Hoda Adely

زملكاوية والفخر ليا❤️❤️
يشهد الله أنني خفيفة الروح ولا أحب الأحزان والهَم..
ولكن الدُّنيا وأمورها أقوى منّي.💔

[Hoda Adely @HodaAdely]

#مهند_حسنى بمجرد ماتشوف الاسم يشدك وتشوف الموهبة تبهرك، دور واقرأ كل كلمة اتكتبت عنه من جمهوره ،زملائه كل حد قرب منه هاتشوف نموذج تتمني كل شبابنا يكون زيه موهبه واخلاق واحترام وثقافة ،نجم السنوات القادمة ودي ثقاتنا فيك وانت ادها .

[Dalia gamil @daliagamil2009]

روحت اتبرع لمستشفى أبو الريش للأطفال ، وأول ما وصلت شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروبا�� هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش ��يعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل ��لايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتص��قوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدع��ية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدروا ويساعد
#مستشفى_ابو_الريش_للاطفال
منقول

[Hoda Adely @HodaAdely]

@MohanadHosny1 ❤️

[abdulrahman mohammed @abdo_mohamed789]

أحلى رزق ممكن ربنا يديهولك ه�� "القب��ل".. إنك تدخل أي مكان تلاقي الناس بترتاحلك وتسلم عليك بقلب، من غير ما تبذل مجهود عشان تعجب حد. القبول ده سر بينك وبين ربنا، بييجي من نية صافية ورضا باللي في إيدك، وعدم بخل على أي حد بكلمة طيبة أو مساعدة في وقتها

[Tamer Abdo Amin @tamerabdoamin]

يارب وقعنا في كل خطوة، ومكان، وتعامل مع ناس تشبه قلوبنا.. لا أكتر ولا أقل.

[أسماء #بنت_العسكري @AsmaaElAskary]

اللهم صل وسلم وبارك على المصطفى سيدنا محمد وآله وصحبه وسلم تسليماً كثيراً

[Tamer Abdo Amin @tamerabdoamin]

فيه نتايج من بره تتصنف خساير، لكن هي في أصلها مكسب كبير.. عشان كده الشهادة لله: فيه ناس معيّنة لما بتبعد عنهم، وخطوات معيّنة لما بتاخدها، وأماكن معيّنة لما بتقاطعها؛ وِشّك بيْنور، وربنا بيفتحها عليك من وسْع، وحياتك بتبقى أحلى، وأنضف، وأروق.

[ʚϊɞ نٌيّڤيّنٌ 🏹 @Neven_Abdalla]

ولا كان الحب عمره باختيارنا
ده كان قدرنا
وبايدنا ايه ..!!!!

[𝓼𝓱𝓪𝓱𝓭 @shahdelswify7]

موضوع إنك
تتعامل إنك متجاهل حاجة
وهي مبتروحش من بالك ده صعب والله

[🏹ŚÖÖ☕︎︎ @S0li8]

الإنسان تعبان وحزين اوى يا رب

[أدهم شرقاوي @adhamsharkawi]

لِتَكُنِ المرَّةُ الأولى التي يخسرُكَ فيها شخص،
هي المرَّة الأخيرة!
تعاملْ مع نفسكَ على أنَّكَ فُرصة،
لا خياراً!
من أجملِ ما قالتِ العرب: عِزَّ نفسكَ تجِدْها!

[Lama @ilrelm]

عليك أن تجتهد لتصل إلى مرحلة عدم ذكر أي شخص بسوء
إن لم تذكره بخیر فلا تأتِ به على لسانك مطلقًا واجعل نصب عينيك أعمالك وحسناتك، يؤخذ منها يوم القيامة
فإن لم تبق لك حسنة وضع عليك من سيئاته وهي في الدنيا ذنوب والذنوب سبب لقلة الرزق والتوفيق والبركة بالله عليك، ماذا كسبت من الغيبة؟

[Hoda Adely @HodaAdely]

@MohanadHosny1 ❤️

[نصيحة @i__Gi1]

"من طاب أصلهُ، طاب فعلهُ، فَلا يُثمرُ الغصنُ
إلّا من طيبِ الجُذور.🤎"

[مَرْيَمُ @MMo7amed0]

كظم الغيظ ده عبادة صعبة أوي والله
يا ربّ ندخل الجنة بحق كل مرة كتمنا جوانا وزعلنا فيها وسكتنا.

[Raghdaa Nadim @RaghdaaNadim14]

في الازمه اللي احنا فيها واحنا مش عارفين مين العدو ومين الصديق
و كل واحد عنده اخبار مختلفه
واللي مع رحيل جون واللي ضد رحيله
مافيش حاجه نقدر نعملها غير اننا ندعي ونقول يارب يولي الزمالك الاصلح والافضل ويبعد عنه كل رجال السوء اللي عايزين ينهشوا لحمه ولا يفرق معاهم مصلحه الزمالك

[أسماء #بنت_العسكري @AsmaaElAskary]

لو عملت اللي عليك وكل اللي تقدر عليه في اي حاجة في الدنيا خلاص اهدى بقى واستنى .. الباقي مش بتاعك 🤍🤗

[Ahmed Sabry 14 @AhmedSabry141]

سألته انت مين ؟! قالها هو اسمي احمد الطيب وشغلتي شيخ الأزهر 🤍🫶 إن العظيم إذا تواضع رِِفعةً .. ساد القلوب وسخّر الاجيالا .. اطال الله ف عمرك يا شيخنا والله اني احبك ف الله
افتخر بأني خريج الأزهر الشريف 🤍🫶

[Walid Rashwan @walidpro]

انا عن نفسي كمشجع هافضل مدين طول العمر للكابتن معتمد جمال
مدين بفرحة دوري اعجازي
مدين لتعبه واجتهاده وصبره مع فرقة كانت ضايعة
مدين لزملكاويته وانتمائه وتفضيله للزمالك وجمهوره على اي حاجه
شكرا معتمد جمال من كل قلبي والله باحبك يااسطورة

[Feryal Yehia @Feryal78139767]

شعرتُ في كثير من المرات بأن البكاء لا يكفي، الحديث لا يكفي، والنوم أيضًا لا يكفي..

كيف للمرء أن لا يسعهُ أي شيء!!

[علي صيام @AliSiamPress]

بينما تشاهدون كأس العالم، لا يستطيع أطفال غزة النوم، فالفئران تنتظر غفوتهم لتنهش أجسادهم داخل الخيام، تحدثوا عنهم

[علي صيام @AliSiamPress]

ضجيج كأس العالم يصم الآذان، فلم يعد أحد يسمع أنين غزة؛ منسيةً في خيامٍ منصهرة، عذابٌ يهد الجبال، فكيف بالنساء والأطفال؟ تحدثوا عنا إن بقي ضميركم

[🇾🇪🇵🇸الدعم والاسناد @AlymnyAlsq81595]

🚨‼️عاجـــــــل:☀
إذا لم تستطيعوا إطلاق سراح الأسرى الفلسطينيين فلا تصمتوا عنهم....
تكلم انشر سوي اي شي