Olivia
Online
الهنوف القاسم | Alhanouf Alqasem
@hnow7g
Tourism & Heritage Management Student at @IAU_KSA | Member of @Sadu_iau| @BadirCIAU | @Nazaha_IAU | Heritage • Culture • Vision 2030 🇸🇦
Dammam, Kingdom of Saudi Arabia
Joined January 2024
120 Following
46 Followers
102 Posts
Pinned Tweet
أنا مؤمنة إن لكل مكان حكاية، وحلمي إني أكون صوتها. اخترت تخصصي بكل حب، وأسعى أترك فيه بصمتي. وبعد ثلاث سنوات، برجع لهالكلمات وقلبي مليان فخر بالحلم اللي صار واقع.🙏
@oanjz4 فتحته🧍🏻♀️
إذا شدكم موضوع التقارير الشخصيه هذي المقدمة وان ودكم تشوفونه ارسلوا لي خاص اوريكم اياه
برضو الصوره الثانيه توضح لكم وحده من التقارير ايش كنت حاطه المرجع 😁
نهار الجمعة… لها سالفة اليوم
صار لي فترة أفكر بموضوع المستقبل… وإيش ممكن يصير؟ ووين بكون؟ وهل بقدر أسوي اللي ببالي أو لا؟ وهل فعلًا بوصل للي أتمناه؟
لكن وأنا أفكر، تذكرت كل المراحل اللي مريت فيها بحياتي، وكل مرحلة كان عندي فيها تخصص مختلف 😂
من يوم أنا صغيرة كنت أبي أصير محققة جنائية، وبعدها بالثانوي قلت دام ما فيه للبنات بالوقت هذاك خلاص أبي كلية الطبخ بالأميرة نورة. وقتها كنت أدور أسهل شيء، لأني كنت متخوفة من فكرة الجامعة نفسها، وكيف الدراسة فيها، محد يحدد لك شيء ولا أحد يمشيك خطوة بخطوة.
لكن صدق… إذا ربي حطك بمكان، حتى لو بالبداية أنت ما كنت تبيه، بتكتشف بعدين إنه المكان المناسب لك، وبتلقى نفسك فيه بدون حتى ما تحس.
السياحة؟ والله ما قد فكرت فيها بحياتي، ولا مرة جاء ببالي تخصص سياحة أصلًا.
أول ما جاني القبول بكلية الآداب، رحت أشوف التخصصات عشان أقرر ايش بدخل بفترة التحضيري، ولقيت السياحة وإدارة التراث. وجلست أبحث عن الفرق بينه وبين السياحة والآثار، وكل ما قرأت أكثر تعلقت فيه أكثر.
شدني بشكل مو طبيعي، خصوصًا إنه وقتها كنت أعتبر من أوائل الناس اللي دخلوا التخصص. ولو تبحثون بقوقل أو بأي تطبيق بتلقون إن التخصص هذا موجود بكليتي بس، واللي زادني حماس اكثر ان اطلقوا التخصص عشان يدعم رؤية المملكة 2030.
وقلت بيني وبين نفسي: بالتحضيري بشد حيلي، وما أبي أنقص درجة وحدة تخليني أضيع هالتخصص، لأن غيره ما أبيه.
وفعلًا جبت النسبة، وكنت حتى قبل يطلع القبول متيقنة إني بدخله.
لدرجة إن فترة التحضيري كلها وأنا أتابع مقاطع، وأشوف مقابلات، وأقرأ عن المجال، لين حسيت إني فاهمة التخصص قبل حتى أدرس أول مادة فيه 😬
والأحلى من هذا كله، المشاريع والتقارير.
كنت أحب أكتب كل شيء من نفسي، وما أحب أنقل كلام جاهز.
حتى بالمراجع كنت أكتب: "تقريري الشخصي ومعلوماتي الشخصية"، وأحط تقاريري كمرجع يشوفونه الدكاترة. وكانت تعجبهم بشكل كبير، ودائم تجيني ملاحظات على طريقة الكتابة والتحليل، وهذا كان أكثر شيء يفرحني، لأني كنت أحس إن اللي يعجبهم هو شغلي أنا، مو كلام منقول من أحد.
عمومًا… استوعبت شيء.
إن النعم اللي يكتبها ربي لك، غالبًا تكون أفضل بكثير من الأشياء اللي أنت كنت مخطط لها بنفسك.
لازم الواحد يكون مؤمن بالله أشد الإيمان، لأن أي تغيير أو قرار يصير بحياته، حتى لو بالبداية ما عجبه، أكيد فيه خير ما يشوفه إلا بعد فترة.
