تـركـي

عسى اللي جابك لي ..ما ياخذك مني..A

[تـركـي @hhssf511]

كتبت ومليت الأرض شعر و وله وهيام
ولا طعت فيك الناس والناس نقّاده

لو أضيع بك من ضاع فيك أنت ماينلام
وش اللّوم ونفوس المحبين منقاده

أشوفك وطن وتشوفني رحلة أستجمام
وأشوفك عمر وسنين ماهي بمنعاده

معي قلب واحد لو تقسمه خمس أقسام
يحبّك بكل أقسامه الخمس وزياده.🤍💍

[نادي الهلال السعودي @Alhilal_FC]

🔝 نرفع الرؤوس.. بعشرة كؤوس 🏆💙

[تـركـي @hhssf511]

ياكثر ما ضاق صدري من حلول المغيب
مع إني اللي يغيب ولا يحب الظهور
- جابر النشيرا

[تـركـي @hhssf511]

«العمر يفنى والحياة أحلام و الدنيا متاع
يا كم نفسٍ روّحت ما حققت مطلوبها»

- وصل العطياني

[تـركـي @hhssf511]

« ولا قلبٍ غير قلبك أودّه »

[تـركـي @hhssf511]

يوم ودعنا بعضنا و حسيت بـ شتات
أذكر إني بعدها نمت لكن ما صحيت

توّي أصحى يا حبيبي بعد طول السبات
أثرني ميّت من الشوق و أنا ما دريت

- عبدالله السراهيد

[تـركـي @hhssf511]

مادريـت انـي شجــاع الا نهــار العيـــد الاول
يــوم قمت اقـابـل اقــرب مايليــني ببتسامه

ماعطيت الدمع فرصـه يسهج العين ويحـول
لين رحت بعيد خوف امن المعاتب والملامه

كــن دمعـي يــوم حــول واديٍ سيـله يهـول
واديٍ فـ اطراف نجد و سيله من اقصى تهامه

[تـركـي @hhssf511]

يابعد من صار " ظنّي فوق ظنّه "
خاطري ذا الليل .. ما حوله رحابه🪶

[تـركـي @hhssf511]

البارحه واجهت ضلي وسولفت
عن حاجةً في خاطري موجعتني

خبيتها في صدري اليوم واسرفت
ليـن المشاعر عقبها .. امرضتني

ياليتني من مبطي اول تحسفت
لكن مبادي .. شيمتي امنعتـني

واليوم انا مقفي كاره وعـفت
صدت شجاع وصدتي شجعتني ..

[تـركـي @hhssf511]

فمان الله والعذر السمين أبلغ من التبرير
عفى الله عن خطايا اللي خطايانا على شانه

فمان الله يالغصن الليِّان اللي هَجرك الطير
هذا طيرك يبلغك السلام بروس جنحانه

سمحت من المحبه وسامحني على التقصير
وصلنا أخر حدود العشره اللي مالها خانّه

[تـركـي @hhssf511]

والله لولا الخوف من خالق الناس
​ وسلوم ناسٍ ذكرها تالي اسمي

​ لورّد الغايه مواريد جساس
وآخذ من اصناف الملذات قسمي .

[تـركـي @hhssf511]

يوجعني صد اللي نبت حبهم نبت
و صد الرفيق اللي نخيته و عيّا

علّمني الحرمان و الحزن و الكبت
وشلون اضحّي بالحلم لو تهيّا

وشلون اميّز بين الاثنين و السبت
لو الأحد من بينهم .. ما تفيّا

وياللي تقول بجرح وقتك تأدبت ؟!
أنا .... ( مأدّبني زماني بليّا ) !

[تـركـي @hhssf511]

اتلى العهد به يقول أكلمك لا فضيت
واليوم قد له سنه و أكثر وهو ما فضى !

[تـركـي @hhssf511]

الورد لا كثرت يدين العرب حوله
حتى ولو ما انقطف ما عاد يغريني

[تـركـي @hhssf511]

أنا وإن مت ضامي ما طمعت بشربةٍ من بير
أعاف البير . . لا كثروا عليه الناس ورّادة

[تـركـي @hhssf511]

أنا وإن مت ضامي ما طمعت بشربةٍ من بير
أعاف البير . . لا كثروا عليه الناس ورّادة

[تـركـي @hhssf511]

بغينا عليك نمون حتى علينا تمون
فتحنا معك باب الميانه وسكرته

ورحنا وطبقنا المثل طيب المضمون
تلق الخلا وابعد عن الداب وشجرته

[تـركـي @hhssf511]

في كل يوم يمر أخاف اموت
من قبل لا اقبّل يدين أمي

[تـركـي @hhssf511]

قم قرب اللي ناحتً خصرها الحداد
عن الناس رب الناس ياشيخ مغنينا

تحت رحمة اللي ماله بهيمنته انداد
طمعنا بما عنده هو اللي مكفينا

هو اللي نشوفه يالغلابا سند وامداد
من انياب شرهين المطامع منجينا

لو ان الاوادم عندهم للهوى عداد
دفعنا على جر النسم من مخابينا

[تـركـي @hhssf511]

تم إلغاء
"أعدي الزلّة ولا كأني أشوف"

و تم تفعيل :
"ما عاد الخطأ وارد ولا فيه احد مسموح
تراني على ادنى شيء .. بزعل واخرّبها"

[تـركـي @hhssf511]

الحور من جنة الفردوس يمكن رموك
للأرض يا جادلٍ فيك الشموخ الأبي

عليك وصفٍ يحيّرني وهيبة ملوك
نوادر الوصف منك سابيتني سبي

جمالك والثغر ولا الحجاج الضحوك
دمار شامل .. تراجف منه حتى ركبي

شكرًا جزيلًا ماهوب لك .. لأمك وابوك
اجمل سلاله بعد طوفان نوح النبي