة ومثلت لي جيل
بقوتي وبجنوني واندفاعي
ماأخذت حقي بفزعات الرياجيل
بذراعي الله يخلي لي ذراعي

[هداج @hdajpo]

7:22

لازالت أبواب الصداقة مقافيل
بيني وبين اهل الشعور المزَوّر
مشطرٍ سمعي عن القال والقيل
والنيه اللي فيه أخباها اتثور
يا اللي تشوف إن الصداقة تساهيل
حنا نشوف إن الصداقة تهور
ما فيه حاجة تربطك بالرياجيل
إلا المراجل غيرها لا تدور
والطيحه اللي من عيون المهابيل
لا تحسب إنها الطيحه اللي تعور
معادني ب معلمك بالتفاصيل
دمي من الشرح المطول يفور
يكفيني اللي مرني من غرابيل
مع الطريق اللي مهوب المنور
بيني وبين الحزن والشعر والليل
علاقتن ما عاد ابيها تطور
بديت أخاف من السنين المقابيل
وأقضي على أحلامي قبل لاتحور
وأضحك مع جيلين وأبكي على جيل
وأهني أصحاب المكان المسور
وش رايكم في اللي وصل ذا المواصيل
تصوروا لأني عجزت أتصور

[هداج @hdajpo]

3:49

اليوم لا صفو بال ولا طمأنينة
أعوذ بالله من نفسي ووسواسي
يقلقني المستريح اليا غفت عينه
ما يطرد نعاس اللي يطرد نعاسي
ويغيبني صمتي اللي حد سكينه
يحول بيني وبين وجه جلاسي
أودع الليل .. كني من محبينه
وأستقبل الصبح كني لاجيء سياسي
وإذا سرى من حدود الليل ثلتينه
هب الهوا من شمال وذكر الناسي
شرايد الذكريات الزينة الشينه
تمد عمر سهري وتجدد عماسي
والآدمي خيبة ظنونه من يدينه
نجم هوى في علو النايد الراسي
استغرب الكائن المخلوق من طينه
لا صار قلبه مثل طبع الحجر قاسي
والحمد لله على نصره وتمكينه
ما للبشر فضل في شكلي وف لباسي
محبة اللي فداه العمر وسنينه
أدرا عليها مثل ما أدرا على ساسي
للعيش والملح واللي بيني وبينه
هم ما رجع خل لا يرجع لي مواسي
تغير الوقت واختلت موازينه
حتى الصباحات صارت مثل الأماسي
يا وجه أعد روحي من مساجينه
إلى متى والرموش السود حراسي
فتنتني فتنة القابض على دينه
أنا بليت بهواك وطحت متواسي
ما قد ضحيت لعيون ما لها عينه
إلا وجدت خيالاً منك في الكاسي
محبوبة الغيم والورد وبساتينه
من غير طيفك يشاركني بهوجاسي
العام عذرك معك من غير تبدينه
واليوم عذرك ثقيل أثقل من أنفاسي
عطيتك أك��ر من اللي تستحقينه
وأخذت عدة جروح بوقت قياسي
أشيل (هم) عجزتي لا تشيلينه
حتى وانا شايل الدنيا على راسي
أقسى الخطايا خطاك اللي تعيدينه
وأعلى درجات عزة النفس مقياسي
ليتك تداركتي اللي صار في حينه
قدام لا ياصل الموضوع لإحساسي

[هداج @hdajpo]

الله اكبر يالنفوس السالية والمستريحة
كيف تسلى نفس من ذاق المرارة في حياته

يتذكر ما جراله داخل الارض الفسيحة
ما درا بان المشاكل كلها من ذكرياته

يقدر يهوز الجبل والجبل يقدر يزيحه
والغريب انه مايقدر يلتهي مع ملهياته

يعرف اللي يفرحون لفرحتة ولا مطيحه
مثل ماهو يعرف الرجال حتى في التفاته

لا وقف خلف الامام وثم دعى ربه يبيحه
ايتساوى له معيشه وايتساوى له مماته

[هداج @hdajpo]

" قل للعيونِ إذا تساقطَ دمعُها

اللهُ أكبرُ من همي وأحزَانِي

قُل للفؤادِ إذا تعاظم كربهُ

ربّ الفؤادِ بلطفهِ يرعَانِي

قُل للأسَى في القلبِ يكبُر إنّما

فرجُ الإلهِ إذا أتى يغشاني "

[هداج @hdajpo]

غبت ياللي تحسب اني بحث الك المسير
ابك انا من قومن الله حفظظ ناموسهاااا

ان زعلنا مانفرق شوير (ن) من اميرررر
وان عشقننا عانت النفس مع هاجوسها

انت حلمً حالت الناس دونك يا مثيررر
والبشر ياخوك ماني ب اعرفف انفوسها

ذكرتني لحظتك لحظةً يومييي صغيرر
اعجبتني لعبةً .. ما معايي افلوسهاا

هداج

[هداج @hdajpo]

اخر الايام كبد الشاعر الحساس
يتجرع .. كبد ال��يام ومساويها

لو يهب الريح مايستلقط الانفاس
بعد راحت فرصة ماهوب ناسيها

يسري به الليل ويغيب به الهوجاس
ولا يمر البال غير احلى لياليها

السنين الماضية بعد شاب الراس
عايشن فيها ... ولاهو عايشن فيها

هداج

[هداج @hdajpo]

