𝘚𝘈𝘌𝘌𝘋

[𝘚𝘈𝘌𝘌𝘋 @hl77v]

إسْتَغفِرو فَلا تَعِلمونَ كم ذنبٍ سَيُّغفر

[𝘚𝘈𝘌𝘌𝘋 @hl77v]

جاني بلاي اللي يجيني كل يومين وثلاث
أضيق من نفسي وأسج من الأوادم كلها .

[𝘚𝘈𝘌𝘌𝘋 @hl77v]

بين عفوية مزاجي و بين العنفوان
أعطي العالم على قدرها و أسلوبها .

[𝘚𝘈𝘌𝘌𝘋 @hl77v]

لا بد من عقب المطاريش معواد
ولا بد من عقب المواجع عوافي

ولا بد من عقب السهر لذة رقاد
ولا بد من عقب الكدر جو صافي

[𝘚𝘈𝘌𝘌𝘋 @hl77v]

ماني على درب المقفين مجبور
لا حبهم سنة ولا وصلهم فرض

[𝘚𝘈𝘌𝘌𝘋 @hl77v]

"اتجنّب غيبة الشمس وانفاس الشمال
خابرٍ صدري مع الضيق .. هاذي حروته"

- مشعل بن ثروي

[𝘚𝘈𝘌𝘌𝘋 @hl77v]

- لحظة وصولك لمرحلة القناعة
وألزم ما عليك سلامة عقلك وراحته

ومن منظور آخر
"قانع في مقبل أيامي وراضي
لو عطتني وجهها ولا قفاها "

- ما عاد تفرق -

[𝘚𝘈𝘌𝘌𝘋 @hl77v]

غلطتي أني عشت بـ الوجه الحقيقي
و الحياة . . بـ كبـرها حفلة تنـكر

[𝘚𝘈𝘌𝘌𝘋 @hl77v]

- من مراحل الحياة
مرحلة تسمى " الصد عن الرغبات "
تصل بها إلى أن تتنازل عن كل ما في صدرك ثم تمضي

وقيل في ذلك/
" على كل حاجة كنت ابيها ولا اللهُ اراد
سلامي عليها من ضميرٍ سمح منها "

[𝘚𝘈𝘌𝘌𝘋 @hl77v]

- " سو نفسك مجنون "
لا تدقق دايم .. مشّها لسلامتك النفسيه

وقالها ياسر التويجري :
" مو شرط تصبح كل الأوقات لماح
ترى التغابي - من فنون الذهانه "

[𝘚𝘈𝘌𝘌𝘋 @hl77v]

لا صرت بايعني أشوفك على خير
مع السلامه دام ما به سلامه

قلت أنتهينا قلت لك خير يا طير
ماني بأول شخص يخسر غرامه

محذرك من قبلها ألف تحذير
لا عفتني بيعيف قلبي هيامه

مانيب ميت لا ولا أحتاج تبرير
صح الله لسانك ووفر كلامه

[𝘚𝘈𝘌𝘌𝘋 @hl77v]

لا عاد تشرَه احتملها دام عاد اسمك صديق
خاويّتني حلو الدروب اصمل معي في مرها .

[𝘚𝘈𝘌𝘌𝘋 @hl77v]

عزالله اني فيك ما ، زلت هايم
يوم اتحرى جيتك .. ليه ماجيت ؟

ما غاب طيفك بالعمل ، و العزايم
لاتحسب اني من غيابك تخطيت

تمرني بالحلم .. لاصرت نايم !
اي والله اللي "مرحبابك وحييت"

رسالتك ، في هاتفي ، فوق دايم !
انت الذي من ، حقك أعطيك تثبيت

[𝘚𝘈𝘌𝘌𝘋 @hl77v]

هجرني وهو ماجاه من صوبي الا الزين
يا ليته يبرر لي عن اسباب مرواحه

كسر قلبي اللي معمي عيوني الثنتين
و ما يتلف من الحب ، لا يمكن اصلاحه

- سعد السبوق

[𝘚𝘈𝘌𝘌𝘋 @hl77v]

«يصبرني على بعض الشعور أنك لازلت بخير
أنا أحوالي ليَا منك غديت بخير، مستوره»

- صالح بن حمد

[𝘚𝘈𝘌𝘌𝘋 @hl77v]

فقدتك وامتلأ موقي عليك من الحنين و سال
تحت ليلٍ ما عقبه غير غصّات الممات أفجع

رح وجعل السنين المقبلة تاخذك بأحسن حال
كثر ما كنت أحس أنك تبي ترجع ولا ترجع

- عبيد فهيد

[𝘚𝘈𝘌𝘌𝘋 @hl77v]

بعد طالت مشاوير الحياة و سجوّ السالين
نويت أعيش فـ الدنيا و أسايرها ولا أمداني

ترجعني لـ خيبات الظنون و زلة الغالين
و أطوّفها على شان الهوى ماهو على شاني

و أنا ماني غشيمٍ فـ التعامل و أعرف الغاوين
أجامل و اتشيّم و الخطأ ماهو بـ يخفاني

[𝘚𝘈𝘌𝘌𝘋 @hl77v]

اشتقت لك ياللي على البال مريت
وجلست افكر فيك من غير مدري

حاولت اسلي خاطري عنك وحنيت
قلبي معك مشغول ياليتك تدري

[𝘚𝘈𝘌𝘌𝘋 @hl77v]

المهم إني فقدتك .. و شفت من العذاب
إللي خلا خاطري ضايق .. و قلبي حزين

يا صوابي من غيابك ! .. و يا كبر الصواب
مستحيل يردّك الوقت أعرف الوقت زين

- ناصر بن فهيد

[𝘚𝘈𝘌𝘌𝘋 @hl77v]

قسم بالله ما قبلك غياب ولا بعدك حضور
ولكن ودي بفرقاك لو ما ودك فراقي

تعاتبنا بما فيه الكفاية من ثمان شهور
وسالت دمعتين وطاح قلب وماتت أشواقي

تعدتك المشاريه وجفاك اللوم والمستور
إذا ما يكشفه صوتي كشفه الحبر بأوراقي

[𝘚𝘈𝘌𝘌𝘋 @hl77v]

حفظتك سر مايظهر على العالم ولا ينقال
زرعتك بين تنهيد الضلوع وبين غربالي

لك الله مال غيرك فالحنايا والضمير ظلال
أقرب من قريب الخلق واقرب لي من ظلالي