Abo DA7M

[Abo DA7M @i2aw24]

للحين احبك واعشقك واتمناك
رغم الجروح اللي بدت من غيابك

دايم وانا اسهر مع صورك وطرياك
واسري مع التفكير اسابق سرابك

ياكم من مره تحايلت ابنساك
واقول لك يا زين قفلت بابك

حاولت بس المشكله دايم القاك
في حلم ولا علم او طيف جابك

[Abo DA7M @i2aw24]

قالو علامك كل ماحل طاريه
تنسى البشر حولك وتذكر خياله

قلت انشدو القلب ليا غاب غاليه
قلب ٍ تعب من الشوق ياويل حاله

قالو علام القلب متولع فيه
دور لعل القلب يلقى بداله

قلت الغلا ماهو على كيف راعيه
لو الغلا بالكيف قلنا حلاله

[Abo DA7M @i2aw24]

تذكرتك وانا من الشوق ملهوف
والعين تبكي تبي من يواسيها

اشتاق لك شوقّ ما ينوصف بالحروف
شوق يهدّ عزوم نفسي ويطويها

عزي لحال حدّته سود الظروف
أعلى روح... راح فكري مع لياليها

[Abo DA7M @i2aw24]

عندي امل ان اللقى قريب ماهو بعيد
رغم الجفا رغم المصايب و الزعل

عندي امل انك بترجع من جديد
واشوف قلبك ليه عن قلبي رحل

عندي امل اني بسولف لك عن قصيد
و اشبع أسماعك قصايد من الغزل

عندي امل لكن خوفي لو يزيد
هذا الغياب و يقتل احلام الأمل

[Abo DA7M @i2aw24]

سلم على اللي فاقده مافقدني
وقله كثر ماقلت لـ عيوني أشتقت

محلله عن كل وعدٍ وعدني
ومسامحه عن كل ليله تضايقت

ليته بعد ماراح رد ونشدني
عن حالتي لامر طيفه ودنقت

ماني بقايل باعني او جحدني
لكن بقول اني معه ما توفقت

أنا فقدته وللأسف مافقدني
ومع كل هذا لشوفة عيونه أشتقت .

[Abo DA7M @i2aw24]

أَبْلَيْتَنِي بِالعِشْقِ ثُمَّ تَرَكْتَنِي
وَأَذَقْتَنِي حُلْوَ الهَوَى فَقَتَلْتَنِي
وَوَهَبْتَنِي قَلْبًا يَفِيضُ تَعَطُّفًا
أَيَا خَائِنًا بِالحُبِّ كَيْفَ كَسَرْتَنِي

[Abo DA7M @i2aw24]

الدموع اللي احبسها طوال السنين
كلها في ضحى العيد نزلتها
عايدوك المسيحيين و المسلمين
وانا روحي على معايدك عللتها
يا حسافه الرفقه طول السنين
حتى كل عام وانت بخير ما قلتها

[Abo DA7M @i2aw24]

أقول في نفسي عقب ما راح العيد
وش باقي من فرح فقدت وجوده
العيد خلص والليالي تجيد
لكن فقده ما نسيت حدوده
أجامل العالم بضحكة من بعيد
وألقى غيابه في ضلوعي وقوده
الناس ودّعت الفرح والتناهيد
وأنا مع الذكرى أجدّد عهوده
وأشوف طيفه في خفوقي يعيد
ليت الزمن يرجع وأنا في وجوده

[Abo DA7M @i2aw24]

كل عام و انت بقلبي و لو مالي بلقاك حيله

[Abo DA7M @i2aw24]

ليتني ..

[Abo DA7M @i2aw24]

رفعت كفي ما قدرت ارفع الصوت
لو كان في الخاطر كلامٍ كتمته
لحظه وداع و كنها سكرة الموت
ضاع الطريق الي من اول رسمته

[Abo DA7M @i2aw24]

ودعتك الله لو على قلبي اخطيت
و حاربتني من دون ذنب و خطيه
احسبك تذكرني اذا اصبحت و امسيت
واثرك على فرقاي نفسك هنيه
الله اكبر كيف عني تخليت ؟
من بعد ما علقت روحي البريه
وش غيرك وش بدلك ليه صديت
وانت الي بالقلب نبض و هويه
من هو بقى لي بعد ما عني تخليت
و قدمتني للحزن اثمن هديه

[Abo DA7M @i2aw24]

انت طيب ؟

[Abo DA7M @i2aw24]

يعني خلاص الي مضى يعتبر طيش
يعني كذا ناوي تروح بسهاله

بعت المحبه و الغلا و الوفا ليش
وش له تجاهل شاعرك في سواله

ياخي احترمني قدر الملح و العيش
راع الهروج العوج مالك و ماله

اذكر على لقياك حاربت لي جيش
و لليوم القلب ميت في وصاله

[Abo DA7M @i2aw24]

ما عادت اخباري على منت خابر
تزاحمت سود الليالي عليه
صحيح حبك هد قلبي وغادر
و اهديتني جروح الزمان القويه
والله ماخبر الجرح فيني يبادر
الا على فرقاك يا أعظم عطيه
ودعت حبك في زمن النوادر
و دفنت قلبي يوم الاحلام حيه
انت اعتبرني في حياتك مسافر
وانا اعتبرتك درس اقوى اسيه

[Abo DA7M @i2aw24]

أخفي ملامح ضيقتي خلف الأعذار
وأكتم تعب روحي وكسرة يميني
أعصابي انشدّت من كثر الأفكار
حتى الهدوء اللي أبي ما يبيني
أجامل الواقع ولو صار ما صار
وأضحك بوجه الناس والحزن فيني
كنّي أشيل الأرض وأطيح وأنهار
وأقوم أكابر والوجع محتويني
وقفت عاجز وانتهى كل مشوار
أمسح دموعي بس ترجف يديني.

[Abo DA7M @i2aw24]

ماني مخالف على حكم الاقدار
هذا نصيبي بالدنيا وانا قبلته
ما باليد حيله ولا على كيفي اختار
لاكن حظي والقدر ما توقعته
يا الله لا تحملني فوق ظروفي اضرار
مابقى هم في الدنيا الا حملته ،

[Abo DA7M @i2aw24]

صدك نصيب وغيبتك شي مقسوم
وانا على النسيان مـ الله هداني
حبك حفرته وسط قلبي مرسوم
وشلون تتركني وانا منك اعاني
يا بنت ماني قايل الحلم مهدوم
لاكن بقول الحظ عندك رماني
واستغفر الله كان بقول محروم
ربي جمع و الله منك خذاني

[Abo DA7M @i2aw24]

وش حيلة المشتاق لاحن واشتاق
وماله في درب المواصيل حيله
يهوجس وكل ما تذكر حبيبه ضاق
وان حاول بقربه ماله وسيله
انشهد أن درب الموادع ما يطاق
وان الوصال بحد ذاته محيله