ياظالم النفس و ين العقل متغيب !!
ماتخاف الايام تقفي بك على غره
عام ورى عام وليا راسك مشيب
وعام ورى عام لا ما عاد لك جره !!
الحل خلك سوات الوابل الصيب
اللي لاامطر تشوف الارض مخضره !!
وكلن بهذا الزمان يقول: انا طيب
والطيب اللي ( يفك الناس من شره )
.
.
#سالم_سحمان
الرفيق اللي ليا اومت بك الدنيا يغيب
حط دونه عزّة انقى العرب و اشرافها
فيه ناسن تقدر الطيب لاكن ماتطيب
تعتذر لك لو جمايلك لحم اكتافها
وفيه ناس ايدينها في تلابيب القريب
وفيه ناس تحترمها و ناس اتخافها
وفيه ناس وجيها للوفا روض خصيب
من وفاها تسعى الانذال لاستهدافها
- محمد الدهيمي
رحم الله #أبي و #أمي
فراغ الفقد ماله دواء لو مهما يكون
لو المرء يبكي لين ماتنشطر عينه
بعد مافقدت اغلا ثنينن بهذا الكون
انا ويني ووين الفرح والفرح وينه ؟
يامتصفحين تويتر اللي هنا تمرون
محمد مايبغى غير دعوه لوالدينه
#محمد_عبدالله_الروقي