والله إني ما عدت أزعل لا على تدريب، ولا وظيفة، ولا فرصة راحت، لأني مؤمنة إن الأجمل لسى جاي.
ولو احتجت أنتظره عمر كامل، بانتظره وأنا مطمنة، لأني على يقين إن ربي ما يحرم أحد من شيء فيه خير له.
وأحيانًا ما يعطيك اللي كنت تبيه بالحرف… لكنه يعطيك شيء أجمل منه، وبطريقة ما كنت تتخيلها، وما تستوعب حكمتها إلا بعد وقت.
الحمدلله على كل طريق ساقني له، وعلى كل باب انقفل، وعلى كل باب انفتح، وعلى كل اختيار حسبته صدفة ثم اكتشفت بعدين إنه كان من أجمل أقدار الله لي.
@lf34_3 اللهم امين لمار💕 وياك يارب
@MashaelXS الله يسعدك يا مشاعل القلب، كلامك يعني لي مره وان شاء الله نفرح ونحتفل بكل خطوة وبكل إنجاز سوا 💕
نهار الجمعة… لها سالفة اليوم
صار لي فترة أفكر بموضوع المستقبل… وإيش ممكن يصير؟ ووين بكون؟ وهل بقدر أسوي اللي ببالي أو لا؟ وهل فعلًا بوصل للي أتمناه؟
لكن وأنا أفكر، تذكرت كل المراحل اللي مريت فيها بحياتي، وكل مرحلة كان عندي فيها تخصص مختلف 😂
من يوم أنا صغيرة كنت أبي أصير محققة جنائية، وبعدها بالثانوي قلت دام ما فيه للبنات بالوقت هذاك خلاص أبي كلية الطبخ بالأميرة نورة. وقتها كنت أدور أسهل شيء، لأني كنت متخوفة من فكرة الجامعة نفسها، وكيف الدراسة فيها، محد يحدد لك شيء ولا أحد يمشيك خطوة بخطوة.
لكن صدق… إذا ربي حطك بمكان، حتى لو بالبداية أنت ما كنت تبيه، بتكتشف بعدين إنه المكان المناسب لك، وبتلقى نفسك فيه بدون حتى ما تحس.
السياحة؟ والله ما قد فكرت فيها بحياتي، ولا مرة جاء ببالي تخصص سياحة أصلًا.
أول ما جاني القبول بكلية الآداب، رحت أشوف التخصصات عشان أقرر ايش بدخل بفترة التحضيري، ولقيت السياحة وإدارة التراث. وجلست أبحث عن الفرق بينه وبين السياحة والآثار، وكل ما قرأت أكثر تعلقت فيه أكثر.
شدني بشكل مو طبيعي، خصوصًا إنه وقتها كنت أعتبر من أوائل الناس اللي دخلوا التخصص. ولو تبحثون بقوقل أو بأي تطبيق بتلقون إن التخصص هذا موجود بكليتي بس، واللي زادني حماس اكثر ان اطلقوا التخصص عشان يدعم رؤية المملكة 2030.
وقلت بيني وبين نفسي: بالتحضيري بشد حيلي، وما أبي أنقص درجة وحدة تخليني أضيع هالتخصص، لأن غيره ما أبيه.
وفعلًا جبت النسبة، وكنت حتى قبل يطلع القبول متيقنة إني بدخله.
لدرجة إن فترة التحضيري كلها وأنا أتابع مقاطع، وأشوف مقابلات، وأقرأ عن المجال، لين حسيت إني فاهمة التخصص قبل حتى أدرس أول مادة فيه 😬
والأحلى من هذا كله، المشاريع والتقارير.
كنت أحب أكتب كل شيء من نفسي، وما أحب أنقل كلام جاهز.
حتى بالمراجع كنت أكتب: "تقريري الشخصي ومعلوماتي الشخصية"، وأحط تقاريري كمرجع يشوفونه الدكاترة. وكانت تعجبهم بشكل كبير، ودائم تجيني ملاحظات على طريقة الكتابة والتحليل، وهذا كان أكثر شيء يفرحني، لأني كنت أحس إن اللي يعجبهم هو شغلي أنا، مو كلام منقول من أحد.
عمومًا… استوعبت شيء.
إن النعم اللي يكتبها ربي لك، غالبًا تكون أفضل بكثير من الأشياء اللي أنت كنت مخطط لها بنفسك.
