حمود بن طامي

سبحان الله ..

[حمود بن طامي @hmod_albugami]

ياعنيده ، خاطري مايبا غيرك عنود
والزمان يحد شفه بحد مذلّقه

كيف بسلى في غرامك وأحقق لي وجود
وانت حلمٍ سهل اشوفه وصعب أحققه

المساء لا ذعذع بنود ماعالج بنود
بين همٍ ماترفّق وهمٍ يرفقه

والصباح اللي بالأرزاق والخير معقود
كان ماصبح بصوتك يجي معه غلقه

بايعٍ من عمري عقود وأهديتك عقود
عاتقك من حاوطه مارضى إنك تعتقه

من يقول العمر لاراح لا يمكن يعود ..!
يوم أشوفك كن خلاّقنا دوب خلقه

حتى لو بيني وبينك على الواقع قيود
بيني وبينك بالإحساس سلطه مطلقه

و(يا وجودي ) فالمحبه لو بوصلك تجود ؟
ما إنوجدنا بين سندانها والمطرقه

لا خَذلك الوقت خِذلك من بيوتي صمود
لا توريه إنكسارك ولا موت الثقه

وإبتسم فدتك قوم إبتسامه >> هوليود
اللي ماهي صدق ولا يجي منها صدقه

حمود

[صالح النشيرا @saleh_neshaira]

لا تناسوا طيب راسك وانت راسك طيّب
وقالوا انك يوم جات الحرب مـ انت بـ معنا

الله الله فـ الشبوح .. اللي ماهيب قريّب
الشعر .. يمكن .. يفرقنا .. ولا .. يجمعنا

جامل الجهال واضحك مثل ضحك حبيّب
لا ابتلاه .. الشاعر اللي مايعرف ( المعنى )

[العتيبي سلطان @s_alotaibi53]

علقتني فيك .. رغبة نفسي الأمّاره
ولا أنا ؟ ماني بصوبك وأنت ما أنت بصوبي

قد سمحت من الزمان ومجريات اقداره
لين مالله عاضني عن شفي ومطلوبي

يفرض الواقع علينا الحب مانختاره
وأنا ما أكذب عليك ، إني معك يادوبي

أخذني تفدا خطاك ، الخطوه المحتاره
معك يامعذَب مشاويري وحلو دروبي

فإن تقاسمنا الغلا عشنا على تذكاره ،
( وإن تبدّل ثوبك اللّٰه لا يبدّل ثوبي) !

حاسب حساب الجفى منافعه وأضراره
وأدري إن ماهوب يسوى توبتي وذنوبي

السهر يفقد بريقه لا فقد سمّاره ،
والليال تغيّر المحبوب يامحبوبي

لو تعرف القلب وش يحمل لك من اسراره ؟
كان ياللي جيتني تختال ، جيت تحوبي ؛)

[حمود بن طامي @hmod_albugami]

إتبع نظام الطيب لا تتبع #نظام_الطيبات
الفرق شاسع لو الاسماء بينها تلقا شبه

الثقل ثقل العقل يرجح فالامور المعضلات
والخف خف النفس مايشرى ولا يوخذ هبه

عش الحياه بواقعية دام قافيها ممات
واعرف ترى ماكل رجلٍ فاللوازم تندبه

رجلٍ مايحرق في حياته غير كربوهيدرات
ورجلٍ مايحرق غير ماله دون دقنه وشنبه

[حمود بن طامي @hmod_albugami]

إتبع نظام الطيب لا تتبع #نظام_الطيبات
الفرق شاسع لو الاسماء بينها تلقا شبه

الثقل ثقل العقل يرجح فالامور المعضلات
والخف خف النفس مايشرى ولا يوخذ هبه

عش الحياه بواقعية دام قافيها ممات
واعرف ترى ماكل رجلٍ فاللوازم تندبه

رجلٍ مايحرق في حياته غير كربوهيدرات
ورجلٍ مايحرق غير ماله دون دقنه وشنبه

[مبارك بن رادعه @MBnradah]

لا توصفني الدكتور والصيدليه
وانت تدري وش علومي وتعرف علاجي

والله إن قد لي إلى اليوم ثالث ضحيه
اتصنع وسع صدري وضحكة حجاجي

اتظاهر بقوي فالظروف القويه
وابتسم رغم حرماني وقو احتياجي

ليت قلبي حديد وليت نفسي جريه
في مواجهة مقادير الزمن الازدواجي

صار حتى القصيد اللي طروقه عذبه
اكبر اسباب ضيقة خاطري وانزعاجي

ودي أغيب وابعد فالفجوج الخليه
وانقطع مع طريق الانقطاع المفاجي

فاقد الضحك والهاجوس والمعنويه
كبر فقد العواجي في عوال العواجي

بعض الاحيان لولا الصبر والجاذبيه
يمكن اطير من نفسيتي وانحراجي

والصبر فالهوى واموره العاطفيه
اصعب من الصبر على الرفيق المزاجي

والمحب السحاوي طرقته مهمهيه
ينقطع في رجاها كل ممل وراجي

[منصور الميخار @almeekhar]

مقطع احقوق الرياجيل احد من السيوف
من خذا وجه الجميله لا يعطيها قفاه
.
خل من علمه يحط النقط فوق الحروف
علمنا خلى التواريخ تمشي في ذراه
.
من يقفي لا نصيناه قلنا له ذلوف
اخر الاخبار ساعة يورينا جفاه

