-

[- @hxth0]

ليش توهمني أنك تحبني فـ البدايه؟
لين صار الوهم عندي وعندك حقيقه

قمت تشر لقلب بين الأحباب تايه
لين حبيتك وحبيت ذيك الطريقه

طحت في حبك الجذاب من دون غايه
أفقد العقل ساعه وأسترده دقيقه

كل من لامني قلت أدع لي بالهدايه
البحر ما يطاوع موجه إلا غريقه ..

[- @hxth0]

من يحبك ؟ يقعد العمر كله ما يحب
لو تجيه حمول الأيام فـ اللي يشتهيه
- سلطان الحوالي

[- @hxth0]

اغليك  واكابر  وكني  معك عادي 
ماتدري اني من اقصى القلب متولع

لا يغرك الثقل ولا اسلوبي الهادي 
يا ويش اخلي  بوسط القلب واطلع ")

[- @hxth0]

معك أتجرّد من مبادي تربت في
وأنا الثابته اللي ماتغيّر مباديها

أداريك عن ضيقك وأحنّك من أدنى شيء
وأنا ما أتلفّت للخواطر — وأداريهـا

ولا أعاتب غير الساعة اللي تجيبك لي
تجيبك ، ولاهيب الراكده في ثوانيها

[- @hxth0]

كل لحظة كانت بقربك عظيمة
عيّا يكررها الزمن بعد ممشاك

ماعاد لـ التاريخ معنى وقيمة
عدّا على قلبٍ عجز ماتعداك

مشاعري بين إنتصار وهزيمة
من ليلةٍ فيها عرفتك لـ فرقاك

ممنون لكل الليالي القديمة
اللي بها صوتك ووجهك وملقاك

[- @hxth0]

تناقض ابن سعيد في الشوق وعزة النفس")؛

" انساك هذا سااابع المستحيلات
والمستحيل أعود لك خاضع الرأس"

[- @hxth0]

رجعت أدورّك بين الرسايل والصور وأدّعيك
وأنا مدري وش اللي من يد النسيان رجعّني

معي كلمة عتاب أكبر من إني فاقدك وأبغيك
ذرفت حروفها أوّل ماعرفت أنك ما تسمعني

[- @hxth0]

واعذاب اللي عيونه تلاحظ كل عين
واهني العاقل اللي يصد وينتحي

والبلا والسم والموت والجرح الدفين
كان لك قلبٍ هواوي ووجهٍ يستحي

[- @hxth0]

لا زالت مواثيق المحبة على ما هي
ولا كن جرحك والم و عذرك مبيّت

لزوم الكريم السمح عند البخيل العي
ما يفرق عقيد الرأي و مسحب الهيّت

عيونك لا قامت تطوي ضلوع صدري طي
لو مشاوره نفسي على الموت ما عيّت

ابيك تمكن من صوابي و راسي حي
ما ابيك تمكن من صوابي و انا ميّت

-

[- @hxth0]

غمضت عن تقصيرك المُلفت عيون
وكفيت عن " تحوّل الحال " .. هرجي

اصدق معي واكون شاكر وممنون
الكذب ما ينجيك والصدق ينجي

يكفيني اشوف الصور في التلفون
اما اني ارجي الوصل ؟ لايمكن ارجي

قبلك كثير .. اللي يروحون ويجون :-
بتروح - وتجرب - وتسمح - وبتجي : )

[- @hxth0]

زادك الله فوق خلق الله قبول
من يقول ان البشر متساويه

[- @hxth0]

و شلون اعلّمك .. بأني مانسيتك أبـد ؟
وشلون أوصف لك الحزن بشعور اشتياق

بعدك وانا الساكت اللي مايسولف لاحد
بعدك وانا المندمج مع كل دمعة فراق

اعطيك عمري فدا بس انت عطني وعد
ان طول الله عمرك . . لا يطول الفراق !

[- @hxth0]

ودعتك الله لو على قلبي أخطيت
وحاربتني من دون ذنبٍ وخطيه

أحسبك تذكرني إذا أصبحت وأمسيت
وأثرك على فرقاي نفسك هنيه

الله أكبر كيف عني تخليت ؟
من بعد ما علقت روحي البريه

وش غيرك وش بدلك ليه صديت ؟
وأنت الذي بالقلب نبضٍ وهويه

منهو بقى لي بعد ما عني أقفيت
وقدمتني للحزن أثمن هديه

[- @hxth0]

لكن أمانتك من عقب انتهى نبّي
انهم ما يدرون باللي بينك وبيني

وانا علي الرضى بما قضى ربي
اللي مضى منك جعله في موازيني

[- @hxth0]

« كل عامٍ وانا أحبّك — أكثر من العام »

[- @hxth0]

ياما على وصلك ركضت وتعنيت
وفتحت لك قلبٍ من الحب تايب

وياما كسرت بخاطري كل ماجيت
ارجع ودمعي فوق خدي سكايب

والحين عنك ياهوى البال صديت
حل الفراق وخاطري منك طايب

[- @hxth0]

أخطيت ياخلي وانا مثلك أخطيت
مافادني صبري ولا فادك صبرك

لا تحسب اني كارهك يوم صديت
قلبي على حطه يدينك وخبرك

سويت كل حاجة تجيبك ولا جيت
وش باقي اسوي ؟ سوات الله أبرك

[- @hxth0]

يقولون لي سجيت منه وانا اقول ايه
وانا والله وبالله ماغاب عن بالي

احبه وودي به وقلبي تولع فيه
ومهما حصل بيني وبينه بقى غالي

وانا حالف مااسج منه ولا اخليه
مادامه معي دايم بحلي وترحالي

يجيبون طاريه وانا دوم افكر فيه
بري حالي لا طرو اسمه بري حالي

[- @hxth0]

من سابع المستحيلات : إني أنساك
رغم إن "الأقدار" خلّتني اخليك

وشلون بنسى ؟ ومن حولي هداياك
عطرك ، رسايلك ، ضحكاتك ، أغانيك

لو هي على الحب ؟ قلبي ما تعدّاك
ولو هي على دمعتي : ياجعل ماابكيك

لكن "ورب الشعور" اللي تمنّاك
اني لو أهديك عمري "ما يكفيك ):

[- @hxth0]

مديت لك عمري على كف يمناك
وغيرك على رجوى "هلا" مد عمره