لازم الواحد يكون مؤمن بالله أشد الإيمان، لأن أي تغيير أو قرار يصير بحياته، حتى لو بالبداية ما عجبه، أكيد فيه خير ما يشوفه إلا بعد فترة.
والله إني ما عدت أزعل لا على تدريب، ولا وظيفة، ولا فرصة راحت، لأني مؤمنة إن الأجمل لسى جاي.
ولو احتجت أنتظره عمر كامل، بانتظره وأنا مطمنة، لأني على يقين إن ربي ما يحرم أحد من شيء فيه خير له.
وأحيانًا ما يعطيك اللي كنت تبيه بالحرف… لكنه يعطيك شيء أجمل منه، وبطريقة ما كنت تتخيلها، وما تستوعب حكمتها إلا بعد وقت.
الحمدلله على كل طريق ساقني له، وعلى كل باب انقفل، وعلى كل باب انفتح، وعلى كل اختيار حسبته صدفة ثم اكتشفت بعدين إنه كان من أجمل أقدار الله لي.
@Mh_mee55 يابعد قلبي، وياك يارب ❤️
أضيفوا عليها 😂
- استلام شهادة إتمام التدريب الميداني 😁
الحمدلله يوم يكون لي أثر في كل مكان أدخله، وهذا فضل من الله، ومو تقصير بالباقين أبد، فالكل فيه الخير والبركة. 🤍
هذي كانت حصيلة أول سنة لي في تخصص السياحة وإدارة التراث، وبإذن الله السنة الثانية تكون أكبر وأكثر عطاءً وإنجازًا. ومثل ما قلت لكم بالتغريدة اللي قبل، مهما سويت وقدمت أحس إني للحين ما أنجزت بالشكل اللي أبيه، لكن الحمدلله على كل توفيق، وكل خطوة مهما كانت بسيطة فهي نعمة تستحق الشكر.
هالسنة كانت مليانة محطات وتجارب وإنجازات أعتز فيها، وحبيت أوثقها هنا، وبإذن الله مع نهاية كل ترم بصير أوثق أهم اللي حققته:
• حضور تدشين @Sadu_iau والتعرف على مجتمع يشاركني نفس الشغف والاهتمام بقطاع السياحة.
• المساهمة في تدشين نادي سدو، والمشاركة في تفعيل يوم السياحة العالمي واليوم العالمي للتراث غير المادي.
• استلام شهادة شكر من نادي سدو تقديرًا لمشاركتي وإسهامي في تلك الفعاليات.
• المشاركة في رحلتين ميدانيتين مع دكتورنا الفاضل @osa003 @OsamaIbrahimTHM الأولى إلى الأحساء والعقير، والثانية إلى تاروت والقطيف ورأس تنورة، وكانت من أكثر التجارب اللي أضافت لي على المستوى العلمي والشخصي.
• إتمام البرنامج التأهيلي للإرشاد السياحي والحصول على شهادة من وزارة السياحة، وهي بإذن الله بتكون إضافة مهمة لمسيرتي المهنية.
• إتمام أول متطلب للتدريب الميداني في تخصص السياحة وإدارة التراث، وباقي التدريب الأخير الصيف القادم بإذن الله.
• التسجيل في ثلاث دورات مقدمة من وزارة السياحة:
•إدارة الفعاليات.
•مبادئ وممارسات السياحة.
•اتجاهات الأعمال في رفاهية الضيافة والسياحة.
وجميعها تتقاطع مع اهتماماتي الشخصية قبل المهنية.
• حضور عدد من اللقاءات والبرامج المتعلقة بقطاع السياحة، بالإضافة إلى برامج تتناول الفرص المتاحة لرواد الأعمال في القطاع، وأسأل الله أن تكون بداية خير للمستقبل.
• الحصول على عدة شهادات من منصة دروب (هدف).
• المشاركة مع نادي نزاهة والتطوع في فعاليات اليوم الوطني السعودي الـ95.
• استلام شهادة التفوق تقديرًا لجهودي في السنة التحضيرية، وكانت من أكثر الشهادات اللي أسعدتني وتعنّي لي الكثير، وأسأل الله أن يكتب لي استلامها في جميع سنوات الجامعة.
الحمدلله دائمًا وأبدًا، والله لا يضيع تعب أحد، وأسأل الله أن يجعل القادم أجمل، ويبارك لنا في أعمارنا وأوقاتنا، ويوفقنا لما يحب ويرضى. 🤍
الحمدلله دائماً وأبداً 💕
استلمت شهادة إتمام التدريب،والحمدلله على تجربة مثل هذة اضافة لي الكثير على المستوى العلمي والعملي.
