حياتي بقت أجمل لما بقيت بحط قدامي جملة (في ميزان حسناتي إن شاء الله) في كل تفاصيل حياتي.
لما بحس إني مضغوطة أو معنديش رفاهية إني أعمل الحاجات اللي بحبها ، حاجة مانعاني من قعدتي مع عيلتي وأصحابي؟ خروجات مش عارفة أطلعها؟ تواصلي مع الناس اللي بحبها قل بسبب الضغوط نوم قليل وسهر وتعب؟
اوقات بتجيلي رغبة عارمة في عدم التواجد مش كآبه ولا حاجة بس اللي هو في اللحظة دي أنا مش عايزه اكون موجوده، حاسه نفسي والعالم تقال عليا، فـ انا بس عايزه اختفي
شوفة صحابي بعد غيبة في بيت حد فيهم، العشوائيات مع حد بحبه، المشي وقت الليل، طبطبة الإيد، ابتسامة غريب، صوت العصافير الساعه سبعة الصبح، شكل الشجر المتشمس، السما لما بتضحك وقت الضهر، اتنين حبايب ماشيين في الطريق..
مهووسة بفكرة الدفا، والدفا عندي له معاني كتيرة أوي زي اتنين شاي مع حد بحبه، النقشبندي في الثلث الأخير من الليل، قاعدة بلكونة والسما شكلها تحفة، ا��شاي بلبن، مسكة الإيد لما ��بقى مترددة، ساندة الكتف، ضحكة حبايبي، إذاعة القرآن الكريم الساعه ستة الصبح