planet news ht

media news company

[planet news ht @ht_planet]

Direktè Egzekitif RNDDH la, Pierre Espérance, kritike transfè Joseph Félix Badio ak 17 ansyen sòlda kolonbyen Ozetazini pou yo jije nan dosye Jovenel Moïse. Li estime desizyon sa montre feblès sistèm jidisyè ayisyen an, ki apre plis pase 5 ane poko rive òganize yon pwosè nan dosye a. Li mande pou lajistis Ayiti ranfòse pou gwo dosye konsa kapab jije nan peyi a.

#PierreEsperance #JovenelMoïse #USA #Ayiti #planetnewsht

[planet news ht @ht_planet]

Dimanch 20 septanm 2026, yon ✈️ avyon 🪖militè ameriken transpòte 18 sispèk soti 🇭🇹Ayiti pou mennen yo 🇺🇸 Ozetazini, kote yo pral fè fas ak lajistis federal nan Sid Florid nan dosye asasina ansyen Prezidan Jovenel Moïse. Pwokirè federal Jason A. Reding Quiñones fè konnen 30 moun deja anba akizasyon nan kad ankèt la.

Sous (Reuters⁠) 🗞️

#JovenelMoïse #Ayiti #USA #Transfere #planetnewsht

[planet news ht @ht_planet]

Antreprenè ayisyèn Westerlie ap travèse yon peryòd difisil pandan li ap resevwa swen medikal pou yon pwoblèm sante. Sitiyasyon an fòse li mete 2 restoran li yo Ozetazini an poz tanporèman pandan li konsantre sou rekiperasyon li.

Yon videyo Westerlie poste kote li parèt sou yon kabann lopital ogmante enkyetid moun k ap swiv li yo. Pou kounye a, pa gen okenn enfòmasyon ki montre restoran yo fèmen definitivman. Pandan kèk moun sou rezo sosyal yo kritike sitiyasyon an, anpil lòt moun raple maladi pa yon bagay pou selebre, kèlkeswa dezakò ki ka genyen ak Westerlie.

#Westerlie #AyisyenOzetazini #Biznis #Aktalite #planetnewsht

[planet news ht @ht_planet]

Michaela ak Jirka se yon koup ki soti Repiblik Tchèk, fondatè mouvman anviwònmantal Verdederos. Yo se edikatè anviwònmantal ak kreyatè kontni ki vwayaje atravè mond lan pou òganize netwayaj, sansibilize sou pwoteksyon anviwònman epi mobilize volontè. Jiska prezan, yo rapòte plis pase 160 aktivite nan 32 peyi, ak anviwon 3,200 volontè epi plis pase 35 tòn fatra ranmase.

Pandan yo t ap patisipe kòm volontè nan yon netwayaj devan Fuerte San Gil, Santo Domingo, koup la fè konnen kèk Dominiken vòlè tout valiz yo ki te gen bous, materyèl pou kreye kontni ak dokiman pèsonèl. Yo sitou ap chèche yon lisans kondwi tchèk sou non Dolan epi yo deja depoze plent nan lapolis.

#MichaelayJirka #RepiblikDominikèn #SantoDomingo #Verdederos #Anviwònman #planetnewsht

[planet news ht @ht_planet]

Claude Joseph kesyone sa li rele “ultranasyonalis” ak “anti-Ayisyen” nan Repiblik Dominikèn yo pè. Deklarasyon sa vini nan menm liy ak pozisyon li te pran an 2022, lè li te deklare ke avèk li, Ayiti pap tounen lakou dèyè Repiblik Dominikèn, epi li te di li opoze ak nenpòt pwojè ki ta fè Ayiti tounen depotwa peyi vwazen an.

#ClaudeJoseph #Ayiti #RepiblikDominikèn #Politik #planetnewsht

[planet news ht @ht_planet]

Office National de la Migration (ONM) anonse asistans finansye pou Ayisyen ki depòte soti Etazini yo ap monte rive 200 dola ameriken pa moun, nan objektif pou ede yo fè fas ak premye bezwen yo apre yo retounen nan peyi a.