نهاية مرحلة جميلة، وبداية مرحلة أجمل من التعلم والتطوير باذن الله.
@MashaelXS ما شاء الله تبارك الله،
الله يوفقك ويكتب لك الخير في كل خطوة تخطينها ❤️❤️🙏🏼
@MAlkhorayef @nsrcomsa الله يجزاك خير ويبارك فيك.
كلامك أسعدني كثير، وأسأل الله أن أكون عند حسن الظن، ويكتب لنا ولك التوفيق يارب 🤝🏼
بكرة الخميس 23-7-2026 آخر يوم لي في التدريب الميداني، والحمدلله خلصت السنة الأولى من متطلب التدريب لتخصص السياحة وإدارة التراث، وباقي الصيفية السنة الجاية بإذن الله.
السنة هذي كانت خياراتنا محصورة بين وكالات السفر والسياحة والمطار، لكن السنة الجاية بيكون عندنا حرية أكبر باختيار جهة التدريب " الاختيار مفتوح ".
دعواتكم ربي يكتب لي فرصة تدريب في الرياض، لأن أشوف الفرص هناك أكبر وأوسع لتخصصي. من أكثر الجهات اللي أتمنى أتدرب فيها:
- شركة نسر. @nsrcomsa
- الدرعية.@DGDA_SA
- وزارة السياحة. @Saudi_MT
وغيرها كثير... لكن بالنهاية النصيب بيد الله.
أما الشرقية، كل ما أفكر بالجهات اللي تناسب تخصصي ما يخطر ببالي إلا أرامكو 😔، فإذا تعرفون جهات بالخبر أو الدمام أو الشرقية بشكل عام تناسب تخصص السياحة وإدارة التراث علموني 😩
ودائمًا أسمع: "ليش تدورين الشغل والحركة؟ أهم شيء يخلص الدوام وتمشين." لكن أنا فعلًا العكس. أحب بيئة العمل اللي فيها حركة ومسؤوليات وتعلّم، وأكره الفراغ. أحب أطلع من الدوام وأنا منهلكة من كثرة الشغل، مو لأن أحد ينتظر مني هالشيء، ولا عشان أقول إني مجتهدة، لكن لأن هذا الشيء فعلًا يونسني وأستمتع فيه.
أحس إذا حبيت المجال، حتى التعب فيه له طعم مختلف، وترجع البيت وأنت حاس إن يومك كان له قيمة. ويمكن أكثر شيء يدفعني لهالشعور إني أخاف يمر العمر بدون أثر. الله عطانا وقت وأعمار، والواحد يخاف من ربه، ودائمًا يجي ببالي سؤال بيني وبين نفسي: لو سألني ربي عن وقتي، وش بقول؟ لذلك أحب يكون يومي مليان سعي، وتعلّم، وعمل، وأرجع آخر اليوم وأنا راضية عن اللي سويته، حتى لو كنت تعبانة.
الحمدلله يوم يكون لي أثر في كل مكان أدخله، وهذا فضل من الله، ومو تقصير بالباقين أبد، فالكل فيه الخير والبركة. 🤍
هذي كانت حصيلة أول سنة لي في تخصص السياحة وإدارة التراث، وبإذن الله السنة الثانية تكون أكبر وأكثر عطاءً وإنجازًا. ومثل ما قلت لكم بالتغريدة اللي قبل، مهما سويت وقدمت أحس إني للحين ما أنجزت بالشكل اللي أبيه، لكن الحمدلله على كل توفيق، وكل خطوة مهما كانت بسيطة فهي نعمة تستحق الشكر.
هالسنة كانت مليانة محطات وتجارب وإنجازات أعتز فيها، وحبيت أوثقها هنا، وبإذن الله مع نهاية كل ترم بصير أوثق أهم اللي حققته:
• حضور تدشين @Sadu_iau والتعرف على مجتمع يشاركني نفس الشغف والاهتمام بقطاع السياحة.
• المساهمة في تدشين نادي سدو، والمشاركة في تفعيل يوم السياحة العالمي واليوم العالمي للتراث غير المادي.
• استلام شهادة شكر من نادي سدو تقديرًا لمشاركتي وإسهامي في تلك الفعاليات.
• المشاركة في رحلتين ميدانيتين مع دكتورنا الفاضل @osa003 @OsamaIbrahimTHM الأولى إلى الأحساء والعقير، والثانية إلى تاروت والقطيف ورأس تنورة، وكانت من أكثر التجارب اللي أضافت لي على المستوى العلمي والشخصي.
