ياقلبي اللي توصل العشق حده
من لايودك وش تبي به توده
ماعاد لك يم المقفين لده
واللي نساك انساه ولاتلتفت فيه
واحفظ سنينك لاتضيع عددها
لابد باقي لك سنين بعدها
قال المثل من عز روحه وجدها
هذا الكلام اللي مع الناس نوحيه
- عبدالله المسعودي
ولو تلمسين الغيم زادت رقته ..رقه
ولو تضحكين النور من مبسمك بّين
ولو تزهمين الريح جات الريح منطلقه
كن الهبايـب تباشر .. عـودك اللّيــن
لا تطلبين القلب و انتي حل لك سرقه
شوفي غرامك بـ وجهي فعله .. مّبـين
مدري من الورد و لا العطر مّنخلقه
بس الأكيد إن جمالك ما هو بـ هّين
سلمته الروح و أغليته .. على البدّه
يرعى مفالي حشاي .. و يارد عدوده
من كثر .. ما أتوق له و أغليه و أودّه
تنقص مقامات بعض الناس من زوده
ما والله أقسى على العاشق من الصدّه
إلّا إنّ كبده بـ حدّ .. الموس مقدوده
_ مطلق بن شويه
يا عظيمة وأنتِ الأشياء الجديدة والقديمة
وأنتِ اللي لو تصد الأرض.. ما صدَيت عنها
وأنتِ أشجع الإنتصارات، وملذات الهزيمة
وأنتِ اللي وين ما لقِيت قلبي قال: عَنها
وأنتِ أعجوبة زمان الشاعر اللي هَلّ ديمة
وأرتوت جدب القصايد لين صح الله بدنها
#لشاعرها
فرووضك الخمس كانك ما تـصلـيهـا
و أوقاتـك تضيع يا غافل على الفاضي !
'
الـمـرجـلـة لا تـحـاول تـرتـبـط فـيـهـا
خسران فالحاضر ؛ و خسران فالماضي !
'
#حصيِّن_بن_منير
استأذنيني وش ورى بارق الجيد
إلا ديارٍ.. ربَّع الطيِّب فيها
أنتِ ورى عنقك نخيل، وعناقيد
وقومٍ تشيل رْماحها في يديها
كم عذبتني.. فاترات المواعيد
وأنا اتخيل ضحكتك، واحتريها
ما عاد أبي من بيض الأيّام تأكيد
إن أكدت سود اللّيالي عليها.