#Ayiti #Depòtasyon #ONM #Imigrasyon #planetnewsht

[planet news ht @ht_planet]

Inivèsite Leta Ayiti (UEH) ak ELMS College lanse yon pwogram fòmasyon kontinyèl pou pwofesè ayisyen ki anseye nan nivo fondamantal ak segondè, sitou sila yo ki pa t resevwa fòmasyon pedagojik inisyal.

Pwogram nan fèt 100% a distans, li genyen 15 kredi, epi li mennen nan yon sètifika 2 enstitisyon yo siyen ansanm, rekonèt ann Ayiti ak Ozetazini. UEH fè konnen yo ankouraje espesyalman kandidati fanm yo. Enskripsyon yo ouvè jiska 25 septanm 2026.

#UEH #ELMSCollege #Pwofesè #Edikasyon #planetnewsht

[planet news ht @ht_planet]

Pati politik Les Engagés pour le Développement (EDE) chwazi ansyen Premye Minis ak ansyen Chanselye Claude Joseph kòm kandida li pou prezidans Repiblik la. Desizyon an te pran 17 septanm 2026 pandan yon reyinyon Biwo Politik Nasyonal pati a, kote Claude Joseph te chwazi kòm kandida inik EDE a.

Dapre pati a, chwa sa baze sou eksperyans li nan Leta, parcours politik ak enstitisyonèl li, rezilyans li ak atachman li pou peyi a. EDE dwe kounye a konplete formalite ki nesesè devan CEP la pou kandidati a antre ofisyèlman nan pwosesis elektoral la.

#ClaudeJoseph #EDE #EleksyonAyisyen #planetnewsht

[planet news ht @ht_planet]

🇷🇺🇩🇴 Absans Juan Carlos Ávila Espaillat sou rezo sosyal yo te kòmanse soulve enkyetid pami anpil Dominiken, paske li te konn pibliye regilyèman videyo sou lavi li ak misyon li bò kote fòs ris yo nan lagè kont Ikrèn. Dapre Diario Libre, dènye kontni li te pibliye dirèkteman sou kont li te date 13 septanm, pandan li te deja fè konnen li t ap tann konfimasyon pou patisipe nan yon operasyon sou liy konba a.

Sepandan, rimè ki fè kwè li ta mouri yo pa konfime. Sou 16 septanm, frè Juan Carlos la fè konnen li “anfòm”, men li pa kapab sèvi ak telefòn li pou kounye a akoz kondisyon ak règ sekirite nan zòn kote li ye a. Kidonk, jiska prezan, pa gen okenn enfòmasyon serye ki konfime sòlda dominiken an mouri.

#JuanCarlosAvila #RepiblikDominikèn #Larisi #Ikrèn #planetnewsht

[planet news ht @ht_planet]

Otorite ameriken yo depòte 40 sitwayen dominiken madi 15 septanm 2026 la, sou yon vòl charter ki soti Louisiana pou rive nan Ayewopò Entènasyonal Las Américas, Santo Domingo. Gwoup la te gen 36 gason ak 4 fanm. Dapre rapò dominiken yo, kèk moun te deja fini santans prizon, pandan lòt yo te enplike nan dosye imigrasyon oswa lòt pwosedi jidisyè Ozetazini.

Ka yo te gen rapò ak plizyè kalite vyolasyon, tankou kestyon imigrasyon, dwòg, vòl ak fo dokiman. Apre yo fin rive, otorite dominiken yo transfere yo nan sant resepsyon Haina pou idantifikasyon ak lòt formalite administratif anvan liberasyon yo. Li enpòtan pou presize ke se pa tout 40 moun yo ki te depòte akoz yon kondanasyon kriminèl.