• إتمام البرنامج التأهيلي للإرشاد السياحي والحصول على شهادة من وزارة السياحة، وهي بإذن الله بتكون إضافة مهمة لمسيرتي المهنية.
• إتمام أول متطلب للتدريب الميداني في تخصص السياحة وإدارة التراث، وباقي التدريب الأخير الصيف القادم بإذن الله.
• التسجيل في ثلاث دورات مقدمة من وزارة السياحة:
•إدارة الفعاليات.
•مبادئ وممارسات السياحة.
•اتجاهات الأعمال في رفاهية الضيافة والسياحة.
وجميعها تتقاطع مع اهتماماتي الشخصية قبل المهنية.
• حضور عدد من اللقاءات والبرامج المتعلقة بقطاع السياحة، بالإضافة إلى برامج تتناول الفرص المتاحة لرواد الأعمال في القطاع، وأسأل الله أن تكون بداية خير للمستقبل.
• الحصول على عدة شهادات من منصة دروب (هدف).
• المشاركة مع نادي نزاهة والتطوع في فعاليات اليوم الوطني السعودي الـ95.
• استلام شهادة التفوق تقديرًا لجهودي في السنة التحضيرية، وكانت من أكثر الشهادات اللي أسعدتني وتعنّي لي الكثير، وأسأل الله أن يكتب لي استلامها في جميع سنوات الجامعة.
الحمدلله دائمًا وأبدًا، والله لا يضيع تعب أحد، وأسأل الله أن يجعل القادم أجمل، ويبارك لنا في أعمارنا وأوقاتنا، ويوفقنا لما يحب ويرضى. 🤍
ايه هذي الرسايل اللي الواحد يصحى عليها 😁
@MashaelXS ما شاء الله، الف مبروك مشاعل ❤️
مستحقة والله، هنا مكانك اصلاً❤️❤️❤️
الله لا يضيع تعب، ولا يخيّب سعي.
شكل إجازتي بتكون بين الدورات والبرامج… الله يعين بس 😂🤍 وإن شاء الله كل ساعة فيها تردها الأيام بفرصة حلوة.
اللهم بارك لي في وقتي وجهدي، واكتب لي التوفيق🩷
@MAlkhorayef @arkantravel_co الله يبارك فيك ويجزاك خير، شكراً من القلب على كلامك ودعمك. والله دايم ترفع المعنويات بكلامك الطيب، وأسأل الله يكتب لنا ولك التوفيق والنجاح، وإن شاء الله أكون عند حسن الظن 🤲🏻
28-6-2026
بداية موفقة ولله الحمد.
أمس كان أول يوم تدريب لي في شركة أركان للسفر والسياحة، والحمد لله كانت تجربة جميلة من أول يوم.
أول شيء لفت انتباهي هو سلاسة العمل، والتعاون الواضح بين الفريق، وكل شخص كان متعاون ولطيف في التعامل. حتى المدير كان جدًا متعاون وداعم، وهذا الشيء خلاني أحس بالراحة والحماس من أول يوم.
مره ممتنة لهذي الفرصة، ومتحمسة أتعلم أكثر وأكتسب خبرات جديدة وأطور من نفسي خلال فترة التدريب.
بإذن الله تكون بداية خير، وأطلع منها بأشياء كثيرة أفتخر فيها، وأحقق فيها إنجازات جميلة.
اللهم بارك لي في هذه الخطوة، واجعلها بداية خير وتوفيق، وارزقني فيها العلم النافع والنجاح والإنجاز. 🤍
@ShiKahQ ما شاء الله، الف مبروك يا شيخة تستاهلين كل خير وعقبال الدكتوراه 🩷
من الأشياء اللي دائماً تشدني وأحب أتابعها بحكم تخصصي، مشاريع السعودية والتحولات اللي تصير فيها. واليوم وأنا أصور موقع الدمام الجديدة من بعيد، استوعبت قد إيش إحنا محظوظين إننا نعيش هالفترة ونشوف هالتغييرات بأعيننا.
الغريب إن المكان اليوم ممكن تشوفه أرض فاضية أو مجرد بداية مشروع، لكن بعد سنوات بيصير مدينة كاملة فيها حياة وناس وذكريات وقصص. وأحس من الآن متحمسة لليوم اللي أطلع فيه هالصورة وأقول لعيالي: "تصدقون؟ يوم صورت هالمكان ما كان فيه شيء مبني أصلًا." نفس السوالف اللي كنا نسمعها من أهلنا وأجدادنا يوم يقولون لنا كيف كانت بعض المناطق قبل العمران والتطوير.
