للأسف شاعر

[للأسف شاعر @hobouna]

اثر
القلوب
الطيّبه
مالها حظ

[للأسف شاعر @hobouna]

أستغفري يابنت ماني بـ مجهول
فالشعر ولا عند عِكف الشوارب!

ياما كتبت البيت ( بالدُّر واللول )
وأرد على هداج عذب المشارب

منصى وسيفٍ فالمواجيب مسلول
في لازم الاجناب .. ولا الاقارب ..

وان مانثرتي كل ماطريت مجدول
ماني حفيد اللي تسنّ المضارب

- محمد حبونا

[للأسف شاعر @hobouna]

@_3jim سعد علوش مثل كريستيانو رونالدو لازم يعتزل

[للأسف شاعر @hobouna]

@_3jim سعد علوش مثل كريستيانو رونالدو لازم يعتزل

[للأسف شاعر @hobouna]

@hawwykk ياسلاااام يابو علي
الله يحفظك 🫶🏻🇬🇧

[للأسف شاعر @hobouna]

ماباحك الجرح .. والأيام ماحتالت
تبيني أنساك، وانتي غيرك المنسي

ما باقي بعيني الا ( دمعه ) وسالت
من يوم ماغاب ليلي وأشرقت شمسي

قلوبنا اللي تجافت .. حربها طالت
"تعبت أعيش الليالي كارهٍ نفسي"

- محمد حبونا

[للأسف شاعر @hobouna]

ماينسىّ يوم الأحد
فيه الوطن فقده عظيم

كل المشاعر تتحد
نبكيه من جوف الصميم

يوم الزمن محدٍ لحد؟
أتجود يمناه الكريم

"لو يتوارى فـ اللحد
مامات من خلف تميم"

- محمد حبونا

[للأسف شاعر @hobouna]

ماتبقىّ من غصون العمر وارق
ليت دمعي ينتصر لي لاذرفته

بين لحظات التلاقي والمفارق
كل غالي بان وجهه .. ماعرفته

- محمد حبونا

[للأسف شاعر @hobouna]

الدمع ما يضحك وجيه الليالي
لو كان همك .. كل يومٍ يبكيّك

ماعاد باقي لك من الناس غالي
حبّ الظروف اللي تجيك وتنسيّك

- محمد حبونا

[للأسف شاعر @hobouna]

١٨ من مايو .. 🎂

مرّت سنه ما عشت فيها ولا ليل
حلفت ماتحسب من ايام عمري

في ليلةً .. جزءتها « بالتفاصيل »
ما ذقت منها : لذّة النوم بدري

دموع عيني كنهّا .. أحجار سجيّل
وجروحي الأحباش وبرْيه صدري

عُرجت للاسراء .. من غير جبريل
بـ الدعوة اللي تغسل اثام صبري

شايل من الأيام ما شاله ( شعيل )
الأرض فوقي والسماوات حدري

شفت السحاب اللي مصبه هماليل
واقول ليت أن المطر ماه مقري

والهقوه اللي موتها موت هابيل؟
كفنّتها صمتي .. ولا طاح قدري

اليوم قوم .. وكل كلمه بـ تأويل
صديّت ماقدمّت للناس عذري

أشوم والشيمه غناة الرياجيل!!
الله جعل مضمونها حلّ جذري

اللوم لليّ يحتسب ( كذبة ابريل )
يعيشها كل يوم .. ما كنهْ يدري

- محمد حبونا

[للأسف شاعر @hobouna]

رغم الشعور اللي كسر حاجز الصمت
يعيش من بعد السكوت امتحرّر

عارف وش اللي قد جرى، بس مالمت
أنا الوحيد .. من الملام امتضرّر

لاتسأل المهموم : وش فيك ما نمت؟
تلقى الجواب : ان السوأل امتكرّر

- محمد حبونا

[للأسف شاعر @hobouna]

ما عادت رسوم المحاني ديارك
مثل معاريفي على اصحابها، ضعت

مشيت لـ دروب الجفا بأختيارك
عز الله اني قد نهيتك ولا طعت..

- محمد حبونا

[للأسف شاعر @hobouna]

نساير الايام غفله وتطنيش
الحظ سيء والعمر مايوفيّ

تدري متى يالادمي تقدر تعيش؟
لاصار قلبك فالحياة متوفيّ

- محمد حبونا

[للأسف شاعر @hobouna]

@iranin_arabic تعال خاص

[للأسف شاعر @hobouna]

وش قالت أنسام الهوى من ورانا؟
كيف الوصل اصبح حقيقه وهو حلم؟

( الجامعه ) من يوم صارت لقانا
لاطالبً غيرك .. ولا طالبً علم

- محمد حبونا

[للأسف شاعر @hobouna]

أعرف أميّز طعم الليالي التي توهمني بـ إني السبب وراء حدوث كل شيء حزين في هذا العالم.

[للأسف شاعر @hobouna]

يستأسر الليل ( صبحً ) طلتّه باكر
حتى ولو مايغيب بـ غيبته .. ذكره

مثله ترى لو يجود بـ مّدته : ناكر
مايستحق الثنا ولا واجبً شكره

قولوا له .. إن لو تظاهر ماهو بـ ذاكر
ماغيّر اللي ليا من حب مايكره !

- محمد حبونا

[للأسف شاعر @hobouna]

بواقي الذكرى ماعنها تخطيّت
مزارها ما زار بعده مباتي

يا ليتني ميّت .. ولا أني تمنيّت
حياة شخصٍ في غنى عن حياتي

- محمد حبونا