#RepiblikDominikèn #Etazini #Depòtasyon #Imigrasyon #planetnewsht

[planet news ht @ht_planet]

Dirijan politik dominiken Héctor Rodríguez Pimentel fè konnen anpil moun nan Repiblik Dominikèn gen yon vizyon limite sou reyalite sosyal, ekonomik ak demografik Ayiti, paske kontak yo genyen ak Ayisyen yo fèt sitou atravè imigran ki rive nan peyi a pou chèche travay.

Dapre li, sa ka fè kèk Dominiken asosye Ayisyen sèlman ak povrete, travay agrikòl oswa sitiyasyon vilnerab, pandan sosyete ayisyèn nan gen plis divèsite pase sa. Li te fè deklarasyon sa yo nan pwogram EnElFoco sou El Nuevo Diario TV.

Etid sou migrasyon ayisyèn nan RD montre tou pwofil imigran yo vin pi divèsifye ak tan, ak prezans nan konstriksyon, sèvis, komès, touris ak lòt aktivite, pa sèlman agrikilti.

#Ayiti #RepiblikDominikèn #HectorRodriguezPimentel #Migrasyon #planetnewsht

[planet news ht @ht_planet]

Prezidan dominiken Luis Abinader 🗣️ deklare mèkredi 16 septanm 2026 ke dezakò sou antre pa tè 22 kategori 🥚🧅🧄 pwodwi dominiken ann 🇭🇹 Ayiti deja “rezoud”, san li pa eksplike ki chanjman oswa antant ki fèt. Mezi ayisyen an te egzije pou pwodwi sa yo antre pa lanmè oswa pa avyon, olye atravè fwontyè Dajabón–Wanament lan.

#Abinader #Ayiti #RepiblikDominikèn #Ladwàn #KomèsFwontalye #planetnewsht

[planet news ht @ht_planet]

Nan 🇧🇸Nassau, Bahamas, 4 fonksyonè 🇭🇹ayisyen ki te resevwa fòmasyon kòm enstriktè ap transmèt konesans yo bay 10 lòt pwofesyonèl sou enspeksyon 📦 kago, kontenè ak ⛴️ bato komèsyal. Fòmasyon OEA a, atravè CICTE, konsantre sou idantifikasyon risk, rechèch nan bato, enspeksyon 🚚kontenè ak deteksyon machandiz ilegal.

💡Objektif la se ranfòse kapasite Ayiti pou konbat trafik ilegal epi amelyore kolaborasyon ant Ladwàn, fòs sekirite ak lòt sèvis ki responsab kontwòl fwontyè ak pò yo. OEA konfime aktivite sa yo ap fèt nan Nassau soti 14 pou rive 25 septanm 2026, ak sipò Kanada, Bahamas ak Ayiti.

#Ayiti #OEA #Ladwàn #Sekirite #bahamas #planetnewsht

[planet news ht @ht_planet]

Sendikalis sektè 🚘 transpò Jacques Anderson Desroches 🗣️denonse sa li prezante kòm distribisyon yon ⛽️ gaz ki pa ta respekte bon jan kalite epi ki ta lakòz gwo domaj sou motè 🚙 machin ak motosiklèt. Li mande otorite yo bay eksplikasyon epi ouvri yon ankèt sou pwodwi k ap vann nan ponp yo.

Menm jou a, Secteur Transport Terrestre Haïtien (STTH) te lanse yon 🚨alèt menm jan an, li mande Konsèy Konsiltatif sou mache petwòl la reyaji.

#Ayiti #Gaz #Transpò #STTH #planetnewsht

[planet news ht @ht_planet]

Gouvènman ameriken an, atravè pwogram Rewards for Justice, ofri yon rekonpans ki kapab rive jiska 3 milyon dola, ansanm ak posibilite relokalizasyon, pou enfòmasyon ki kapab ede kraze mekanis finansman Viv Ansanm ak Gran Grif, 2 gwoup Etazini klase kòm òganizasyon teworis etranje.

Enfòmasyon yo ka konsène biznis, kont labank, finansè, tranzaksyon, transfè lajan, zam, minisyon oswa dròn ki benefisye gwoup sa yo. Moun ki gen enfòmasyon kapab kontakte pwogram nan an konfidansyalite sou WhatsApp, Signal oswa Telegram nan [phone].