دائماً أؤمن أن أجمل شيء مو بس النتيجة النهائية، بل إنك تشهد الرحلة من بدايتها. تشوف الفكرة وهي على الورق، ثم مشروع تحت الإنشاء، ثم معلم قائم على أرض الواقع. وهذا بالضبط اللي يخليني متحمسة لمستقبل هالمكان ولمستقبل مدننا بشكل عام.
ويمكن أكثر شيء يخليني متحمسة للدمام الجديدة تحديدًا، إني أتخيل نفسي بعد التخرج معتمدة على نفسي ومستثمرة وأقدر أقدم على أحد البيوت أو القصور المطلة على البحر هناك. فكرة إن يكون لي جزء في المكان اللي كبرت وعشت فيه وأنا صغيرة فكرة جميلة جدًا بالنسبة لي، وحتى لو أخذتني الحياة يومًا ما إلى مدينة أو مكان آخر، بيكون فيه شيء يربطني هنا دائمًا ويخليني أرجع وأزور المكان.
أحس أن الانتماء مو بس ذكريات، أحيانًا يكون بيت أو استثمار أو حتى زاوية صغيرة تشعرك أن لك أثر وانتماء في المكان. ويمكن لهذا السبب متحمسة أشوف كيف بيكون شكل الدمام الجديدة بعد سنوات، ومتحمسة أكثر لفكرة أن يكون لي فيها نصيب ولو بسيط.
بعد سنوات كثيرة، يمكن هالصورة تصير جزء من ذاكرة جميلة توثق بداية شيء كبير جدًا.
من أمس وأنا فيه سؤال يدور ببالي، وفعلاً أبي رأيكم فيه:
برأيكم، هل ترون أن إغلاق مضيق هرمز له تأثير مباشر أو غير مباشر على رؤية 2030 من الناحية الاقتصادية والسياحية؟
من وجهة نظري، أكيد إن إغلاق مضيق مهم مثل هذا راح يؤثر على الدول من جميع النواحي، وليس فقط الناحية السياحية.
لكن بخصوص مشاريع الرؤية، أكيد راح تتأثر لأن ما راح يتم ضخ نفس مقدار الأموال الهائلة اللي كانت تُضخ قبل الحرب. وعلى الرغم من إن فيه عدة مشاريع راح تُفتتح قريبًا — مثل Four Seasons Resort Red Sea اللي بيتم افتتاحه الليلة — إلا إنّي أشوف إننا ممكن نوصل لـ 2030 أو 2031 وفيه مشاريع راح تتوقف مؤقتًا بسبب ظروف غير محسوب لها.
لكن بنفس الوقت، ما نقدر ننكر جهود المملكة في العمل على عدم السماح لمثل هذي الظروف بالتأثير المباشر على احتياجات المواطنين والمقيمين، أضف إلى ذلك وقوفها إلى جانب اخوتنا في الخليج لتجنب مثل هذه المصاعب (شعب واحد) .
ومضيق مثل هذا كان لنا عائد اقتصادي منه، وعند إغلاقه أكيد راح يتم إعادة النظر في الصرف بجميع النواحي: السياحية، الرياضية، الثقافية وغيرها…
ايش رأيكم انتوا؟
Last Seen Users on Sotwe
Trends for you
Most Popular Users
Elon Musk
@elonmusk
241.2M followers
Barack Obama
@barackobama
119.1M followers
Cristiano Ronaldo
@cristiano
112.6M followers
Donald J. Trump
@realdonaldtrump
111.8M followers
Narendra Modi
@narendramodi
107.1M followers
Rihanna
@rihanna
98.2M followers
NASA
@nasa
92.2M followers
Justin Bieber
@justinbieber
91.4M followers
KATY PERRY
@katyperry
88.8M followers
Taylor Swift
@taylorswift13
82.7M followers
Lady Gaga
@ladygaga
74.2M followers
Virat Kohli
@imvkohli
71.7M followers
Kim Kardashian
@kimkardashian
70.3M followers
YouTube
@youtube
68.7M followers
Neymar Jr
@neymarjr
64.6M followers
Bill Gates
@billgates
64.5M followers
The Ellen Show
@theellenshow
62.4M followers
Selena Gomez
@selenagomez
61.9M followers
CNN
@cnn
61.8M followers
X
@x
60.8M followers