[محسن بن مترك @aprvip]

ياوجه الرضى اللي بين حشمه وسلم وبين
شعور مايقدر يفصح الرجل عن ذكره

اداريك وانت اغلا بواجد من الغالين
مثل من يداري بعد طول الصبر بكره

يراقب خطاواته ويردف دعاه امين
يشوف الرضى في حمد ربه وفي شكره

آحبك واحس ان البشر كلهم دارين
لا منه طغى احساسي على قاف ٍ ابتكره

تقيدني الشيمه عن مواكب التالين
وعن المنهج الي تلطم امواجه العكره

ماني مستغل وصف غره ونظرة عين
لاجل محتوى جمهور ولا لاجل فكره

انا ادرى عليك من المناقيد والغاوين
ولي شيمة لايمكن تحب ماتكره

لك اللي ماتدري عن تفاصيله الباقين
ولك الخافق اللي مثل طير على وكره )؛

[سبّيع . @subiie7]

يُقال في من تستلذ بـ جانبه :

أسولف عليه . . من المحبه بدون ادراك
ومع الناس ما تسمع سوى طق مسباحي :)

[سلطان بن بتلاء @sbinbtlaa]

بعض المواجع تقل زلة ولد عم
ماتقدر تسولف بها لو تضايقك

ان قلتها منقود ، وإليا بقت هم
لاسالب ٍ روحك ، ولاهوب معتقك !

[حمود بن طامي @hmod_albugami]

ياعنيده ، خاطري مايبا غيرك عنود
والزمان يحد شفه بحد مذلّقه

كيف بسلى في غرامك وأحقق لي وجود
وانت حلمٍ سهل اشوفه وصعب أحققه

المساء لا ذعذع بنود ماعالج بنود
بين همٍ ماترفّق وهمٍ يرفقه

والصباح اللي بالأرزاق والخير معقود
كان ماصبح بصوتك يجي معه غلقه

بايعٍ من عمري عقود وأهديتك عقود
عاتقك من حاوطه مارضى إنك تعتقه

من يقول العمر لاراح لا يمكن يعود ..!
يوم أشوفك كن خلاّقنا دوب خلقه

حتى لو بيني وبينك على الواقع قيود
بيني وبينك بالإحساس سلطه مطلقه

و(يا وجودي ) فالمحبه لو بوصلك تجود ؟
ما إنوجدنا بين سندانها والمطرقه

لا خَذلك الوقت خِذلك من بيوتي صمود
لا توريه إنكسارك ولا موت الثقه

وإبتسم فدتك قوم إبتسامه >> هوليود
اللي ماهي صدق ولا يجي منها صدقه

حمود

[عبدالله الصلاخي @ab1_dl]

مع احترامي للجناب الزين
اللي تقوله كلٍّ يعرفه

اسهبت وازعجت العرب بعدين ؟
حاول عساك تشوف لك صرفه

خل الخيال يعانق النجمين
ماهوب بس يطل من شرفه

الشاعر المبدع تراه يبين
لا صار راعي حرفة بحرفه

لا تنخدع فالعالم الغاوين
اللي ورا ما قلت منجرفه

المشكله حنى نعرفك زين
لا تنكر المنكر وتقترفه

[ناصر بن شايع @Na9r_2i]

يالاوله فـ البشر ( زين وتبجاحه )
المعجزه معجزه يا فاتنة عصرك !

من يحصر المعضلات بـ خيط مسباحه
اليا بغى يوصفك يعجز على حصرك

فيك الحلا " مودعٍ " قفله ومفتاحه
لله در القوام . . اللي كتب نصرك

سوارتك ( ترهم وتركب ) . . " على الراحه "
ان جات في معصمك وان جات في خصرك

[جطلي بن فهد @jatlefahd]

رجال ما يحْسب حسابه ورجال
عدّه وعدّ من الرياجيل 10

[مبارك بن رادعه @MBnradah]

كان بيني وبين قصيدي عتب محبه وصلحنا بعدها :)

يـ قصيدي لا تعذر عقب طول الصده
والتمنع والغياب اللي بدون مبرر

عاذرك عذر الكريم اللي عزاوي جده
تستر الطرف الكحيل وتنقذ المتضرر

مانت بـ آول من تركني يوم جات الشده
في متاهات الظروف وحزني المتكرر

[محمد بن نعمي @mohdnemi]

دام العتب مرفوع والشك مرفوع
ما فيه داعي للفراق انتصنّع

تعال دام الوصل ماهوب ممنوع
فديت حجانك ماعاد اتّمنّع

وفديت فيك الكيف والكم والنوع
وباقي الجمال اليوسفيّ المقنّع

خذني معك والكوع لفّه على الكوع
و اللي لك ان باقي الامور اتّسنّع

[ناصر بن مفلح . @nassre_]

قصيدة المشاركة في موضوع التكاتف "

يوم اقول انّ الجماعة عز .. ياخي لا تغارب
الكلام يزيد ثقل ان ضفت له واو الجماعه

لو ندقق نكتشف وش سر لـ الساعه عقارب
الثواني و الدقايق تتحد !.. و تصير ساعه

[محمد بن نعمي @mohdnemi]

أشوفك أحلام العمر .. و آحِن
و تشوفني نوعٍ من الترويح

و آمد لك يمنى الوصل و تمِن
و تمدها للهجر و التلويح