عشرتك ماهيب منسيّة ولا مسليّة
وين ما أحوّل تحوّل وين ما أرقى ترقى
عاد صوتك فـ أذني و عاده ألذّ أغنية
وعادها ط��وفك تخاطفني لا ناحت ورقا
وعاد صورتك برموش الذاكرة محميّة
وعاد في قدرك مقادير الأوادم غرقا
عاشقك ما ضاع وليا ضاع دلّك
والمشاعر ما تضيع وقلبك أدرى
يوم قفّا الوقت فيك ورحت كلّك
ما بقى له من غيابك غير ذكرى
حاول يخلي غلاك وصار خلّك
وحاول النسيان يوم أقفيت أزرى
أدري ان الشوق من قلبي وصل لك
وأدري انك تفتح حسابي وتقرا
لا تلومني لا جيت كلي من أقصاي
ما فيه غيرك لا تضايقت جيته
جيتك ولا غيرك ذكرته بمسراي
جيتك وكل أنسان غيرك نسيته
جيتك وأنا ماني بـ أنا تايه الراي
جيتك وأنا مدري وش اللي بغيته
جيتك وقلبي دقته تسبق خطاي
جيتك أقول مفارقك ما قويته
يا سعود كيف بنساه و هو
كل ليله ببالي؟
ياسعود بنيت احلامي معه
يا سعود تخيلتها معه !
ياسعود وعدني و وعدته بس
ياسعود قاعدين نخلف و عودنا
ياسعود تمنيته ولا جاني
وشفته بالحلم و اشتقت له
استأذنك بسافر ايام واجيك
وان طالت ايام السفر لاتحاتي
لكن قبل ماروح ودي اوصيك
وانت الوحيد الى يقدر وصاتي
لحدٍ سالك وقالك وين مغليك
قل له لوازم .. لاقضاها بياتي
وإن طرو النسيان ماني بناسيك
ياراس مالي فالحياه وغناتي