كنت قاعد النهاردة مع صديق مصري بيشتغل في الإمارات ونزل من يومين لمهمة عمل، فبيقول لي إن موقع إكس كان وهو هناك بيجيب له كل البوستات اللي فيها هجوم من أي حد مصري "أو عامل انه مصري" ضد الخليج.. ومن أول ما وصل مصر الوضع اتعكس وبقى بيشوف الهجوم اللي من أي حد خليجي "أو عامل انه خليجي" ضد مصر..
الحقيقة انه نور لي زاوية مهمة جدا، وهي اللعبة اللي بتتعمل ضدنا سواء عمدا، أو حتى بسبب ميل ناس كتير للتفاعل ��ع الحاجة السلبية فبتنتشر أكتر..
النتيجة ايه؟
تصور غير واقعي إن المصريين وأهل الخليج بيكرهوا بعض، مع إن الحقيقة هي وجود ملايين المصريين في الخليج بيتعاملوا أحسن معاملة، وإن أي مواطن مصري بيحب ويقدر أهلنا في الخليج.. نصدق الواقع اللي عايشينه ولا شوية خوارزميات مضللة؟