يا أوفى ويا أحب من بادر ومن واصل
وأعزّ من شيمتي وأطيّب من ظنوني
وجودك يداوي جروحي ويستاصل
الضيقه اللي تحجب النور من دوني
أحاول إنّه ما يفصل بينّنا فاصل
حتى لو إن ينفصل راسي عن متوني
أشرّ على ماتبي واللي تبي حاااصل
حتى ولو تطلبّ عيوني من عيوني ❣️
في مَراياا غرفتي لك كم صوره
ثااابته .. حتّى لو تروحين كلّك
دارت الأيااام دوره بعد .. دوره
ولا تزال تدور و انتي في محلّك
يالله بصبحٍ .. يفجّ الليل نوره
مثل مافج الحنين ضلوع خلّك
اقبلي يمي ولا لك سوى حسن القبال
غير ترديد التراحيب .. ما أنتي لاقيه
مرحبا والساعة اللي تجيبك راس مال
في دقايقها .. نعيم القلوب الشاقيه
ليلة جادت بـ وصلك بعد شح الليال
ليلةٍ .. ماهيب مثل الليال الباقيه ♥️