#Ayiti #VivAnsanm #GranGrif #Bandi #planetnewsht

[planet news ht @ht_planet]

Plizyè ti machann ki t ap antre ak machandiz soti Repiblik Dominikèn sibi sezi nan Ladwàn Wanament, lendi 14 septanm 2026 la, dapre Amérique Info7. Operasyon an fèt nan kad aplikasyon yon memorandòm septanm 2016 sou restriksyon kèk machandiz nan fwontyè yo. Enfòmasyon yo pataje a pa presize ki kalite machandiz yo sezi ni kantite machann ki konsène.

Sous: Amérique Info7 🗞️

#Wanament #Ladwàn #KomèsFwontalye #planetnewsht

[planet news ht @ht_planet]

Nan yon dekrè ki pibliye nan jounal ofisyèl Le Moniteur, Gouvènman an tabli nouvo kad òganizasyon ak fonksyònman Ministè Afè Etranjè ak Kilt yo. Anplis aplikasyon politik etranjè peyi a, MAEC responsab devlope relasyon Ayiti ak lòt Leta, kowòdone aksyon entènasyonal administrasyon piblik la, defann enterè peyi a ak sitwayen ayisyen aletranje, epi jere akò Leta genyen avèk legliz ak òganizasyon relijye yo.

Sous : Primati Ayiti 🗞️

#ChanseleriAyisyen #DiplomasiAyiti #MAEC #GouvènmanAyisyen #planetnewsht

[planet news ht @ht_planet]

Kou Siprèm Etazini mete dosye Mullin v. National TPS Alliance, nimewo 26-48, nan konferans prive jij yo pou 28 septanm 2026. Jou sa a, jij yo pral konsidere si yo dwe aksepte demann gouvènman federal la pou revize yon desizyon Kou Apèl Nevyèm Sikwi a sou mezi ki te pran kont TPS Venezyela ak rediksyon pwoteksyon TPS Ayiti gouvènman ameriken anvan an te pwolonje an 2024.

Dat la pa vle di Kou a ap bay yon desizyon final sou TPS jou sa a, epi li pa chanje otomatikman sitiyasyon imigrasyon benefisyè yo. Sous: Kou Siprèm Etazini⁠.

#TPSAyiti #KouSiprèm #AyisyenOzetazini #Imigrasyon #planetnewsht

[planet news ht @ht_planet]

Jij federal Jacqueline Becerra deside tribinal li a gen otorite pou kontinye egzamine yon pwosè 992 Kiben te depoze pou mande aksè ak Lwa Ajisteman Kiben an. Li rejte, nan etap sa a, demann DHS te fè pou fèmen dosye a, men li bay avoka gouvènman an yon semèn pou modifye agiman yo.

Avoka plentif yo vle pwosè a tounen yon aksyon kolektif nasyonal ki ta ka konsène plizyè santèn milye Kiben ki te antre nan fwontyè Meksik la san dokiman « parole » la. Desizyon an pa ba yo rezidans otomatikman: tribinal la poko aksepte aksyon kolektif la ni pran yon desizyon final sou dwa yo pou aplike anba Lwa Ajisteman Kiben an.

Sous: EFE atravè SWI https://t.co/X60b2STymz⁠. 🗞️

#JacquelineBecerra #Imigrasyon #KibenOzetazini #Miami #planetnewsht

[planet news ht @ht_planet]

✍🏿 Daprè Mahamat M. Adam, se yon bagay ki ra pou wè, lòt bò 🌊 Atlantik la, pikòp militè ki fèt nan estil operasyon peyi Sahel yo . Imaj k ap sikile yo ta montre sòlda tchadyen ann Ayiti ak machin Toyota ki pote zam antiaeryen 14,5 mm, nan kad sipò 🇹🇩Tchad pou operasyon sekirite kont gwoup ame yo.

#LameTchad #SekiriteAyiti #GSF #planetnewsht