ذعذاع

لست إلّا متذوق لما يروق لي

[ذعذاع @htoog_]

دافنٍٍ عدٍ مثل هداج تيما
قد شرب منه المعرّي والزبيري

واتهيبل وآتصيقه وآتعيما
لجل أعرف أعيش مثلي مثل غيري

[ذعذاع @htoog_]

الوقت لو كشر بوجهه و نابه
ما نرخص الشيمه ولا نقبل الغلب

انجابه اللي فالزمن ما يجابه
وندف بقعا دف و نليّن الصلب

واللي على الدجه يسحّب ثيابه
بكره تطلع له ليال القسا قلب

من لاسعى للرزق سعي الذيابه
يبى يعيش اليا كبر عيشة الكلب

[ذعذاع @htoog_]

علموها عن عزوم العالم المنهاره
وكلموها ترحم المتوسل المستجدي

لاتشيل الشيله ولا ترفع النظاره
كل شي اقدر عليه الا الجمال النجدي

[ذعذاع @htoog_]

ياكثر الابيات في بالي، حنييين وغزل
بس انتظر رجعة اللي غااااب واقولها

[محمد الجحلي @lp__q5m]

اهيم في واديك و اعزف لحونك
واشتاق لك لا حمحمَت كل قودا

حتى حياتي ماخذه من عيونك
فيها تفاصيلٍ كثييييره ، و سودا

محمد الجحلي

[ذعذاع @htoog_]

ان تركتيني قتيلٍ على مفرق دروب
اكتبي فتّانة العصر مرّت من هنا
.
واحفري قبرك وزاني وطيحي دوب دوب
ودي أقابلْلك لا قمت في دار الفنا
.
والله لا وجهك بعادي ولا قلبي بطوب
مير ميلي لين اشوف المنايا والمُنى
.
لا تشكّلتي مع الريح وانسام الهبوب
ما لقيت مْن العبارات غير الله لنا

[ذعذاع @htoog_]

لا قلت حظي زان لي قال بعدين
ايلين ضاع الـراي والحـل والـربط

يـ الي تقول اصبر على الوضع ويزين
بالله ما تدري متى يزين بالضبط

[الأخطل @502A__]

يالربع هو باقي يهيضكم قصيد؟
لحق القريحة يوم اعافرها صلف

كم ثرت في عجة وكم شملت ديد
والحين ادور لي من الهاجس سلف

متّرت حارات المدينة سيد سيد
ولا لقيت اللي يغنيها خلف

ممن طوت صفحات عمري طوي بيد
لين افتحت لي مع هل الساحة ملف

بنت اصوك لا حز سيفه عظم جيد
راحت ركايب ناطح الغاره علف

عمهوجة من هودلة ورقا جريد
تقعد شهر واكثر ب بال مختلف

فرعا قوام و خشمها سلة وليد
والخصر ميم وراء بعد الضاء الف

ما تعرف الا العيد واليوم السعيد
ما لحقها من دورة الدنيا كلف

ما قالت ان الشعر عربون الشهيد
قالت ترى مالك من الكده خلف

ملحي فشق بارود والمرقب مشيد
من هدّ طرفه في شماريخه تلف

ودعتها ليل تباريحه قصيد
اللي وراه اكبر طموحاتي ذلف

عيا علي سلم مثل راسي عنيد
يلف روس مفتلة الاشناب لف

محتاج لجل انساه قريحة رشيد
و تهلي ابن مهيد وعزوم محلف .

- محمد الجحلي

[محمد الجحلي @lp__q5m]

يا الربع هو باقي يهيضكم قصيد ؟

[ذعذاع @htoog_]

مثل ماقد يستضيق الصغير من الوصاة
يستضيق اللي تحبه من المدّ الدسم

الحياة احيان يمكن تضيق من الحياة
والصدور احيان يمكن تضيق من النسم

واكثر قلوب الاوادم رهينة مغريات
الحظيظ اللي لا قفى ترك فيها وسم

يابعد من راحت سنين لكن يوم جات
جات ما معها غنيمه ولا معها قسم

[ذعذاع @htoog_]

الصملة اللي تفحم الشرهين وتهين الرعاع
تارد بشمطان اللحى وتفك طفاح اللحي

انا الوحيد اللي ما احب الحاجة ام الاختراع
اللي على محتاجها اقسى من شفوف المستحي

[ذعذاع @htoog_]

ايه الهديّه غاليه والمهدي اغلا مرّتين
قبل وبعد افخم هديه والمعزّه ثابته

ومن كثر حبي له بديت احب غيره حاجتين
الساعه اللي جابها والساعه اللي جابته !

ِ
⌚️⌚️⌚️

[ذعذاع @htoog_]

انا شاعر وجهه حياوي وقلبه حي
خذا الشعر من راحة ضميره كثر ما اعطا

على ادنى سبب يسهر خرز سبحتي بيدي
ويجي ياقلادة عنق ياحيةً رقطا

اعالج به اللي عارض صابره بالكي
واعاتب به اللي كل ما ادرك غلاه اخطا

يقولون روف بقلبك الغض بعض الشي
واقول العروق الخضر ماهي عروق ارطا

[ذعذاع @htoog_]

مايزهق الباطل الا لين يدحر دحر
فالساعة اللي جميع الناس تبعث لها

ومواقف الناس خير وشر وابرد واحر
ونفوس ياقشرها ونفوس ياوثلها

والداب وشجرته اللي ماتحتها جحر
تبلش به اللي تشيل الداب في حثلها

والحر الاشقر ليا خاوى طيور البحر
ماهوب شيً غريب اليا غدا مثلها

[ذعذاع @htoog_]

فيني مكابر غناوي .. وانعزالة فقير
وفيني عواجة مصلفق واستقامة سوي

انقد على اللي من الفرحه يخب ويطير
واضحك لا شفت النجوم الساميات تهوي

ضرايب الحزن والعزله وصوت الضمير
اما دموعٍ قويّه . . او قصيدٍ قوي

[محمد الجحلي @lp__q5m]

لا رضيتي تجلس النار في حضن الجليد
ولا زعلتي تنكتم نود ، و يولع برد ..

محمد الجحلي

[محمد الجحلي @lp__q5m]

مسوي شعفك النود و مخايل الوبال ؟
بعير المجامل ملّ من حطته و الشّل

طلاق وحرام ان منت شاعر ولا رجال
عزايمك مزنة صيف و بيوتك تفشل

محمد الجحلي

[محمد الجحلي @lp__q5m]

…
لو فادت المستصيب مهفهفات النسيم
ما ولّدت من شماريخ الرجوم .. شعرا

محمد الجحلي

[ذعذاع @htoog_]

ياجميله كيف افوّت فرصتي وافوتك
والمشاعر من حلاوة مبسمك متحده

ودي احيابك واداري خاطرك واموتك
قبل جثمان المحبه لايوارى لحده

بعدك اشعر بالقصيد اللي يثير سكوتك
وقبلك اشعر بالفراغ العاطفي والوحده

كيف ماحبك عساني مانحرم من صوتك
وانتي احلا صوت واحلا وجه واحلا وحده

[ذعذاع @htoog_]

اييييه سقى الله ذا الحساب وايامه 🚶🏻‍♂️