مع كامل الاحترام لوجهة نظرك، أعتقد أن هناك خلطاً بين مفهوم الحي السكني الراقي ومفهوم الحي المعزول عن الحياة. فالرقي لا يعني أن تتحول الأحياء إلى مناطق مغلقة لا يُسمح فيها إلا بنمط معين من السكان أو الأنشطة ولا يعني أن وجود كيان معين يُعد انتقاصاً من مكانة الحي أو مستوى سكانه بالعكس أنا معك من حق السكان المطالبة بتنظيم الأنشطة التجارية والالتزام بالاشتراطات البلدية ومراعاة الهدوء وهذا حق مشروع تماماً لكن من غير المنطقي أن يتحول النقاش إلى رفض نشاط تجاري لمجرد أن اسمه مطعم شاورما أو لأنه لا يتوافق مع الصورة الاجتماعية التي رسمها البعض عن الحيي … أما إذا كان المطلوب هو السكن في مكان ما بمر في احد ولا يشارك أحد مرافقه أو خدماته ف هناك خيار متاح لمن يرغب وهو انه شراء قصر على أربعة شوارع وتكون حدوده هي حدود عالمه الخاص دون أن يفرض تصوراته على الفضاء العام حي حطين حي من أحياء الرياضوليس ملكية خاصة لفئة اجتماعية بعينها والمدينة الناجحة هي التي تجمع بين السكن والتجارة والخدمات وفق تخطيط سليم وتنظيم يحفظ حقوق الجميع.
فالتحضّر والرقي ليس في إبعاد الناس عن الأحياء الراقية بل في احترام النظام وحق الجميع في المدينة دون تصنيف الناس أو الأنشطة على أساس غني وفقير ومدير وفراش .. شكرا لحضرتك واعتذر عن الاطاله
إذا السيره الذاتيه قويه من الصعب تلاقي وظيفه لان اغلب المدراء اللي بيشوفون السيره الذاتيه يكون عندهم تخوف من الموظف القوي اما يفكرون في انك ممكن تاخد مكانهم او يفكرون انك تطلب راتب عالي جدا .. نصيحه خفف من القدرات والإمكانيات في السيره الذاتيه وقتها بتلاقي مكان مناسب .. الله يوفقك
شركات كبرى فقط ومهارات المندوب وشهاداته مهمه جدا للتوظيف في الشركات الكبرى .. يكون الأساسي ٨٠٠٠ آلاف واذا شد حيله مع النسبه ممكن يوصل من ١٥ ل ١٨ .. مثال بسيط (( شركات بيع المكاين والمعدات الصناعيه )) (( شركات البرمجيات )) (( مصانع المواد الخام الضخمه في الجبيل وينبع )) كل هاذي دخل الكيانات الصناعيه والتجاريه المندوب يوصل ل هذا الرقم تقريبا
طبعا من وانا صغير كنت اشتغل مع أبوي لين صرت مستقل وهو اللي علمني المصلحه ربي يرحمه .. في يوم من الايام احتجت مكينه معينه عرضها علي أبوي اني اشتريها منه بسعر معين ولقيتها برا بسعر اقل بحوالي ١٠ ٪ حدود ال ٢٠ ألف ريال حاولت افااوضه بنزل السعر رفض وانا رفضت اشتريها منه واشتريتها من منافس له بسعر اقل .. ابوي بعدها قالي لو كنت اشتريتها مني كنت بزعل عليك أنا رافع سعرها عشان اعرف وين بتتجه وفهمني ان المصلحه للعمل ابعدها عن المجاملات تماما …. انتبه لان عامه الناس لها دخل معين وعندهم التزامات فطبيعي بيروح للي بيوفر عليه حتى لو كان المنافسه ابوه نفسه
@ALI_M2025_ التجاره غير الصناعه .. التجاره ممكن تخسر في صنف وتربح في صنف ويعوض خسارتك .. والإغراق ما يحدث إلا في المجال الصناعي وهو ان يوجد مصنع محلي لمنتج معين وياتي مصنع خارجي يبيع باقل من سعر نظرا للتكاليف وهنا يكون اغراق ويتم منع الاستيراد لسلع او إضافه ١٥٪ جمارك و١٥ ٪ ضريبه ..
هل تعلم ان الأسواق المشهوره أغلبها إذا انت عندك منتج جديد وتبي تعرضه وتبيعه لهم وهم يبيعونه في مراكزهم يطلبو فلوس مبالغ بها عشان فقط تنزل منتجك عندهم لكل صنف ٥٠ ألف ريال واذا رفضت ما يشترون منك وهذا نظام عندكم وليس تصرف شخصي .. تبي تحط منتجك عندنا ادفع ٥٠ ألف ريال على كل صنف .. والدليل في أصناف ما تلاقيها في المراكز لهذه السبب
دام المستهلك هو المستفيد .. الصالات اللي تعرف تشتري قبل ما تعرف تبيع .. استغلال المستهلك في السابق وأنه لا يوجد خيارات والأرباح في قطاع التجزئه مقارنه بالبيع أرباح عاليه بدون ذكر اسماء .. ولما مثال في تطبيقات التوصيل سابقا ومع ظهور منافس قوي وخفض الاسعار للمستهلك اختفت اغلب التطبيقات وبعضها انباع .. وأعتقد ان الكثير من المتاجر سوف تختفي في ظل المنافسه .. وزي ما تعلمنا أمشى مع السوق في اتجاه واحد لا تخالفه لان السوق ما يرحم .. وكلامه اعتقد انه تأثر في وجود منافس قوي ورده فعل بالنسبه لمصلحته سلميه ولكن ما فكر كيف يستفيد من المنافس بشكل إيجابي .. وايضاً في مقوله ( يصعب عليك قول الحق إذا كنت مستفيدا من الباطل )