ℋ

وبكل غرور ونرجسية "انا فرصه لاضاعت تكثر عليها الحسايف"

[ℋ @hss_o2]

نٌبذه تعريفية عني قلبي شغوف وخاطري سمح وراسي طيب وطبعي عنييد أحب القصيد اللي يفتح مواجعٍ قديمة وأحب الشعر اللي يواسي الروح الحزينة

" نصيحة لاتتعمقو فِيني"

[ℋ @hss_o2]

ارقى مراتب الوداع و الفراق عند ناصر
الحمادين :

جيتك مجي الكرام الي تحب الكرام
واخترت درب توقف عندك نهايته

ان كان جيتي مجيك فوق صدري وسام
وان كان رحتي في امان اللّٰه وراعيته".

[ℋ @hss_o2]

لن يمر عليك احن من :
"أجيد الكلام اللي يزيد الجروح جروح
لكني احنّك من .. كلامي ولا اقوله ".

[ℋ @hss_o2]

سعد من قلبه على الدنيا شمالي
مايهمه ف الهوى وصل وقطاعه.

[ℋ @hss_o2]

" لاتفوت فرصة العمر الثمينه لاتهيّت
العمر مره ولذات العمر ماهيب دايم ".

[ℋ @hss_o2]

عندما يطيب الخاطر ..

يقول الشاعر :

مابين حب الجواب ، وبين كره السؤال
القلب لو ضاع .. ماينزل عليه الوحي

يا مقربك لو دعيتك .. بس كلمة ( تعال )
أثقل على خاطري من حاجة المستحي !!

[ℋ @hss_o2]

فمان الله يانجد العذّية و الوعد بعدين
متى بعدين مدري بس خليني على ماني

مصير الوقت ينصف طيبينه والأمور تزين
وبرجع لك ليا زانت معي كان الله أحياني

[ℋ @hss_o2]

والله اني مادريت اني عايفه لين قلبي قال
ياحسين مواصله صار أصعب من فراقه علي

[ℋ @hss_o2]

افترقنا وانتهينا وذا المقدر وحكم اللّٰه جرى
راضي بالمقدر لو ان لي راسً عليه رأيً عنيد

[ℋ @hss_o2]

ما فيه صبرٍ جميل إلا وتجمّلته
اسكت لو ان الحبايب قد نسو خيري

لو شان وجه الزمن لا ما تنكّرته
وإن زان ما يفرق لأنه منكسر طيري

حتى الحبيب اللي ليا ضاق ضحكّته
("يومي عطيتَه عيوني ناظر لغيري")

[ℋ @hss_o2]

وش عاد يعني الفراق اللّي تهدد به
مادام ف كفوف يدي دافن احبابي

قبلك فقدت انسان ماقدر افرط به
خذاه موته وهو من خيرة اقرابي

ابعد ولا انت العزيز اللي ارحبه
مدام قربي ف عيونك يشبه غيابي

("رمحَ يخمك ولا رمحَ تهدد به")
("هذي المقوله تراها تبرر غيابي")

[ℋ @hss_o2]

كل حاجة كنت ابيها واكسحتني ماتهيت
لاتجيني بعد مده لانها ف العين ماتت

[ℋ @hss_o2]

المواصل شي عادي والمفارق عادي
كل ما ودّعت غالي .. جاني اغلا منه"

شطب وامش بدون دراما زايدة .

[ℋ @hss_o2]

بيع الوفا والصد صار من سماتك
وأعماك وهمك عن محب يصافيك

اللّٰه يوفقك في باقي حياتك ويسعدك
وتلقى بدالي من في جهله يصافيك

[ℋ @hss_o2]

الخاطر اللي على سود الليالي صـبور
يسري به الفكر ويحسب الأوادم سرت

أحـيان نمشي مع العالم بـليا شعور
والناس عن مـا تكن صدورنا ما درت

كم حاجةٍ في معاليق الضماير تدور
اقوم وآخلي المجلس لا منها طرت

[ℋ @hss_o2]

سامحيني لو جرحت شعورك وخيبت ظنك
اعتذر عن كثرة اخطاءي وعن قل إهتمامي

اتركيني اتركك .. لا تتركي لي شي منك !
وإحفظي هالبيت زين وبلغي قلبك سلامي

لا قريتي لي قبل نومك وطار النوم عنك
إنسي اني كنت احبك واقري اذكارك ونامي.

[ℋ @hss_o2]

ياعشيري لايروح الوقت شرهات وطلايب
شرهتي شرهة محب وغلطتك غلطه وخيمه

من عرفت إنك تدور زلتي في وقت الصعايب
أقتنعت إن الوصل مكروه والفرقا غنيمه

[ℋ @hss_o2]

يا اخي تعال انتفارق ليش متردّد ؟
أنا احب الوداع و أعشق طقوسه !

[ℋ @hss_o2]

لا تفسر كلامك . . يوم فات الاوان !
الخطايا الجسيمه ما لها فـ العتب

انت حاجه جميله وانتهت من زمان
كان ودي تطوّل . . بس ما الله كتب

[ℋ @hss_o2]

جيت لاكن كل شيٍ حلاته بأوله
ما يفيد وينفع العذر مهما يحتوي

وش تبي بالخاطر اللي سلا عنك ودله
شاف ماعاف وطوى صفحه الماضي طوي

اعالج جروحي بعزم وثبات ومرجله
ما ارتجيت وقفه معرفه ولا فزعة خوي

[ℋ @hss_o2]

جعل يوم عرفتك فيه ما يعود
صارت الايام بعدك عيد واعلنتها