يافاتنه والليالي حدّت المنصاب
على ما يشوفه تصفق يساره يمينه

يعيش الحياه الفانية بين ضرس وناب
ولامرتن عاش المسرات في حينه

وده يكون العمر كله بدون غياب
بس العمر وينه ومن صاحبه وينه

كرامتْه اولى من حبيب وغزل وعتاب
على شانها ياطى المحبة برجلينه

[هداج @hdajpo]

كل ما ظنيت لي ظنٍ في غالين خاب
أنا طيب وأحسب الناس مثلي طيبين

ما بعد عاتبت صاحب ولا أحب العتاب
حتى لو ما يعتذر غالي وعذره سمين

مستحيل استعطف الناس ولا أطق باب
لو خلاف الباب هذا عشير الغانمين

شوف نفسك يا حبيبي على تلع الرقاب
مثل ما قد شفت نفسي على المستشعرين

حرٍّ لكن عبد للي خلقني من تراب
ولا تبعت من العباد إلا خير المرسلين

خايفٍ من الله تعالى ومن يوم الحساب
ومن غرابيلٍ تشوف الشجاع بنصف عين

المهم إني فقدتك وشفت من العذاب
اللي خلّى خاطري ضايق وقلبي حزين

يا صوابي من غيابك ويا كبر الصواب
مستحيل يردك الوقت.. أعرف الوقت زين

حمل كتوفي بحملٍ تثاقله الركاب
من صاديف الليالي وصكّات السنين

من سمعني قال شايب وأنا لازلت شاب
ومقتنع والحمد لله رب العالمين.

@mathas_24

[هداج @hdajpo]

@WxJojq .

[هداج @hdajpo]

استاذن العصر وانقادت خيوط الظلام
والليل تو ما استوى بشته على منكبه

الليل ستر الفضاء والطيب ستر النظام
والصمت ستر الشعور الا على المنتبه

الناس تطربهم القمرا وصوت الحمام
وانا الوحيد اللي الثنتين ما تطربه

ان مامسكت بقصيدك عروة الاحترام
في علم الادراك ترك الموهبة موهبة

تركت درب الغزل ماهوب قل اهتمام
الا اني اشوف مابيني وبينه شبه

ظهرت مافي يدي ورد وحمامة سلام
ظهرت في نجد من دابه الى عقربه

امسي على سالفة صلح الجحادر ويام
واصبح على طارق بن زياد في قرطبه

[هداج @hdajpo]

حبيبة عيوني، وأول الدرب والمشوار
معك يا حلو دربي ويا خفّ خطواتي

على كثر ما أخاف النهايات بإستمرار
أنا مؤمن أنك باقية في نهاياتي

أشوف الوجيه العابره مع طريق المار
ولا زال وجهك في جميع إتجاهاتي

وش البال؟ لو مافيه طاري ولا تذكار
وش الحب؟ لو ماكنتي أول علاقاتي

وش الليل؟ لو مافلّ جادل وفك زرار
وش الحلم؟ لو ماصرتي أعذب طموحاتي

بعدك السماء والأرض والدار وأهل الدار
مجرد فراغ يمرني في فراغاتي

ماعادت طواريق القصيدة محط أنظار
بعد غابت عيونك عن آخر كتاباتي

تركتك على مَرْأىً من الحظ والأقدار
ولا جابتك "صدفة لقى" في محطاتي

أحبك جنون، ومرحلة طيش، وإستهتار
وأشوفك سوالف عزلتي وإهتماماتي

لو إن الليالي جارحة، والزمن دوّار
يصبّرني أنك، فرحتي وإبتساماتي

تخيّرني دروب المساري، عشان أختار
وأنا ما بغيت الّا دروبك.. يا مولاتي

أخاف إنهزامي في حياتي وأخاف النار
وأشوف إنهزامي معك مثل إنتصاراتي

وأعاف العيون الناعسه، وأكره التكرار
وأعرف أنك آخر ما بقى من خياراتي

عليك المشاعر صادقة، والغلا مدرار
وعلي أكتبك في كل بيتٍ من أبياتي

[هداج @hdajpo]

ماهوب لازم لاحترمنا الرياجيل
جميع وجهات النظر نحترمها

[هداج @hdajpo]

في كل يوم يمر أخاف اموت
من قبل لا اقبّل يدين أمي
'

[هداج @hdajpo]

لامنك زعلت افلح مع الخط ابو سيدين
وشوري عليك ان جيت ابرضيك لاترضى

انا دوب اقزرها مع العالم الصاحين
تبيني اقزرها مع العالم المرضى !!

[هداج @hdajpo]

نديمي لا تحايل ضحكتي وتسج عن دعواي
تحملني تراني جيت باقي ما نشف ، كمي

انا ليه ؟ استر الحزن وعلاماته من محياي
لا صار الناس ما شافوه وتشوفه عيون امي

رجعت من الغياب المرّ لكن ما رجعت اياي
يا ليت .. اللي يرد ( الغايبين ) يردني يمّي

[هداج @hdajpo]

القلب ساقنه طواري الذكريآت وساق
صاحبه يم الموقع اللي جاه مايدري

[هداج @hdajpo]

انت رقمك رقم الاسعاف عندي والمرور
ما اتصل بك غير لا جات حاله طارئه .