Nora1.

[alfarsi @al__sa98]

ترى الأماكن لا خلت منك تنعاف
مثل الليالي لا خلت من قمرها🤍.

[معكاز | شعر @M3kkaz]

اليا حصل عزٍ مع الكيف كافي
ماني على الدنيا كثير التحاسيف .

[معكاز | شعر @M3kkaz]

يذمك الي عاجز ٍ عن دروبك
لا فاعلٍ فعلك ولاهو مجنبك

[قروب شعر @Group_she3er]

ياحي طبع اللي يصون الصداقه
حتى لو انّه … ما تعنّى و سيَّر

يحفظ أصول المعرفه.. والعلاقه
ويبقى على طول الدّهر ماتغيّر .

[نُ . @nooriti11]

يـاللي تقـول الـشوق مهو بغلاب
انـشـهد انك ما تقـول الحـقيـقه

ماتدري الشوق ترخص له ارقاب
وانـه عـلى قلب الـمـولع حـريقه...✒💞

[قروب اشعار @aShi3ar]

ملامح من نحب هي البلسم الذي يمحو تعب الأيام، وفي طيبة قلبهم غنى عن العالم ومن فيه.

اشعار حب :

وجهك الطيّب ينسّيني الجروح
جعلهم يفدونه .. وجيه الردى .

[مغليهـا 🇰🇼 @m8leha]

امري تدللي سمي وابشري ولبيه
لو تبين عيوني قلت العمى خيره . .♥️

[معكاز | شعر @M3kkaz]

خذيت من سود الليالي وصاتين
حقر السفيه وخوّتي لـ النشامه .

[معكاز | شعر @M3kkaz]

لا توصي الطيّب على موقف الطيب
اللي على كبار المواقف تعوّد

ولا تخاوي اللي ما يعرف المواجيب
يمشي معك وإن صمّل العلم عوّد

[قروب اشعار @aShi3ar]

اشعار غزل :

حي الله اللي قباله عالماً ثاني
اسج به عن غثاء الدنيا وما فيها .

[معكاز | شعر @M3kkaz]

اطلق عنان الفكر والشوف مده
ترا العمر سجه والايام تذكار .

[معكاز | شعر @M3kkaz]

" فنجال بريه " وسجة ؛ خلاوي
اعلاج ضيقة خاطري كل ماضقت .

[بـِـوُوُحِ @b__ooh]

يبقى الامل موجود لو راحت الايام
وتبقى الاماني حلم نجهل قدرها...!!

[قروب اشعار @aShi3ar]

يالله رجيتك اكفنا شر الاقدار
وحقق لنا اللي ماتطوله يدينا

واسألك غفرانك وعتقك من النار
واكتب لنا الجنه مع والدينا .

[‏الـرمـش ☪︎ 𓃴 @ahsaslayla20]

من حين لآخر ..

يحتاج الإنسان إلى لحظة لا يزاحمه فيها
سوى قهوته والهدوء .. 🌷🦋

[قروب اشعار @aShi3ar]

الرفيق اللي عسى تبطي سنينه
مجتمع به طيب قلب ووجه خيّر .

[قروب اشعار @aShi3ar]

ودك انك ماتعاتب غير طيّب
شرهةٍ ماهي على طيّب خساره .

[قروب اشعار @aShi3ar]

الجود والطيب والناموس والطاله
تجمعت كل ابوها اليوم في صوره .

[قروب شعر @Group_she3er]

ياصاحبي لا تشكي ظروف دنياك
ترى ظروف الناس تشبه ظروفك
.
لكن ليا حدك زمانك على أقصاك
أسجد بنص الليل وأرفع كفوفك

[قروب اشعار @aShi3ar]

يامرحبا ترحيبةٍ مالها حدود
ترحيبةٍ يفخر بها الضيف والجار

اللي لفا يستاهل المسك والعود
واللي يتغيّب له جميلات الاعذار .